كدت أطلّق زوجتي من شان أشاورها عليه
[align=center]
القصيدة لشاعرها المبدع : أحمد السويلم
لن أطيل المقدمات ، فهي قصيدة غنية عن كل ذلك !!!
[poem=font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الفقــــر..هم الكــريم ..اللي حـــيا ع الطيــــبات= والغـنى..هــم البخــيل.. اللي يزيـــدوا زايـــريــه
والبخـــيل.. اللـي يمــوت ولـه لـــيـالي باقـــيات = والـكــريم..اللي صـــدف يــوم المـــمات ولا لقــيه
يرحم الله شيخ باقي .. يوم عاش .. ويوم مــات = كم حيا عـــمره وهو عايش .. ومات وكم حيـــيــه
من كثر ماهو مكـّـثر لي عـلى الضـيف الوصات = من كثر ما قــــال ضـــيــــفك .. لا ترد اللي يــبــيه
يــوم جاني ضيف مره .. يخطــب ومــالي بنات = كدت أطــلق زوجتي من شــان أشـــاورها عــلـيه
صرت أنا مـــثل الـــذي ماقـــد سمعته قال هات = دايــــمٍ يعـــطي تـــقال الخـــير يـنـبت في يــديـــه
لـين ضــيق الــيد وصلــّـني الى درب الشتات = ماني مصـــدق وصلت الحــد اهــل سود الوجيه
يعقل أني كل ما جاء الضـــيف أنــادي.. يا حيات = قــــولي أني خـارج المنزل .. وأنا يا ناس فــــيه
يعقل ان الضيف يوصــــل عـند حد الباب .. ذات = شـــيمه .. ويرجـع وانا كـــل الــــردا ذا مازدريه
نفـــس ياللي تدرسي في مـــــدرستك الوجـــبات = في حقـــوق الضــيف بالله جــهل ابــوي اتعلميه
والله انه كان يحـــرمني لجـــل ضـيفه وبــات = طـــفل يتـــمنى يكون الضيف والضيف ابن ابـيه
مــادرى للعرق الاجدر في ثرى مجد الصفات = مـــنه ود الضــيف لو مثــلي يجــوع ومن بـنـيه
الذي مابـاعـه الـفـقر..ال ردى.. والتضحيات = كم سبر اغــــوارها صـادق ضمير.. وتشـــتريه
..من ملامات السوالف..لو خذوا بعض الفتات = منه لفــواه الجـــياع اللي بلهــجة.. حاســديـــه
اوجعــونا لــوم يــوم انــه ذبــــح لـســـيارات = مـن بعــيد ..ومــادرا هـم له ضيوف او فـأيـتيه
والله انــه مايحــب من الضـــيوف امفاجئات = عـــارف ان الضيف لاجــانا حــلف لمـعـزبــــيه
والله انـه قـــال لي .. اذبــح لعـــج المقبلات = من بعــيد.. وقــلت يمــكن عـج ريح وقال.. أيـه
لكن اهون من قدوم الضيف في صمت وسكات = ثم يحـلـف غــير زاد الـــدار هـــذا مايجـــيـــه[/poem]
و لن أقول المزيد !!!
أختكم
الدهور[/align]
