-
ياقلــــــب الشقـــــاء
[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
البارحه جبت المثايل ضرايف=وسطرتها يوم اكثر الخلق هجّاد
سطرتها من فوق بيض الصحايف=مثل المهار المعربه حين تنقاد
ماعذبني مزينات الشفايف=ولاهيضن حب الغنادير ياعناد
ياقلب ياقلب الشقاء والحسايف=كل مامضى من ماض الايام ماعاد
ماينفعك رقي الرجم والنوايف=لو بان لك في غب الايام مصعاد
كم واحدٍ من جور الاقدار عايف=اصبح على صكات الاقدار معتاد
خلك عزيز وباقي العمر طايف=ولابوه وقتٍ للاجاويد مافاد
لابوه وقتٍ عزّ به كل هايف=صاد المريعي واشقر الريش ماصاد
خلك على منهاج الاسلام خايف=يصير لك في هامة العز مقعاد
من لايعزك بالسنيين الكسايف=وقت الرخا صحبك كثيرة بالاعداد
ومن لانفعك ياصرت حيٍ وشايف=فزعاتهم ماتنفعك وسط الالحاد
ومنهو يوريك الجفا والنكايف=جازه على صده مناكيف وابعاد
واكرم غريب الدار ياجاك ضايف=اكرم جنابه يالفى الدار رواد
من دور الطولات للمال عايف=وعيب عليك ان راح ضيفك بلا زاد
ترى الخلايق للسوالف ولايف=الصيت يبقى وفي ذرا الطيب يزداد
واحفظ حقوق الجار غرٍ نضايف=العلم ياصل واكثر الناس نشاد
واحفظ لسانك ياقعدوا بالمضايف=ترى المهونه يالقوا فيك منقاد
ونوم الفتى نقص عليه وخفايف=ماعمرنا قالوا لنا العز برقاد
وانا بشر ماني عن العيب نايف=مره اصيب ومرةٍ للخطا راد[/poem]
-
[align=center]
الله الله عليك
وربى انه شامخه من شاعر لله درك
يالغالى
وصح السااااااااانك ملياااااااااااااار
ودام نبضك يالغالى
ولاهنت[/align]
-
[align=center]خلك على منهاج الاسـلام خايـف
يصير لك في هامة العـز مقعـاد[/align]
[align=center]
مشعل
صح لسانك
قصيده قمه في كل شي
فيها من الحكمه والموعظه
مميزه وجزله
لاهنت يالغالي[/align]
-
[align=center]مشعل وحضور مميز
كالعاده صاااخب استااااذي
سجلني متابع لك ولحضورك النقي
كل الشكر لك[/align]
-
الشاعر الاشدف عقاب
صح بدنك وشاكر مرورك
لاهنت
-
اخوي الغازي
صح بدنك
وشهاده اعتز بها من شاعر مثلك
-
الشاعر نبرااااس
صح بدنك
اسعدني مرورك
ولي الفخر بذلك
-
[align=center]قصيده من العيار الثقيل
صح لسانك يامشعل
اخوك... فيصل اللويش[/align]
-
[align=center]خلك على منهاج الاسـلام خايـف
يصير لك في هامة العـز مقعـاد
من لايعـزك بالسنييـن الكسايـف
وقت الرخا صحبك كثيرة بالاعداد
"
"
ابيات تحلّت بالحكمه والنصيحه
صح قلبك
وفكرك [/align]
-
صراحه
الله يعطيك العافيه
من جد
جزله وافيه
مشعل
صح لسانك
وسلم بنانك
ودام هطولك
دمت بخير
أخوك فهد الغاطي
