بنت منهو راح يتبع ناقته

اهديلكم هذة القصيدة وأتمنى أن تنال رضاكم واعجابكم , والقصيدة للشاعر / نايف بن بندر العتيبي .







قلبي اللي لادنا وقت الهجوع *** زارته بعض الهجوس وشاقته


جر صوته من ورى حدب الضلوع ***هاضني والنوم يقطع ساقته


كن قلبي مالعبت ترف الفروع *** يوم طقت بالحشى طقاقته


من نهار السبت لليوم الربوع *** والعيون النوم لا ما ذاقته


من غلا مزيونةٍ بيضى قطوع *** من طلب منها اللقا ما لاقته


غروةٍ فيها الحلا تسعين نوع *** بنت منهو راح يتبع ناقته


يتبع نياقة ولو هو مات جوع *** ساقها يم الخلا واستاقه


عنجهيٍ ما يطري للرجوع *** لين يلمح للحيا براقته


راح باللي في تثنيها دلوع *** تنزع الخفاق من معلاقته


عاندت قلبي وأنا رجلٍ جزوع *** من يعاندي قطعت علاقته


روحت مير الغلا غصبٍ وطوع *** يمسك الرجال من ساقته