مفهوم الصـــداقة؟؟؟

[poem=font="Simplified Arabic,4,black,normal,normal" bkcolor="transparent" bkimage="backgrounds/19.gif" border="groove,4,indigo" type=1 line=0 align=center use=ex num="0,black"]
حسافةً طيبً ببعض الرجاجيل = لو أن فعل الطيب مابه حسوفي
بعض العرب مامن وراهم محاصيل = وطيبً بهم ماهو عليك مخلوفي
لوسقت له من دم جوفك فناجيل = عينه لفعل الطيب لا ماتشوفي
الطيب ينفع بالرجال المشاكيل = ويبين طيبك في كرام الكفوفي
تر الذي من كاسبين التنافيل = لياقلت له بالخير صار معروفي
يرد طيب بطيب ويزود الكيل = لو أن راع الاوله به ينوفي
وياصاح رافق من لياضامك الشيل = يروف عنك وفي حوالك يروفي
يصير ذخرً لليال المقابيل = وياقف معك وقت الشدايد وقوفي
يصير حيلً لك لياخانك الحيل = ليابان في شمس العزايم كسوفي
ولازم تكون أنته عضيده عن الميل = ولاجزا المعروف كود معروفي
وياللي تظن ان الصداقة تعاليل = تر الصديق بوقت ضيق وكلوفي
ومن عاشر الأنذال شاف الغرابيل = ومن عاشر الطيب لطيبه يشوفي
وعزالله أنه ماتبين الرجاجيل = لولا قساوة وقتنا والظروفي[/poem]

[align=center]النجم نجم الاسلمي

صح لسانك مليون ولا بكفونك

والله يا نجم ان هذي حكم درر

هذي من اروع مارأت عيني


والله يغجز اللسان عن التعبير

اكيد بقراه مره وثنين لين ما احفظه


دمت بحب وود وشوق إلى جديدك

اخوك

نايف الشمري[/align]

[align=center]صح لسااااانك

يانجم


وسلم بننانك

دام تواجدك معنااااا[/align]

نجم الشمري صح لسانك مليون صح تعبيرك صح احساسك صح كلماتك التجربه خير برهان وحلو انك تعرف صديقك الاقريب والبعيد 00 صـــــــــــــــــــــدى صــــــــــــــــــــــــــــــرخه

[align=center]صح لسانك





نجم الاسلمي


بوح راقي ,, وجمل

لاهنت ولا هان عزفك.../...نزفك



كن بالف خير[/align]

[align=center]
أخي الفاضل

نجم الأسلمي


يقال :

إن أنتَ أكرمت الكريمَ ملكتهُ ،،، و إن أنت أكرمتَ اللئيم تمردا

و الناااااس أجناااااس


ألف صح لساااانك على هذه الدرة

و بانتظار المزيد من هذا الهطول


أختك

الدهور[/align]

نايف الشمري ، ذيب شراف ، صدى صرخة ، الدهور.
أخواني حياكم الله وصحت أبدانكم جميعاً وأشكركم على المرور الذي زادني فخراً وشرفاً ودمتم بخير.
تقبلوا تحياتي وأشواقي