الحر يفهم والبهيمة بهيمة

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
أبو فهد يقول زينات الألحان =تسمَعوا يااهل القلوب الفهيمه
إنذار بالمخفي شديدٍ ليابان =ولاكل غلطه تقتفيها تعليمه
الخيل يرفع روسها لجام وعنان =والعوص يعبا له خزام وشكيمة
والكدش كدش وتنربط بأردي الأرسان =والحرَ يفهم والبهيمة بهيمة
ومن يلمز الاجواد في هرج حقران =لو انه اقرب حي أنا خصيمه
حنا قديمٍ بالجزيرة لنا شان =وأمجادنا مع الجديدة قديمة
حنا الطنايا مجدنا بكل الأوطان =ايَِام بضعات الغريم بغريمه
ماهو بتوه حكمنا اليوم يافلان =حكام من حكام سنينٍ مقيمة
من عصر اخو خنسا إلى يومنا الآن =عند العرب لنا مقامٍ وقيمة
وعبد الله المصطور وعبيد الاخوان =بنوا لنا مجدٍ بعزم وعزيمة
يشهد لنا قصر الاعيرف وبرزان =وتشهد لنا ارض الرياض وقصيمه
ومن الجبل ياما تجي ديرة عمان =ومن المدينة لين شرقي رحيمة
ومن شرق سورية إلى غربي إيران =ايضاً بعد منا وفينا زعيمة
ان قيل منهم قلت ياهيه جربان =مثل الجبال الراسيات المقيمة
تاريخهم يعرف على مر الأزمان =وأفعالهم بين القبايل عظيمة
حكام بالقالات فرَيس ميدان =ساس الكرم أهل الوجيه الكريمة
وأيضا بعد عندي كلامٍ وبرهان =ان عودة على طبوعه حليمة
واليوم في حكم الفهد ما نبي ثان =بالعهد نافي والنوايا سليمة
حنا العهد نعطيه وزنٍ بميزان =ومن يبخس الميزان اكبر جريمة
وأبي السموحة كان بالقيل نقصان =ما أخذت أنا ضد الخطأ أي بيمه
وصلوا عدد ما ردد حروف قرآن =على الذي بالغار زاره كليمه
سطم فهد الشمري( أبو فهد[/poem]

[align=center]ابو فهد


شاعر يكتب بمداد...الجزاله والاتقان

روعه على روعه



وجزاله لاتضاهيها جزاله..




كلمات تسطر بماء الذهب..عفواً


بل بالذهب ذاته



صح لسانك ولاهنت



وكلنا فخر بتواجدك القوي..


دمت بود[/align]

[align=center]

اللهم صلي و سلم على سيدنا محمد و على آله و صحبه و من اتبع هداه بإحسان إلى يوم الدين


أخي الفاضل

سطام الشمري


ألف صح لسانك على هذا الجمال

و سلمت يمناك أخي

لا تحرمنا المزيد من هذا العطاء


أختك

الدهور[/align]

[align=center]والله والف نعم بالجربان شيوخنا

ابو فهد

صح لسااااااااااااانك مليار لاهنت

لاتحرمنا روائعك

ابو غازي [/align]

أبو فهد

صح لسانك

على هذه الجزلة الشامخه


وعبد الله المصطور وعبيد الاخـوان
بنـوا لنـا مجـدٍ بعـزم وعزيمـة
يشهد لنا قصر الاعيـرف وبـرزان
وتشهد لنا ارض الرياض وقصيمـه
ومن الجبل ياما تجي ديـرة عمـان
ومن المدينة ليـن شرقـي رحيمـة

الشاعر سطم ابوفهد

صح لسانك على هذه الرائعه والشامخه

[align=center][blink]نبراااس:.. الدهور:.. ابو غازي:. سنجاري:.. المخاوي[/blink]
الف هلا وغلا بمرور كلٍ منكم

وكلي فخر بتواجدكم

وسلمتم جميعا

تحياتي[/align]

أبو فهد ..

صحححححححححح لسانك مليون

قصيده صُقِلت بعنايه فائقه

لا عدمناك يالغالي


تحياتي

اخوك
ابو سلطان

[align=center][blink]المشرف العام[/blink]


هلا ومرحبا بمرورك الكريم

ابو سلطان اكبر دليل على نجاح مشاركتي اطلالتك

ولك كل التقدير[/align]