عجلان بن رمال الذكاء وسرعة البديهه

السلام عليكم ورحمة الله وبركاته
عجلان بن رمال هذه الشخصيه النادره في القبيله وخصوص اشهر من نار على علم في حل القضايا
المستعصيه وهبه الله الذكاء وبعد النظر وسعة البال ويعتبر من العوارف في زمنه كثير ماشارك في
معارك شمر واسند الامر له وانتصرت القبيله بفضل تخطيطه وحسن تصرفه وعندما يشارك في
المعارك يكون الثقل لهم ويزرع الثقه لربعه رحمه الله
في اواسط القرن الثالث عشر هاجر عجلان الى الجزيره مع من هاجر امثاله من شيوخ شمر نتيجة
تضعضع امارة الجبل وكثرة الاخوان في المنطقه وانتشار الجهل الديني من قبل الاخوان000 المهم
اخذ في الجزيره مدة من الزمن ثم ارسل قصيدته المشهوره نجيب لكم بيتين منها
مـتى يـجينا طارش فــوق مــجـحــود ** يـعـلـمن عن د يــرتـي وش جـــرى بـــه
هـى عـلـى مـا جـانـى سـهـود ومـهـود ** والا بــه الاخــــوان ســـــواة الـــــذ يــابــــه
كثير من الشعراء ردو عليه امثال مضحي الوحير وابن غازي من العليان اللي منهو يقول اقعد
في مكانك ومنهو اللي يقول تعال 00 مـا اطوله عليكم عقب القصيده بمده قصيره طب عـجـلان حايل
واخذ ايام قليله عند ربعه ثم قال لهم ودي اسلم على ابن مـساعـد وذلك الوقت عبد العزيز ابن مساعد توه
تـقول لـه اربع اوخمس سنين امير على الديره يوم جأ عجلان ودخل القصر سلـم على الامير واللي جالسين
قال الامير الحمد لله على السلامه وش اللى جابك ياعجلان 000 على طول عجلان قال
يامير جـيـتـك يـوم ســكـر هــبــوبــي ** ابـي لــيــان الــنـفـود هــو ونــخــلا تــــي
وابـي انـشـدك عـن مـطـوين الخـبوبـي ** هـم يـضـربـونـي لـو يـغـنـن بـناتـــــي
وابي انـشـدك عـن حـشـو ذ هــوبـى ** حـشـو غـفال ووسـومـهن بـيـنـاتــــي
قال الامير ياعجلان ابشر بالـعز كان الـنيد الـغـنا غـن انت وبناتك من طلعت الشمس الياما تغرب
والله ماحد يتعرض لك وانا ابو عبدالله 00 امـا حشوك اللى انت تذكر يابعدهن عليك
مـاجازة لعجلان الكلمه التاليه كتم عجلان خذا شوي لاحظ الامير عجلان حاول يداعب عجلان بكلمه
قال ياعجلان قال يقولون انك كبير ياعجلان قال عجلان اوالله ماني صغير قال الامير وش كبرك
يوم حنا نـذبح سميك عـجلان في الـمـصمك الله يـحـيـك على طـول عـجلان انتبه قـال لالالاياطويل العمر
انا تـقـولي سبعة عشر او ثمانية عشر وانا مـع الـسـربة اللى جـابت رأس عـمـك غـزلآن مـن مـقـصورة
ابن عـفـيـصان بالـخـرج وعليك الـحساب قال الامير ياعجلان ماجبته على هاذي قال عجلان وانا
ماجبته على هاذي طال النقاش بينهم واحـتـد قام احـد الجالسين ومعه واحـد آخر قال ياعجلان
يـوم الله جابك يـسمـح لنا ابـو عبدالله ودنا نـقـهـويك وتطب مـحـلنا الـقـصد من ذلك تـضيـع السالفه
ويقال انه الآيـدأ من عنزه وهـذا التصرف السليم 0


ودمتم,,,,,,,,,,,,,,,,,,,,,,,,,,,

الرعــــــــــــــــــــــــــــــــــــ ـــــــــــب

هلا براعي العلوم الطيبة ولايهون من يقرا ،،،

عجلان بن رمال علم من اعلام شمر وراعي مواقف ترفع الراس كما تفضلت " رحم الله امواتنا واموات المسلمين رحمة واسعة من عنده " ،،،

سلمت يالرعب على هذه المعلومات المفيدة ،،،

لك التحيــــــــــــــــــــــــــــة ...

لاهنت اخي راعي الوقيد

شكور على المرور والرد :thumb:

[poem=font="Simplified Arabic,5,blue,normal,normal" bkcolor="transparent" bkimage="backgrounds/9.gif" border="inset,7,red" type=0 line=0 align=center use=ex num="0,black"]
مـتى يـجينا طارش فــوق مــجـحــود = يـعـلـمن عن د يــرتـي وش جـــرى بـــه
هـى عـلـى مـا جـانـى سـهـود ومـهـود = والا بــه الاخــــوان ســـــواة الـــــذ يــابــــه[/poem]

[align=center][blink] الرمــــــــــــال اشهر من نار على علم


والفين نعــــــم بهم كلهم


شيوووووووخ شمر

شيوووووووووووخنا
[/blink][/align]


تسلم يالرعب ونستنا بهالسالفه

[poem=font="Simplified Arabic,6,black,normal,normal" bkcolor="coral" bkimage="backgrounds/17.gif" border="double,9,sienna" type=2 line=0 align=center use=ex num="0,black"]
سلمت يالرعب ماقصرت يالغالي
يعطيك العافية قصة طيبة من رجال طيب
والرمال رجال مواقف من قديم الزمان...
وننتظر جديدك بشوق وشغف ايها الشهم ...[/poem]

يهلا والله بشخاط ويلله حيوه ومشكور على المرور

ولاهنت ياخي سلمان