اربع خـــــناجــــــــــر
[frame="7 80"]مشكله لا جات حاجتك بيدين البـــــــخيل
مايفكك لين تدفع كثرمايدفـــــــــــــــــــعه
ومشكله لاصرت مطعون بكفوف الدخيل
في ظهرك اربع خناجر وبالصدراربعه
ومشكله لاضاق بالوقت رجال ثقـــــــيل
يطلب احبابه وعيا زمـــــــــــانه ينفعه
ليت ربي مايحاسب خليل من خـــــــليل
دام مال الحظ فزعه وللوجه اقنعـــــــه
ودام مال الوقت تالي وما بالحيل حيل
الغلا سم نذوقه ومر(ن) نجرعــــــــــــه
نحترى فيه اللقاء والحصيل اهوالحصيل
مثل حلم ما تحقق وعيت اقطــــــــــــعه
كني اللي حط بشفاه من جمر المليل
لاقدر يرميه للناس وازراء يبـــــــــــلعه
والظروف اللي حدتني لنيران وفتيل
عرضت دمع المحاجر لشي(ن)يجزعــــه
والمدامع بالغلا لاتحال ولاتحيل
والمشاكل كل ماجات جات مجمـــــــــــعه
اعذلوني عن هواء النفس وعيوني تخيل
في حبيب ما تركته ولازلت اتبــــــــــــعه
مغرم في حب مثله ولاارضا له بديل
عيني تشوفه وقلبي يجوع ويشبــــــــعه
ذاك كل مازان بالي وطالعت النخيل
ماذكرت الا ثباته بوقت الزعزعــــــــــه
ماهو الا قطة(ن)من حشا قلب(ن)عليل
وماني الاقطعة(ن) منه مخلوق مــــــــعه
لاجميل شفت قبله ولابعده جميل
العذاراء رهن رمشه وأنا رهن اصبـــــعه
والله انه لو طلبني طلوع المستحيل
لطلعه منيه مناك والله لا اطــــــــــــــــلعه
ماعلى من الملامه ولاهرج الهبيل
ما شجع الرجال لاثار غيره ماشجـــــــــعه
في عيون اللي عشقني ولا جاني هزيل
الله اللي حط عشقه بقلبي وزرعــــــــــــه
لوسكت ينطق له الصم والدنيا تسيل
وان حكىلويمشي المزن ياقف يسمـــــــعه
سلسبيل من شفاه يخالط سلسبيل
معمعه بسكات واحلى سكات بمعمــــــــــعه
ماهقيت ان اكثر الليل يمرح بالجديل
لين شفته شوف عيني بكفه يرفـــــــــــــعه
وان حييت وما بقى لي يا كود ليل
لأسهره بأول غروبه واموت بمطـــــــــلعه
والله ان العشق جمره وطاحت بالشليل
وان حصل ماطاعك الوقت بحبابك طـــــعه
من هو اللي علم اعداي نكران الجميل
ومن هو اللي خان خلي وحاول يقـنـــــــعه
كل عاذل ردني عنك يالطرف الكحيل
ياعسى الله يقلعه ياعسى الله يقــــــــــــلعه
يامعرض قلب الاحباب لدرب الطويل
السعه لابارك الله بالضيق الســـــــــــــــــعه
والله ان الوقت قاسي وانا ماني ذليل
واشهد ان الرجل مرات ظنه يخدعــــــــــــه
وانتم تعذلون خفاق بعيون الــــعديل
مارحمتونار جرحه وحيرة مدمـــــــــــــــعه
والسوالف ليلها ليل والحايل يحيل
والمشاكل مشكله مشكله متجمــــــــــــــــعه
مشكله لاخانك الوقت بالحمل الثقيل
لوزرعت الزرع هوج العواصف يشــــــلعه
ومشكله لا صار عاذك مايبردغليل
لاترده طيب كلمه ولا احد يمـــنــــــــــــــــعه
ومشكله لاصرت مطعون بكفوف الدخيل
في ظهرك اربع خناجر وبالصدر اربـــــــعه[/frame]
