السلام عليكم ورحمة الله وبركاته ،،،
هنا أبيات من قصيدتين لإمرأتين من نساء العرب ، الأولى لموضي الدهلاوية من اهل الرس ، والثانية لشاعرة من قبيلة شمر ،،،
تقول الدهلاوية :
[poem=font="Simplified Arabic,6,orange,normal,normal" bkcolor="transparent" bkimage="backgrounds/26.gif" border="double,4,gray" type=1 line=0 align=center use=ex num="0,black"]
جديع يوم انه بغاني بغيته = ما طمحوني عنه كثر العشاشيق
واليوم يوم انه رماني رميته = رمية وضيحي ٍ رموه التفافيق[/poem]
اما الشمرية فنقول :-
[poem=font="Simplified Arabic,5,white,normal,normal" bkcolor="transparent" bkimage="backgrounds/37.gif" border="groove,5,gray" type=1 line=0 align=center use=ex num="0,black"]
اوي والله ياربيع لقيته = عشب تعله دافقات ٍمفاريق
روض البختري يعجبك لا وطيته = وارض المحل تجنب وطاها المخاليق
الزوج انا حرمت ماطب بيته = حتى مغيب الشمس يرجع بتشريق
او كود يذكر يدعي الحي ميته = او يجتمع سم الحيايا مع الريق
الشوق يوم انه بغاني بغيته = ما طمحوني عنه كثر العشاشيق
واليوم يوم انه رماني رميته = رمية وضيحي ٍرموه التفافيق[/poem]
وهذي ثلاث قصايد متشابهه ،،،
الأولى لمحمد بن لعبون المتوفى سنة1246هـ :
[poem=font="Andalus,6,black,normal,normal" bkcolor="transparent" bkimage="backgrounds/25.gif" border="double,4,gray" type=1 line=0 align=center use=ex num="0,black"]
ماطرق فوق الورق يابن جلق =زور كف ٍ فوق كف ٍمايليق
كل ما هب الهوى له واصطفق = حمّله بفراقهم ما لا يطيق
إسأل الأطلال عن سود الحدق = حيث علمك بالطلل علم وثيق
ما عليك ان خلت براق برق= من ثنايا دار اهل وادي العقيق
قانيات لعاسهن مثل الدنق= زرفة وجياد تلعات ٍ عنيق
لفتة الغزلان وبطون السلق= والمعارف من حوافي ريش هيق
شايلات مثل شيشات العرق=ناعمات والخمر خمر ٍ عتيق
كنهن ياطن على اطباق الزلق = ان علاه الطل او نوض الطريق
رحت الومه في هواهن وانطلق= مدمع ٍ له سال من بحر غميق
ضارباته في عصاهن وانفلق= كل فرق ظل كالطود العتيق
اترعن كاس الهوى لي واندفق= كاس عذري الهوى راع الحريق*[/poem]الثانية لمحمد القاضي :
[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,gray" type=1 line=0 align=center use=ex num="0,black"]
هبت ارياح الفراق ولي برق= بارق من صوب ساعات المضيق
كلما غرب دجى ليل غسق= كل هم جاه من فج ٍعميق
يوم هل هلال حظي واتفق=شملنا وارتاح بالوصل الشفيق
خانته سمر الليالي واختفق=بهلوان بالهوى عيا يليق
فتنة العشاق في سود الحدق=مرسلات السقم بالسهم الغميق
في جبين ٍكن بركونه شعق=بارق ٍبطبوق رجاس ٍغريق
نوض خده كلما شع وشرق=شعة القنديل بالزيت العتيق
غربن شموس حظي وافترق=شمل جيران غدا قلبه سحيق
وسيف شمل الشوق من كفي دلق=والغريم يساق من ضيق بضيق
يسأل الاطلال من يوم افترق=يحتفي عن حال اهل ذاك الفريق
ياهل التقوى طرقني ماطرق=بالهوى مجنون ليلى لي رفيق
لايمي في حبهم خف وزهق= زهقة الباطل عن الحق الحقيق[/poem]
الثالثة للشريف بن منصور :
[poem=font="Simplified Arabic,5,red,normal,normal" bkcolor="transparent" bkimage="backgrounds/22.gif" border="double,4,gray" type=1 line=0 align=center use=ex num="0,black"]
لفتة الغزلان وبطون السلق=حملن القلب حملا مايطيق
قولة اهلا ثم سهلا بالرمق=ياضيا عيني وخلي والصديق
:
:
وافتنت من شافها عند الشفق=ظن ان الشمس من ذاك الطريق
ان تبسم قد تكلل بالعرق=تحسبه سكران من خمر العتيق
بينة قرطة والزميم والحلق=لمع نور في خديد ٍله بريق
خاله العنبر وفي خده زهق=ناجب بالفن من غصن رقيق
يابديع الحسن من وصف صدق=له شفايا حمر في لون العقيق
مارأينا مثله ولا قبله سبق=من يمن صنعا الى وادي المضيق[/poem]*راع الحريق : محسن الهزاني
وسلامتكم يابعدحيي ،،،
