قصيده مدح كل القبايل ......!!
السلا عليكم هذى قصيده لشايبنا :--
[poem=font="Simplified Arabic,5,black,normal,normal" bkcolor="coral" bkimage="backgrounds/24.gif" border="double,10,white" type=2 line=0 align=center use=ex num="0,black"]
سلام يالحضار شبان وكبار=تحية تظفي على من حضرها
اخترت انا من صافي الشعر الاثمار=وقطفت من زين المعاني ثمرها
والشكر كل الشكر للنافع الضار=محي العظام الباليه في حفرها
الواحد المعبود للذنب غفار=لو الذنوب كبار لاشاء غفرها
ونشكر هل الذمه من كبار وصغار=اللى الياعاهدو وفاء ماعقرها
وكل القبايل جانا منهم انصار=وعيب على اللى لابدا ماذكرها
الآد عطا عزوة الضيف والجار=عوقت الخصيم اللى طمع في ديرها
مامنهم اللى بعد ماعاهدو بار=رجال وفوا بالطيب محد جبرها
وجونا الهواجر لابتن كلها خيار=افعالهم بالطيب كل ذكرها
والمره اللى للعداء شري ومرار=عدوهم عينه تزايد كدرها
والاد وائل طيبهم ماله أحكار=يثقل على العدوان دايم ضررها
والا الظفير اللى كما شعلت النار=لاجاء نهار الكون يعرف ظفرها
وشمر هل العادات عبده وسنجار=اوساع الطعون اللى بعيد نظرها
وجونا قحطان منزحت كل غدار=قبيلة خسران منهو غدراها
ودواسر بالسود يرعون الاقفار=يروع الغزاي شوفت اثرها
وسبعان ذبح الكبش لضيوفهم كار=وافعالهم بالطيب محد حكرها
وترا بني خالد مضي عنهم ادوار=اميرهم بيض الحباري حجرها
ولانى بناسي زعب يوم الدخن ثار=تسعين ليله زادها من وبرها
وبني رشيد مطوعت كل جبار=اقولها وعند القبايل خبرها
جانا عداوين على الطيب ثوار=رجالهم درب الصعب ماعسرها
وحرب العريقه يوم زوغات الابصار=غاياتهم بالهوش نثرت حمرها
جانا من العجمان وافين الاشبار=لاجاء نهار الكون تافي شبرها
وامطير حمران النواظر هل الثار=قبيلة يعتز منهو نحرها
سهول لهم بالطيب جولات كثار=وعدوهم عينه تزايد عبرها
وجانا من الحضران حماية الدار=اللى يجيبون الدرر من بحرها
وحنا عتيبه لاعتز كل مغوار=شيوخنا ماتتقي في جبرها
اليا اعتلوا فرساننا قب الامهار=ياقرد حظ اللى يجي في نحرها
وصف القبايل كلها فيه بحتار=الضيق وقتي قلت انا ابختصرها
مير اسمحولي ياهل الطيب والكار=وعتيبه الله ينصر اللى نصرها
وصلاة ربي عد ماطاير طار=وعداد نبت البيد وعدة شجرها
على نبي بالبشر راحم بار=الا اهل الشرك الخبيثه حشرها
**************************************[/poem]وسلامتكم
والشاعر مااعرفوو للاسف
تحيااتي ابن عجياان
