(((((بنـــت الكريــمين)))))
[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="groove,4,gray" type=0 line=0 align=center use=ex num="0,black"]
وجدي على بنت الكريمين ياسعود=وجدي عليها يوم اقفى قمرها
قلبي لها من سبعة سنيين مصيود=واصبح غريقٍ في مثاني بحرها
انشهد اني يابن الاجواد مقرود=يوم النواعس صوبتني بخطرها
عقب المعزه صرت انا اليوم مقيود=تمشي وانا امشي كل دربٍ باثرها
ويراكب من عندنا فوق صاهود=سيارةٍ من يوم حرك كفرها
جيبٍ على قطع المشاوير محدود=دروب المماشي بالمعزه عبرها
تسمع شكامينه تقل حس بارود=ماهو ردا لاشك عزمٍ جبرها
يقبل كما ذيبٍ من الجوع مضهود=ويقفي كما مزنٍ تحدر مطرها
اللي صنعه بديرة "الفنص" مولود=بديرة اليابان باقصى ديرها
باطراف "طوكيو" عند "هونق كونق" بحدود=ما للنشاما منزلٍ في جزرها
يالعنبو فكرٍ به العز موجود=ويالعنبو عزٍ بفكره سطرها
قم يانديبي خاوهم واكسب الفود=ياعل نفسك تستريح بسفرها
من دار "حايل" والجبل ديرة الجود=لدار الشمال ديار عزٍ مقرها
تقبل على "رفحاء" به الخير منضود=الديرة اللي جعل ربي يعمرها
به له غزالٍ يابن الاجواد مفقود=من عام الاول ماوصلنا خبرها
ريميةٍ من يمها القلب مشدود=سبحان منهو بالمحاسن اسرها
لوا عنا قلبي من عيونها السود=وعزي لمنهو صوبته بنضرها
ياعين حرٍ لابرق الريش حاصود=اقبل عليها وبالفيافي حدرها
اودع مكب الريش بالقاع مرجود=مخلاب كفه بكل صوبٍ نثرها
اخشى الجسم يركب على جلده الدود=ونرحل عن الدنيا ونترك بشرها
مابه حسايف وعلى مثلها زود=ياكود ريم البيد قلبي خسرها[/poem]
