* ويح الزمن يابنت الاجواد ويـــــــــــــــحة *
[poem=font="Arial,4,crimson,normal,normal" bkcolor="transparent" bkimage="backgrounds/17.gif" border="solid,4,purple" type=0 line=0 align=center use=ex num="0,black"]
ادخل على الله واسلم الامر تسليـم=واستغفرة واستذكـرة واستميحـة
وضح النوايا والمسـاري مجاهيـم=والحلـم غالـي واليالـي شحيحـة
والحلـم غالـي واليالـي شحيحـة=ويح الزمن يابنت الاجـواد ويحـة
خلي علـوم أمسسيـن المرازيـم=واخذي علوم مصمصمين القريحـة
حنا طنايا عبـس يامذيـر الريـم=حنـا مقابيـس الوغـى يامليحـة
حنا سلايـل قاسـم الخيـل ودليـم=وزعتنـا يـوم المكايـد رجيحـة
بدو حفايـا مانصفتنـا المقاسيـم=وبصدورنا عـز تطـارخ فحيحـة
نرعى رفيق البرق في ساقة الغيـم=ومن يستبيـح حدودنـا مانبيحـة
واليا ترع في هرجتة دفش وبهيـم=خطو الهبود اللـي تكابـر فطيحـة
عن ساقط الهرجة نطـق الملاطيـم=ومن طاح فيها مارحمنـا مطيحـة
نكبر عن الطفسة ونجزع من الضيم=ونموت ما ناطا شليـل الفضيحـة
نزوم زومـات الرجـال المحاشيـم=ونهـد هـدات النـور الجريـحـة
ربـع عـلـى در المنايامفاطـيـم=من هازنا زاغت عجوزة تصيحـة
اليـا تغشلينـا عسيـر الشغاميـم=لومك على اللي مايبرهـن مديحـة
وان لولشـن محشمـات الملاثيـم=والموت حثرب بالحناجـر ضبيحـة
جينا من اقصانا سحايـب مراديـم=كل يذكـي حروتـة عـن نطيحـة
يازيـن دح قفوشـنـا لةترانـيـم=والعج واقـف والفعايـل صريحـة
كان المنايا سوقهـا مابعـد سيـم=والخوف برك بالقلـوب الكسيحـة
حنـا زباينهـا عـلـى الـلازيـم=علمـا يقريـة النصيـح لنصيحـة
واللي بنـى بيتـة نبيـة ابراهيـم=انا طريـق المستميـت لضريحـة
بني رشيد ان عتم الجو الجو تعتيم=ماللـردى فينـا ملامـح وليـحـة
أجسر من الرعاد واكرم من الديـم=سمر الجباة اهل الوجيـة الفليحـة
خوينـا نقريـة عـزة وتحشـيـم=دخيلنا دونة عن المـوت صيحـة
يابنـت ماحنـا فـقـارا معـاديـم=لوماسكنـا القصـور الفسيـحـة
تجـار لوحاشـت يدينـا ملالـيـم=ومـن الغنـاة قلوبنـا مستريحـة
مانستضيـق ليالفـونـا معـازيـم=للضيـف لونذبـح حدينـا ذبيحـة
دايـم ايدينـا للعطـايـا موالـيـم=لي خانت الفزعـة وجيـة كليحـة
طال القريض ومقبل الـود ومقيـم=والبـال عيـا طارقـة لايريـحـة
اقولها وابصم على القـول تبصـم=والعلم بين زايفـة مـن صحيحـة
ماهو قصور بالحـرار الصماصيـم=كلن بدرب العز قـد هـب ريحـة
مدحـي لربعـي مايـذم الاكاريـم=ولايستشـك الا خبيـث الشريحـة
والحق واضـح للرجـال المفاهيـم=والحقد يخرث بالنفـوس القبيحـه
والشر من جيت معـزي وهونيـم=واليوم وحدة والشريعـة سميحـة
للشاعر 00( مساعد الرشيدي) 00
اختكم 00 المهرة[/poem]
