حايل حايل ثم حايل ثم حايل !!
[align=center]http://www.al-wed.com/pic-vb/517.gif
[poem=font="Simplified Arabic,5,blue,normal,normal" bkcolor="silver" bkimage="" border="none,4,gray" type=1 line=0 align=center use=ex num="0,black"]
حايل حايل ثم حايل ثم حايل = دار عكفان الشوارب بين حضر والبوادي
دار اهل الحمية دار ماضين الفعايل = سعد منهو في حماهم عند صولات الطرادي
دار مروين السلال الحدب فرسان الاصايل = كم عدو ٍ من وحفهم حـرّموا لذات الرقادي
دار عز ٍ دار مجد ٍ دار وافين الخصايل = منبع سباع ضواري ماكر اطيور الهدادي
منبت قروم ٍ زحول ٍ كارهم كسب النفايل = يوم ولد اللاش خضّب لحيته فعل السوادي
هم مدابيس المخاطر هم عناتيت القبايل = دون نقض ٍ بالقبايل في نحى كل البلادي
كل حي ٍ دون حقه لى إحتدم صايل وعايل = ما يخلي حقه إلاّ كلف وهدان ٍ ربادي
الخبر شفته بعيني ما سمعته قول قايل = الكرم والجود ميزانه بحايل بإزديادي
دار من داسوا حياض الموت وارجال الحمايل = دار شجعان ٍ تبيع الروح في وجه الأعادي
يوم روغات العقول ويوم حومات الهوايل = يوم دورات الليالي يوم قدّاح الزنادي
ساع لى عانق لهيب الزّند في خشم الفتايل = الى اشتبك حابل ونابل حزّة الموت الوكادي
لى بدا صوت الميازر مثل رجّاس المخايل = في نهار ٍ من مصابه شاب ورع ٍ فىالمهادي
ارتكوا للحمل مثل اطويق والزمول الثقايل = واعتلوا من فوق قبَّ الخيل واكوار الشدادي
وا عذاب اللي يناحيهم لى صارت صمايل = اشهد انه شال حتفه في رداه وجاك عادي
فإقبلوا عذب التحايا يالشغاميم الأوايل = بعبق ورد وعطر مسك الفل عنبر ريح كادي
راعي الزلفي بعثها وافيه حد الكمايل = لدار حايل واهل حايل عدّ ودان الغوادي
حدِّني شوق الصبابة لاهل حايل جيت حايل = وساقني حب الامير الفذّ زيزوم الاسادي
العقيد بن الغضنفر باتع ٍ وافي الشمايل = حاتميّ الكف ريف اللي من الضيم امتحادي
ساد في راس المعالي وهو ينبوع الفضايل = ما حد ٍ وازى مقامه نافل ٍ بين العبادي
سامي الهمّة سديد الراي وهّاب الجزايل = شيخنا اللي ساع اشوفه عاض عن شربي وزادي
فإسعدي يادار حايل بالأبي راع الجمايل = مقرن السيف الصقيل الفينق الشهم الجوادي
فعل هتّان المزون وعل رعّاف الرفايل = فوق جوّك ينثر حقوقه ويخضر كل وادي
يابلاد ٍ هي مني روحي ولا عنها بدايل = هي مرامي هي غرامي هي هوى غاية مرادي
حب حايل واهل حايل صادق ٍ مابه دغايل = واضح ٍ كالشمس..راسي ٍ كالشماريخ العوادي
لولا مكة كان اوجّه في صلاتي يم حايل = واستعي في ضلع سلمى سبعة اشواط انفرادي
قلتها ياهل المعاني بالنوادر والمثايل = دون منّه رغم خشم الحاقد الضِّد المعادي
سقتناها من ضميري بالشهود وبالدلايل = وما يلام المرء لى منّه بذل كل اجتهادي[/poem]
وسلامتكم !!!
وصح لسان قايلها الشاعــر / عبدالله بن عبد العزيز آل غزي[/align]
