السلام عليكم ورحمة الله وبركاته
حضور اول في مضايفكم اتمنى ان يلاقي أقل القبول
[poem=font="MS Sans Serif,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الطاري ! تذكرتي هذاك اللي ذبحه الشوق=وهو ذا له ثلاث شهور ميّت ما دريتي به
خلاص استانسه قبره ولا وده يروح لفوق=شرب ضيم الزمان وزاد هجرانك بتعذيبه
ابد ما قال عن قلبك يا كود انه رفيع الذوق=الى من شافه ينازع خذاه لعالم الطيبة !
زهد بالكون ماهمه من العالم ولا مخلوق=مغير انتي معه في كل تشريقه وتغريبه
ذكرك اليوم ذكرى غير تذكّر قدك الممشوق=وعينك يومها تسلهم تتل القلب وتذيبه
ذكرك العشق والاشواق ذكرك الحسن والمنطوق=ذكرك الهم والغربال ذكرك البعد والغيبة
ذكرك وكنتي من غبتي لوجهك في سماه شروق=ولو رحتي عن افكاره تحل بقلبه مصيبة
يبث الشوق لاطيافك واذا جيتي وقف مخنوق=يكابر مايبي شوقه يبين لك لواهيبه[/poem]
ودمتم كما تحبون
