حنت لك السمراء ورمان الحمر ...<< للسنيدي ،،،
[align=center]http://www.al-wed.com/pic-vb/517.gif[/align]
[align=center]
بعدما تولى ابناء حمود العبيد الرشيد الحكم وذلك بقتلهم ابناء عبدالعزيز المتعب والذين هم ابناء اختهم ؛ هـرب آل السبهان بإبن اختهم سعود العبدالعزيز المتعب الى المدينة المنورة خوفا ً عليه من غدر الغادرين ، ولما كانت الحال في حائل تسير من سيء الى اسوء ، ارسل السنيدي القصيدة التالية الى حمود السبهان وهو خال لسعود "ابوخشم" بن عبدالعزيز المتعب يستنجدهـ ، وخوفا ً من كشف هذهـ القصيدة وإفتضاح امـرهـ قام بوضعها في مؤخرة عكّة دهن وربط عليها !! ولما وصلت العكّة الى حمود السبهان إستنكر إرسال هذهـ العكّة !إذ لابد ان يكون في الأمـر سـر !! فقام بصبّ الدّهن فلم يجد شيئا ً وعلى الفور قام بفتح مؤخرة العكّة التي من جهة الرّبة فوجد الرسالة وهي عبارة عن قصيدة مرسلها السنيدي تعبِّر عن الحالة السيئة التي وصلت إليها الأمور في حائل ويستنجد به لإعادة الأمير سعود الى حائل وإستلام الحكم وأن كل اهالـي حائل ستقف معه والى جوارهـ ،،،
والقصيدة هي تعبِّر عن معانيه ،،،
يقول السنيدي :[/align]
[poem=font="Simplified Arabic,5,royalblue,normal,normal" bkcolor="orange" bkimage="" border="none,4,gray" type=0 line=0 align=center use=ex num="0,black"]
يالله ياسمّاع صوت المهتدي = جنح الظلام وخاضع لك يسجدي
ندعوك ما ندعي اله غيرك = يالواحد اللي بالسماء متوحِّدي
تجبر عزا دار ٍ تحن ركونها = حنّت من الفرقا حنين مفرِّدي
دار ٍ تقلقل نورها من جالها = واظلم جنابه عقب راع المسندي
من عقب ما جنب الهنوف حرابه = عنها الضديد من المهابه مبعدي
صارت مربى للثعالب والرخم = والنيص دلّى في حقوقه يفسدي
جاه الهزل والذل من سكانه = حنشل هتيم بالزبارة تلبدي
ما تاخذ الحقان من قبيله = شره على راع البساط الأحمدي
زمل ٍ ترد ارقابها لوثورها = تنتف وبرها وااا عساها تجحدي
انا برجوى فالق الحب والنوى = عالم دبيب النمل والليل اسودي
يرجع على تال البلاد بعزنا = فهود الزراج اهل السيوف الورِّدي
سعود ٍ ولد عبدالعزيز وخاله = خال ٍ على زحم الطراد هو البدي
إليا اختلط راس الجواد وذيله = خيل المعادي عن جنابه شرِّدي
من بين ابوه وخاله الطيِّب ظهر = بالود مفراص الحديد المبردي
جا من ظهر سبهان كسّاب الثنا = حكم البلد بينه وبين محمّدي
الله يجعل عزنا به دايم = تالي هل الوجه الحميد الأمجدي
ولد الذي وان جت مراهيم العدا = واشتب نار ٍ بالصريف توقّدي
يوم اصحاب الرفاقه ينتخي سابقه = اقفت وقامت بالغزال تنقّدي
وحنا بثر فهد الزراج وكننا = سباع ٍ بهيشان الضباع تجعّدي
يا حمود حايل والعليا تنتظر = منك المرد وسقاي شراع الورّدي
يا حمود لو تسمع حنين ضلوعنا = ما قمت يوم بالمدينة مفردي
حنّت لك السمراء ورمان الحمر = واطراف جلدية وضلع اباعدي
وخشوم سلمى والعنود بصوتها = تقول وين حمود ستر الجرِّدي
اقدم وتبرى لك مفاتيح الفرج = ولى جيت دار الشمرين فترشدي
سم وتوجه لم ضلعان الجبل = ثم اعتصم بالله وانت مساعدي
عجّل بولد الحظف يسكن دارنا = عن كل طمّاع علينا معتدي
واظن باقي الحظف وان مس اللحم = الروح عند ربه لازم تصعدي
وإلا فلا نصبر حذاكم ساعة = محد ٍ على العوشز يحطّ المرقدي
إنصب ولد عبدالعزيز المتعب = باغيه لى عقب القواما سيّدي
هذا ولد هذا وما غاب إحتضر = وما خلّف الضاري يجي منه ازودي
يا ما فقدهم من ضعيف وضايق = ومن شايب ٍ على العصا يتوجّدي
وانا من الجيران حالي حالكم = بالنار وإلا بالنعيم مخلّدي
لي ديرة بين الشعيب وصاره = بين الهلالية وابان الأسودي
يقبس من اشناقه زعاطير الظفر = عيّت عن اطواب العساكر تهتدي
عفناه لأجل متيهين الناقه = اهل حمى ذروات يم الأجردي
جو من شفا رابغ الى حد اليمن = ومن الحسا لحد جال المشهدي
وصار الوعد ملقى عيال الضيغمي = حجر بالصريف والدما معوّدي
وصاروا فراعين ٍ تبي لمس السماء = وقام البعض فوق البعض يترفّدي
جاهم من الغربي نضايض متعب = نجم على راس الفراعين ارجدي
وقام يتدخل بالدويش مبارك = يبغى عن البوقات به يتجوّدي
قال العوض يابن الحميدي روسنا = وعن حس زجر الليث ودّن لبلدي
وان كان طبّيت الكويت توبه = علي جدران الكويت تشيّدي
ماني بالسبع الضروم مقابله = سبع الضواري للضواري يسندي[/poem]
[align=center]وسلامتكم ،،،
والمعذرة عن الخطأ غير المقصود لأن القصيدة عندي منذ مبطي:)
والظاهر انه من البطى اصبح الخط غير واضح !؟
فاللي يجد إن هناك خطأ وهو يعرف الصحيح المرجو منه تصحيحه وله الشكر الجزيل ،،،
والسلاااااام ...
[/align]
