((الـــشــقــي))

[align=center]بسم الله الرحمن الرحيم

اسعد الله مسائكم اخواني اعضاء منتديات مضايف شمر المميز

اضع بين ايديكم قصيدتي المتواضعه وكلي امل ان ترتقي الى مستوي ذائقتكم الشعريه



أثر الشقى مايقبـل يعيـش مرتـاح
ياهـم لاتذهـب بعيـد ولاتــروح

صعب اتخلا عنك لـو راح مـاراح
عشرين عام وانت مكتوب في اللـوح

لانك رفيق القلـب زهـاق الارواح
حتى لو ان مالك وراي اي مصلـوح

متعود اقابلـك مـع فلـق الاصبـاح
واودعك في الحلم بضحوك ومـزوح

ولااذكر انـه مرنـي يـوم وانـزاح
ولاتقابلنا علـى صـدق ووضـوح

حتى ليالـي العيـد وايـام الافـراح
تركت لك باب العنا الشـاق مفتـوح

تدخل متى ماشئت من غيـر مفتـاح
وتجي وتنقض لي على جروحي جروح

واقوم وانسى انك سبب كل الاجـراح
واوزع الامي على جبـال وسفـوح

واوجه التهمه علـى الحـظ لاطـاح
متلوذ مـن لسعـة الجمـربالفـوح

كنا خلقنا لبعض باصـرار والحـاح
ولالاحد منـا علـى الثانـي جنـوح

احيانا اشوفك في يدي جيش وسـلاح
الغي بك الفرحه واهدد بـك طمـوح

واحيانا اشهر بك على روس الارماح
واعلن عدائي لك على الناس وابـوح

واعود واحسب الخسايـر والاربـاح
والقى الخساره اكبر من أي مربـوح

وأجدد الصحبه علـى غبـن وكفـاح
وأشيد لك في القلب قلعات وصـروح

مقرك الدايـم كمـا بيـت الاشبـاح
لاتدخله شمـس ولا يبلجـه ضـوح

ان اعجبك عش داخله مطلق اسـراح
وان ماعجبك فاخرج منه غير مسموح

راضي يضل القلب فـي يـد سفـاح
ماكنـه بقلبـي ولاالـروح بالـروح

فاما حيـاة ترضـي الله واصـلاح
والا ممـات يهلـك النـاس بالنـوح

7
7
7
وســـلامـــتــــكــــم

((فــــيــصــل بن مــحــمــد))
رماد الشوق [/align]

رماد الشوق
الله الله الله
هنا للشعر حديث آخر وعزف منفرد
ابدعت في بوحك الجميل
الف صح فكرك
ودام حضورك الرائع

[align=center]صح لسااااانك ..


رااائعه جداً .. جداً .. جداً ..

انتظر الجديد


دمت بود[/align]

[align=center]رماد الشوق

الله عليك

صح لسااااانك ودام عطاءك

نطمع بالمزيد

تحياتي[/align]

الشاعر

سعود بن بادي

لي الشرف ان تكون اول من يزور القصيده ويثني عليها

صح بدنك ولاهنت يالغالي
7
7
7
فيصل بن محمد
(رماد الشوق)

[align=center]نبراس

تبقى الروعه في مرورك واشادتك بالقصيد وسام شرف لي

صح بدنك ولاهنت
7
7
7
فيصل بن محمد
(رماد الشوق)[/align]

مشاري

صح بدنك ودام تواصلك ولاهنت

تحياتي اليك
7
7
7
فيصل بن محمد
(رماد الشوق)