-
ما نشدت الشمس عن حزن الغياب
علمتنا الشمس نرضى بالرحيل
كل يومٍ يغرق الضي افـ عباب
ما سمعنا ناعي ٍ .. مابه عويل
وما هقيت الموت يجرحني جواب
لين شفتك في سما عمري اصيل
علميني ياللي كفوفك سحاب
وابتسامك غيث واهدابك نخيل
وش أسوي لا دخل فصل الضباب
وكفت عيوني وضيعني الدليل
حاجتي والشيب بهديني الصواب
حاجتي لك ما مضى افـ عمري حصيل
آه يا سلمى مضى وقت العتاب
والحديث اللي باقوله لك طويل
اعتذر يمه صل مني غياب
واعتذر ازريت لا ارد الجميل
من يجازيك وعطاياك الشباب
والله العالم ترى ماني بخيل
يوم انا عاري غديتي لي ثياب
وان شكيت الضر شافيتي العليل
ويوم كبر الطفل ولمتي الزهاب
كل ما في الكون من طبعٍ جميل
هي درت حايل وهذيك الهضاب
عن غيابك هو درى الروض المسيل
بنت من لا ثوروا فوق الركاب
ما يباريهم سوى نصل وأصيل
واخت من لا كسرت سمر الحراب
من عنيف الطعن ردوا للصقيل
وام من جدانهم مثل الشهاب
كاسبين المجد من جيلٍ لجيل
يالله المطلوب يا جزل الثواب
تجل الجنة لها ظلٍ ظليل
بدر بن عبد المحسن
-
الاخ ناصر 766
ياهلا فيك ومرحبتين بين اخوانك واخواتك
نورت المنتدى بحظوركهي درت حايل وهذيك الهضاب
مشاركه رائعه تدل على ذوقك الجميل
منتظرين منك اكثر انشالله
................................
قصيده الامير بدر باسلمى معروفه ومشهوره ...
هي درت حايل وهذيك الهضاب
عن غيابك هو درى الروض المسيل
بنت من لا ثوروا فوق الركاب
ما يباريهم سوى نصل وأصيل
واخت من لا كسرت سمر الحراب
من عنيف الطعن ردوا للصقيل
وام من جدانهم مثل الشهاب
كاسبين المجد من جيلٍ لجيل
يالله المطلوب يا جزل الثواب
تجعل الجنة لها ظلٍ ظليل
تقبل تحياااااااااااااااااتي
-
الا خ ناصر
الف شكر على هاالقصيده الرائعه للرائع بدر بن عبد المحسن
علما بانها من اروع قصائده
وعلى المحبة نلتقي
فيصل اللويش
-
هلاهلاهلاهلا بناصر
اختيار حلو لالالا
اختيار رائع لالالا
ممتاز وتسلم
الشاعر بدر
والمتوفية ام البدر
والمتذوق ناصر
لابد من ان ينتج عن هذه الخلطة
شي راقي
الى الامام
