-
أ*الالف ولفت المثايل على الف **** ببيوت عديتها على منصف الالف
ارقبت بالمرقاب ترى الهواء صلـف **** واحترت بالدنيا وكثرت عليا الطوايا
ب* والباء بديت ابدع جديد المثايل **** مثايل فيها خيار الدلايل
عساه تميز بين عدلا ومايــل **** ونشوف مايجري بها من جرايا
ت* والتاء تليت ايامهاواتعبتني **** وياما على درب المخاطر رمتني
اوالف الدنيا وما واالفتني **** واشكي ولكن ماتفيد الشكايا\nث* والثاء ثلاث بين مظت ماحصلي **** كود الشقاء ومطاردي للاظلي
عام باثر عام وهذا يزلي **** وانا اتحرى خيرها والعطايا
ج*والجيم جربت اليالي والايام **** تجريب من عايش كثرات الاحلام
واتعبت نفسي في كثرات الادهام **** واودعت انا كل الدفاتر ملايا
ح* الحاء حسبت ان اليالي تدومي **** واثر اليالي باليات الرسوميا
كم واحد حطن ابنيته اثلوميا **** وكم دار قوم مابقي له بقايا
خ*والخا خاويت من المخاليق مليون **** هذا بعدي كانهم ما يزيدن
وجربتهم تجريب عاقل ومجنون **** وعرفت منهم طيبين السجايا
د* والدال درب المرجله والشكاله **** عسر مراقيه صعيب مناله
ولاكل من راد المراجل ينال **** ولاكل من روس يقود السرايا
ذ*والذال ترعيشت المرْْء بالذل **** امرمن الحنضل على السقم والعل
والذل لونك على الفرش والزل **** لاخير في عيش تعيش برزايا
ر* والراء رفاق السؤ لايقربونك **** ترا الردي لو طاب لازم يخونك
لياشاف له شي ماجاز دونك **** دور عليك من الكيد والدهاا
ز* والزاء زمانك لايغر ولو زان **** وخلك حذر من عشرت فلان وفلان
وخلك حكيم ودوم للحق ميزان **** والعلم دايم للبصائر مرايا
س* والسين سرك لاتبوحه للضدك **** وتر عدوك لو ضحك مايودك
وعدوا ابوك تره عدو جدك **** ولولآ الحمايا ماتعود الرعايا
ش* والشين شر الناس مالك وماله **** لياصار مالك عندهم صرف قاله
واوصيك لاتقرب كثير الظلال **** تر الظلاله هي سهوم المنايا
ص* والصاد صدقان الرخاء لاتعده **** الى نهار الظيق تنكس لده
ولا وازم له رجال تسده **** رجال ليانخيتهاما توايا
ض* والضا ضعيف النفس خاله يولي **** دايم وهو في كل حال مطلي
عليك بالي لنشاما يهلي **** الي مثل هداج بين الركايا
ط* والطا طواري القلب دايم كثيرات **** مر قصيرات ومر طويلات
هيهات كم يطري على القلب هيهات **** منها صناديق الظماير ملايا
ظ* والظا ظلام اليل ما ينسريبه **** كم تايه يصبح بدار غريبه
وكم عادي باليل وهو ينعديبه **** ويصبح يدور عند ربعه حذايا
ع* واعين عفت وعاقت العين ماشفت **** وصدرت بعياف ولالي مابها لفت
ورجعت من المرقاب من عقب ماشرفت **** كما رجوع الجيش صيام ظمايا
غ* والغين غابت شمس الايام وسنين **** تقفي وتقبل له بسلاح بحدين
وياما خذت من طيبين وسخيين **** وياما خذت من طيبين السجايا
ف* والفا فرح قلبي ليا شفت الاجواد **** اهل الكرم والطيب من عصر الاجداد
الي نهار الكون يكزون الاخداد **** بمصقلات الهند حدب الحنايا
ق* والقاف قليل المال ماحد يوده **** ولياحكاء كلآ لحكيه يلد
وتلقاه من ادنى الدوم مبوح سده **** ويصير دايم كثير الخطايا
ك* والكاف كف عن المخاليق شرك **** وليا تركت الناس محد يضرك
ورفيقك الي ليا نخيته بيسرك **** خلك مع دايم حسين النوايا
ل* واللام تر الايام هي واليالي **** كم فرقت مابين غالي وغالي
دنيا خدوع ماله اول وتالي **** وياما فجت غرات بعض البرايا
م* والميم مالك وان عطاك الله المال **** خله بدرب الخير في كل الاحوال
الوادي الممعل لياجاه المطر سال **** يخضر وتلقا في جنبوبه عايا
ن* والنون نور الله مع الي يصلون **** عليك بالطاعه ولاتبتع الهسون
كم واحد عقب الكسل صار مغبون **** يترك صلاة الفجر وخير العطايا
و* والواو ولفت المثايل بتوليف **** توليف منهو صرف القيل تصريف
وصفت من افعال الرجاجيل توصيف **** مني لفتلين الشوارب هدايا
ه* والها هلال العيديين هلاله **** وانا اطلب المولى عظيم جلاله
ينصربها الاسلام هو والعداله **** يالله يا معطي جزيل العطايا
ي* واليا يارب تنصر الحق والدين **** والمسلين الي على الشرع ماشين
الي ليحكم الله دايم مقيمين **** وقلوبهم من خوف ربي ملايا
وصلات ربي عدها ماشفت العين **** على نبي الله شفيع المصلين
المصطفى المختار ناصر هل الدين **** محمد رسول الله سيد البرايا
-
اخوي برق الشمال مشكور اخوي وتسلم على نقل هالروائع ...
-
مشكور اخوي
اشكرك اخوي >السمن العرابي< على التعقيب الجميل ولك الشكر والعرفان
التوقيع
اخوك
