استفسار عن معركه الانصر (وين راعي الوقيد)

السلام عليكم ورحمه الله وبركاته

حبيت استفسر اخواني عن معركه الانصر بالتفصيل والقصايد التي قيلت فيها

وشكرا

اخوكم عواد

ooo_75


ننتظر معك رد الاستفسار


و ما يقصرون ان شاء الله باللي يعرفون




اخوك

الذيب

[align=center]ooo_75
عـواد الخــريصــي

حيــاك الله اخـوي وهلا بيـــك

[mark=FFFFoo]
حبيت استفسر اخواني عن معركه الانصر بالتفصيل والقصايد التي قيلت فيها[/mark]

معركه الانصر هذي وين حدثت ومن هي بينه ..!!؟

بس لو تعطينا نبـذة مختصــرة عن هالمعركة اكيـد عندك منه ما دامك تسأل عنه :g: .. ؟
انا اول مرة اسمع به للأسف :awink: بدينا ننسـى!!

((الذيب))
انـت ما تعـرف عنه شـيء !! الذيب ما يخلا :smooch:

شكلي صفيت معكم انتظر :puzzled:

سلااااام ...

مادري [/align]

مشكور اخوي الذيب علي ردك
واشكر بعد اخوي راعي الوقيد ياخي حالي من حالك انا استغربت من هالاسم بس قلت يمكن في معركه بهالاسم
هالاسم ياطويل العمر قريته بموضوع والظاهر انها معركه عروي
لان الكاتب اخ عتيبي وكتب بموضوعه ان معركه الانصر جرت بين عتيبه بقياده محمد بن هندي وبين محمد الرشيد وانه في هذه الغزوه قتل نمر بن طواله وانا بن رشيد تقريبا انهزم بالمعركه وهذا سبب استغرابي
لان اللي اعرفه انه بمعركه عروي ان بن رشيد هو المنتصر انتصار ساحق ولكنه كان يقول معركه الانصر
فقمت اراجع معلوماتي بالمخ اليمين والمخ اليسار والمخيخ والمخاخ لعل وعسي ولم اجد شيئا
وقلت مافي الا عيال عمي

واسمحولي اذا طولت عليكم

السلام عليكم ورحمة اللة

حياك اللة اخوي

بالنسبة لمعركة الانصر الظاهر انة معركة عروى لان اول لقاء لمحمد بن رشيد وابن هندي
هو معركة عروى
وكما هو معروف واللة اعلم ان محمد ابن رشيد بالذات لم يذكر ان هزم سابقا
وبعد معركة عروى للمعلومية يقال ان محمد ابن رشيد صبح عتيبة اربعين صباح ولم يقبل
التوسط للعتبان بسبب تهديد ابن هندي

اما معركة عروى كانت بين شمر وعتيبة وانتهت بانتصار شمر انتصار ساحق

وسبب المعركة:
ان الشيخ عقاب بن شبنان بن حميد من شيوخ عتيبة قتل في معركة ضد ابن رشيد عام 1301هـ
فقام ابن هندي بتهديد ابن رشيد وشمر بأخذ ثار ولد عمة عقاب وغزو حايل

فوصل الخبر لمحمد بن رشيد
فقام محمد بن رشيد بغزو ابن هندي في ديرتة عروى وهزم عتيبة هناك

وللمعلومية في تلك المعركة شاركة عتيبة بقسميها الكبيرين روق وبرقا

والشاهد قصيدة حمود الرشيد اللتي اسندها للشيخ راكان بن حثلين
وارسلة مع "ليل الملتقم من شيوخ العجمان"

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
ياليل سلم لي على الشيخ راكان=سلم على زيزوم يامن واميرة
وقل فعلنا شافة حزام وفاران=يوم على عروى تقطع غثيرة
يوم ابن هندي نوانا ببرزان=حنا على عروى قصرنا مسيرة
واللي تمنى حربنا مع غزالان=ماحربنا باللي تمناة خيرة
والحرب مايحسب طراد بميدان=الحرب سل الصيرمي من جفيرة
هرج بلا فعل خراط بقيعان=وقول بلا فعل علينا معيرة
عاداتنا من مبطيٍ فرق الاقران=نفرق عشير عن ملامي عشيرة
واللي تمنا حربنا يم برزان=ناتية نقصر عنوتة عن مسيرة
وان كان هو من غارة العام زعلان=من الزعل والغيظ حنا نجيرة
برقطا لها مع فجة الصبح دندان=نتبع ملازيمة عقاب المغيرة
حصان الصميد اللي يسمى صنيتان=هرجة بلا فعل قليل البصيرة
اغواة عرضات الشيابين وفلان=وتجديعهم لهدومهم بالسعيرة[/poem]


"والموضوع قابل للاضافات اذا كان عند الاخوان شي واعذرونا على القصور"

اخوكم/مشعل الغفيلي