أبجربع وتجربعت ... قصة حقيقية ...
[align=center]في يوم من الأيام وبعز الظهر رحت أتخم أدور واحد بس واحد يطلع معي للجنادرية
أتخم بإنحاء الرياض ولالقيت أحد
اندبلت تسبدي وعزمت أنكس للبيت فجأة جاتي إتصال من واحد من خوياي قال نبي نطلع ولالقينا سيارة
قلت أبشر بعزك وماقال الله وأكبر العصر إلا معي سبعة قلت عز الطلب هذا اللي أبيه
مسكنا خريص وهم ذابحتهم الخرعة مصفين طبلون الجمس وطاير بين السماء والقاع وهم لهم خرعة وقفنا عند لنا محطة وكلهم يحلفون والله مانرتسب وأنت السواق من الخرعة اللي جتهم
ساق بنا واحدن شايب ماوصلنا هناك إلا حول هالمغرب
إستانسنا وانبسطنا وضيعنا بعض وتخانقنا وغدينا حوسه وهممنا بالرجوع <<<< حلوة هاذي
المهم طلعنا لدوار العويضة قلنا ننبسط أكثر كان يوم خميس ونبي نوسع اصدورنا وكل ماشفنا سيارة قلنا لاتحرش بنا ترانا سبعة وماحنا متعاجسين إننا نفرم فرتك
قضبت معنا إلا نجربع ونبي ندخل حوش المطار وقضبنا طريق المطار لما وصلنا المطار بكبره ونكسنا
الوكاد قالوا لازم جرابيع وقضبنا طريق الشرقية قلنا مع أي مخرج نمشي ماأدري وش اللي قردنا ورحنا مع مخرج رماح وخذينا حول 5 كيلو إلا وهذا حادث ( سلموا الحمد الله ولاجاهم شين ) عندهم جيب طوارئ ودورية مرور تعديناهم بحول 5 كيلو بعد ( طبعاً عقب ماتشفينا وتفرجنا ) وهزعنا يسار الخط وقعدنا نجربع صدنا 4 جرابيع وطير مدري وش يسمونه سمان أو سمانه الوكاد إني ماأدري يوم جينا ننكس يمار مامعنا غير 40 ريال وعبينا جمسنا وجيناك راجعين اللي ذابحهم النوم واللي تعبان وشاء القدر وسقت بهم عقب ماحلفوني إني أركد وقصبنا الخط ناكسين لبيوتنا حول 2 بالليل وفجأة من دون مقدمات حذف بوجهي راعي ددسن 2001 مدري وش يبي وقام يهدي يما وصلنا 60 وقلت لخوياي خلونا نوقف ونشوف وش سالفته قالوا خلك بطريقك دامه ماتعرضنا وش حادنا عليه ( خلنا نهدي وماتركنا انتعداه وماتعرضنا لياهالحين )
ومشينا وراه لمسافة 3 كيلو يوم هداء مره ليما وصلنا 20 بصراحة أنا إنخرعت قلت هذا به بلاء جاءنا من يمين راعي جيب 94 سفاري واثنين طالعين من الداريش ومعهم أسلحة رشاش ومسدس ربع قلت بس هاذي خاتمتنا قال وقف ياراعي الجمس وإلا ياوقف له
كنست للجمس وبغينا نصدم راعي الددسن ولونه ماهو غشيم ومايعرف يحد تسان مانحشت منهم طفيت النور وخبري العداد 140 وحذفت يمين يم مخرج الرياض وشلعت به وخوياي اللي منخرعين من السرعة قاموا يصايحون علي ادعس وش بلاك مهدي 180 مهدي الحين والله ماوقفت إلا عند الأستاد وأنا علومي علوم وعييت لاأسوق منخرع ومدري وش جاني أكا اليوم
وصلت البيت 6 الصبح وأنا مدري وش صار لي ليا هالحين
يمار هاذي جرابعينا جربعنا وتجربعنا
ملاحظة : تم إنزال هذه القصة بالدكة بطلب من الغثة وثكراً
نصيحة : لا أحد يمسك طريق مابه أمن طرق بعد صلاة العشاء وإلا تعرضوه هالحونشية
مع تحيات شركة الملهم المحدودة للبويات والسمكرة وترصيص الجدران [/align]
