من فوق سلمى قام يشلع ربابه
علي بن عبدالله الشاعر من هل الروضة توفى سنة 1324هـ
كريم يابرق على دار خلي-=-من فوق سلمى قام يشلع ربابه
عساه لجذوع الودايا يعلي-=-يسقي غريس شرّكت جوف طابه
ينبت به الحوذان والرّقم واللي-=-على انها دار لخلي ربابه
ابو ثليل مثل عذق المشلّي-=-وخديري(ن) ما فاخت الماء جنابه
وابو ثمان كالبرد يوم هلي-=-وثنيوات ما دمرهن شرابه
ابو ...بالحشا مستقل-=-خطر(ن) يمزّع من جديد الثيابه
والخشم حد مصقل(ن) يوم سلّ-=-يا ما حلى ياعلي سلّة ذبابه
الوسط خطر(ن) ينعزل او يزل-=-لو يلتفت عجل(ن) وهبّ الهوى به
لى شافني بالسوق طق وعزل لي-=-وخلّف برمح(ن) ما يخيّط صوابه
لى وا هني ياهل الحبيّب هل(ن) لي-=-وإلا ابن عم ولا يعرض الطلابه
---
عبدالله بن علي بن دويرج
يامن يبادلني بحظي وازيده-=-من جاز له بالزّود ما فيه ردّه
يقدم على حظ(ن) ترى يوم عيده-=-ساعة يشوف الرّزق وده يردّه
عذروب حظي بركته ما تكيده-=-والى برك يبسط على القاع خدّه
يكره الى شاف الثياب الجديده-=-ويفرح الى شاف الملابيس جرده
لا وا هني من يلتوي في وريده-=-بمصقل يمضي على العظم حدّه
الفقر ما يفختني ابداً من ايـده=ايضا وعندي له فراش ومخدّه
دايم علي معاملاته شديده-=-مالي عنه منهاج والباب سدّه
---
دمتم،،،،،،،،،،،،،،،،،،
الرعـــــــــــــــــــــــب
