ديرة ٍ فوق القصيم

[align=center]
اعضاء المضايف الاعزاء

وزوارها الكرام

ولكل من مر من هنا

اهدي هذه المتواضعه

عسى ان تنال شيئا من استحسانكم[/align]


[poem=font="Simplified Arabic,6,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سليم يسأل ليه اهيم = والله عجب وش هالكلام
وش درى هالخبل الغشيم = وش عرفه معنى الهيام
لا جابك الله ياسليم = عليك حطينا الملام
ماتدري بقول الحكيم = الضرب بالميت حرام
ذكرتني بهاك النعيم =وحرمت عيني من المنام
وصحيت بي جرح ٍ اليم = وهالجرح اعرفه لين قام
هالجرح ياسليّم قديم = كنه بصدري من الف عام
وحيد سميته يتيم = ولاله خوال ولاعمام
من صاحب ٍ كان النديم = منزله بالقلب السنام
حبه تمكن بالصميم = ماردته حدب العظام
لابان بالليل العتيم = نوره محا كل الظلام
سافر وهمه بي مقيم = بالقلب واعجبه المقام
يم ديرة ٍ فوق القصيم = ياحظها دار الكرام
حايل عسى خيره يديم = وياعلها بعز وسلام
ودونه قصر حظ ٍ عديم = كن بيني وبينه خصام
سليم تر ربك كريم = يبدل الفرقا وئام
يجمع قلوب ٍ تستهيم = ويجازي الجرح التئام
هالحين تدري ليه اهيم؟ = عرفت وش معنى الهيام؟
مبطي على هالقلب ديم = وشلون ماينبت غرام[/poem]

[align=center]استاذي القدير

ظاهر الزبن


منذ أن رأيت طيف هذا الاسم هنا و أنا أترقب ميلاد فاتنة جديدة هذه الليلة

ولم يخب ظني إطلاقا فقد أتحفتنا بهذه الرااائعة أيها المبدع

ولي شرف المصااافحة الأولى بكل فخر

تأكد هناك دائما من ينتظر تواجدك بيننا


أختك

الدهور[/align]

[align=center]الله الله الله الله الله





مجنونه ... ووش عرف سليم معنى الهيام ..؟!!




وش درى هالخبل الغشيم ..




ظاهر .. الزبن ..


رائع رائع رااااااااااااااااااااااااااااائع ..



وحايل ماهي بعيده ... :awink:






احترامي واعجابي ..[/align]

[align=center]صح لساااااانك


ياظاهر[/align]

ظاهر الزبن

ايضاً ظاهر الزيــــن00
بوح رائع وابيات رائعه وشاعر اروع 00
صح لسانك
لك تحياتي

[align=center]مبطي على هالقلب ديـم وشلون ماينبـت غـرام


لابــــــــــــد ان ينبت غرام


ولذلك الغرام رونق خاص


كما هو الحال معك يالزبن


صح لســــــــــــانك



ولك اصدق التحيه [/align]

سافر وهمه بي مقيم *** بالقلب اعجبه المقام

رائع

مبطي على هالقلب ديم *** وشلون ما ينبت غرام

تصوير رااااااااااااائع

قصيده سلسله وغير متكلفه من يقرأ مطلعها لا يملك الا ان يكملها .


تحية اعجاب لك اخي ظاهر ولا تبخل علينا بمثل هالابدااااع .

تحياتي.

[align=center]ظاهر الزبن

صح الله لسانك على هذه الراااااااائعه

والجميله بشاعرها المميز

لاهنت ياظاهر

تقبل
تحياااااااااتي

اخووووووك/
خليف الجهيلي[/align]

اختنا الدهور

شكرا من القلب

واتمنى ان اكون كذلك

كل الود

الاخ العزيز

نبراس

هلا وغلا

وتقبل شكري وتقديري

وكل الحب