-
هذه اول مشاركة لي معكم واتمنى ان تحوز على رضاكم
هذه قصيده اسندتهاالى خالي وماقصّر رد علي ..
.. واليكم القصيده، والرد:
وهذه الفصيده:
ياخـال انا شفق(ن) على شوف خلي ــــــــ له خمسة ايام علي يتغلا
مـدري غـدر ولا من الشوق ملي ــــــــ راع الهوى ماضنتي انه يملا
او انه امضى عشرته لي تسلي ـــــــــ اودع حياتي لعبة(ن)به تسلا
ولا من العذال ياخـال قلي ــــــــــ ترى العواذل عقدة(ن) ماتحلا
عجزت ادور لي عذر للتغلي ـــــــــ احـتـرت في صده ولا شفت حـلا
تلتل عروقي ناعم العود تلي ــــــــــ وغديت مثل الجاهل بلا محلا
ارجاك ياخــالي لهمي تشلي ـــــــــ يابوهيا افزع ترى الحال ولا
ولابسل السيف من الغمد سلي ـــــــــ واذبح حبيبي وفي دماه اتملا
وارتاح من حبه ومن زود ذلي ــــــــ ويرتاح قلبي من عذاب(ن)تعلا
ارجاك بزين الرد ياخال قلي ــــــــ ولا ترى لراس سـيفـي اســـلا
فرد خالي بهذه الابيات:
حي الجواب اللي لفا مرسل(ن)لي ــــ اهلا هلابه عد مالصبح طــلا
يشكي على فرقا الحبيب المسلي ـــــ يقول انا ويه قبل نتسـلا
وضح وش اللي صار يالقرم قلي ــــــ وش السبب خمسة ليالي تخلا
ان كان قصده يالبناخي تغلي ـــــــ قـله تـرى من يتـغلا يخـلا
انا ادري ان القلب معهم مولي ـــــ الحب بلوى ومن وقع فيه ولا
لاشـك قلّي مسـكـنه والمحـلي ـــــــ اباصله وابفهم اشـبه تغـلا
وان كان ماعنده عذر للتغلي ـــــــ والله لاجيبه بالغصب لو يذلا
الا اذا هو كـان قصده تسلي ــــــــ ابتركه حيث الجهل فيه فلا
وابنصحك تصبر ودور على اللي ــــــ ياعاشرك يصفي معك مايتخلا
انس الذي عشرته تقليد لاصلي ـــــــ وخلك مع اللي عشره ماتملا
وسلامتكم...........
العطاوي
-
الاخ الغالي / العطاوي
حياك الله وصح لسانك ولسان خالك
قصيدة رائعة ورد اروع
واذا تبي نصيحتي اتبع قول خالك
ان كان قصده يالبناخي تغلي
****************** قـله تـرى منهو تـغلا يخـلا
وانا هقوتي بك كبيرة بس الظاهر انك ما تصبر لانك تقول
ياخـال انا شفق(ن) على شوف خلي
************ له خمسة ايام علي يتغلا
المدة مهي شي خمسة ايم يالسنافي
اعتز بك صديق
اخوك / محمد
-
الاخ
العطاوي
اهلا وسهلا بك بيننا فأنت منا ونحن منك
صح لسانك
ولسان خالك
وانا اقول اسمع نصيحة خالك ترا الخال والد
فيصل اللويش
-
العطاوي:
خوش قصيده
صح لسانك انت وخالك
