(( ذيب الشمري) يمدح ( ناصرالسهلي)00
[align=center]ابيات للشاعر الكويتي المعروف ( ذيب الشمري) يمدح فيها ناصر بن ضبيب البرازي السهلي
عندما وقف معه وقفه صادقه 00 فالافعال الطيبه تجبر
الانسان على تخليدها بذكر أهلها وافعالهم الطيبه
رواها الاستاذ فهاد السهلي يقول الشمري [/align]
[poem=font="Simplified Arabic,5,white,normal,normal" bkcolor="green" bkimage="" border="groove,4,gray" type=1 line=0 align=center use=ex num="0,black"]
امتثل ياهاجس الشعرمطلوب المثول=عبراللي نامرك فيه واسمع مايلي
سامع قرع المعاني مثل قرع الطبول= من هجوس في ضميري تغيض وتمتلي
ارتفع ياهاجس الشعر عن مدح الثغول = للأسود اهل الشهامه وحظك يعتلي
الاسود اللي تفك الصعايب والقفول = نارهم في ساحة الطيب نار تصطلي
يوم زادت فوق متني ثقيلات الحمول=صحت انا في عالي الصوت ربعي ياهلي
قالوا ازبن صوب حر من حرار السهول= والله انك ماتضايق وبالكون سهلي
ابشر برفة حجاجك ترى همك يزول= اوصل ابن ضبيب ناصر وليلك ينجلي
قلت والله لاصل الحر يانعم الوصول = وبيت ابو راكان عاني وعقلت جملي
في محل قام ساسه على طيب الفعول=عزطلاب المعزه وحرز المبتلي
ياعظيمين المواقف عربيين الاصول=مانشف هداج تيما من كبار الدلي
حاجتي دلوصغير وحبلي مايطول=والولاة انتم على الامر والله الولي
كاسبين المجدالاول على ظهورالخيول=كم سقيتوا شذرة السيف والدم يغلي
والقلم اصبح كما السيف لاصحاب العقول=من يقول المجدوقف الزمان الاول
والفخر باية وسيله ينوله من ينول=حظ من طالت يمينه وعزمه مابلي[/poem]
[align=center] دمتمــ بخير
اختكمـ 00المهره[/align]
