-
يــاجــودي يأهل المنتدى
[align=center]بسم الله الرحمن الرحيم
((صلو على النبي))
يالله يـا معبـود يـا عالـم كـل الغـيـوب
يا عظيم الشـآن يـا واحـد نرجـي عطـاه
يـا وجـودي تالـي اليـوم قـدام الغـروب
ويا وجودي في عشي النهـار وفـي ضحـاه
و يا وجودي لا بدا الليل يكسي الأرض ثـوب
و يا وجودي لا بـدا الليـل يكسيهـا عبـاه
و يا وجودي كل ما هـب نسنـاس الهبـوب
و يا وجودي كل ما حس جـرح فـي حشـاه
و يا و جودي و جد من تاه من بين الـدروب
و يا وجودي وجد من طاح من بيـن العـداه
و يا وجودي و جد من هو على الأمر مغصوب
و يا وجودي و جد من لـه مقـام مـا لقـاه
و يا و جودي و جد من ضيعه كذب الكـذوب
و يا وجودي و جد من ضيعه بعض اصدقـاه
و يا و جودي وجد من هو على شفه دبـوب
ويا وجودي وجد مـن تبحـث الدنيـا خفـاه
و يا وجودي وجد من سج نوب و فاق نـوب
ويا وجودي و جد من طـاري الفرقـا بـراه
و يا وجودي وجد من حس تآليـف القلـوب
و يا وجودي و جد من شاف شيء مـا بغـاه
و يا وجودي كل ما شفت برق فـي نصـوب
و يا و جودي كل ما شفت غيـم فـي سمـاه
كلها مـن شـآن حـب الجنوبـي للجنـوب
و كلهـا مـن شـآن حـبٍ رفيـع مستـواه
و كلها من شآن صبـري علـى حـر اللهوب
و كلهـا مـن شــآن يالله يالله بالنـجـاه
و كلها من شآن زيـن الملامـح و السلـوب
وكلها من شآن من حـب زولـي و اهتـواه
و كلها من شآن يـوم السوانـي و الغـروب
و كلها مـن شـآن وقـتٍ سقـاه الله سقـاه
و كلها من شآن كشفة غطـا كـل محجـوب
و كلها مـن شـآن بـرق يشوّقنـي سنـاه
و كلها من شـآن الايـام غالـب و مغلـوب
و كلها من شآن يـوم الفـرج يبـدي ضيـاه
و كلها من شآن في الناس هايب و مهيـوب
و كلها من شآن من هـاب شفـه مـا قـواه
و كلها من شآن حبٍ و مـن شـآن محبـوب
و كلها من شآن وين الحـلا و احـلا حـلاه
و كلها من شآن ذيـبٍ سـرى ليلـه قنـوب
و كلها من شآن يقنـب يبـي يلقـى عشـاه
و كلها من شآن مـن تـاب ولا مـن يتـوب
و كلها مـن شـآن يهدينـي الله فـي هـداه
وسلامتكم
7
7
7
فيصل بن محمد
(رماد الشوق) [/align]
-
[align=center]
أخي الفاضل
رماد الشوق
لي شرف المعانقة الأولى
و ألف مليوووون صح لسااانك
هطول عذب ننتظر المزيد منه
أختك
الدهور[/align]
-
الدهور
وانا تشرفت كثيرا بأن تكوني اول من يحتظن القصيده ويقوم برد عليها
صح بدنك ولاهنتي
دمتي بخير ودام تواصلك
7
7
7
فيصل بن محمد
(رماد الشوق)
-
[align=center]اخي فيصل بن محمد
اهلا بك وبحضورك ,,
قصيده مبدعه ورااائعه ولا شك ..
اسلوب فريد .. تتمتع به هذه الفاتنه
شكرا لك ..
واتمنى ان تتواجد معي.. هنا m808a@hotmail.com
بانتظااارك
كل الود[/align]
-
رماد الشوق
ابدعت واجدت في التوجد
الف صح لسانك
ودام نبضك الجميل
-
أخي رماد الشوق
صح لسانك على هذه القصيده الجميله
تحياتي
أخوك / زاهي حمود
-
[align=center]نبراس
هلا وغلا واشكرك جدا على هذه المرور صح بدنك ولاهنت يالغالي
دمت ودام تواصلك العذب
تحياتي اليك
7
7
7
فيصل بن محمد
(رماد الشوق)[/align]
-
[align=center]سعود بن بادي
قمة الابداع والروعه هي تواجدك واعجابك في القصيده
صج بدنك ولاهنت يالغالي
تحياتي اليك
7
7
7
فيصل بن محمد
(رماد الشوق)[/align]
-
صح لسانك يالطيب
فيصل
للامانه قصيده متمكنه
لاهنت
