ياعزوتي ياكاسبين الجماله=عبده وسنجاره وجعفر والاسلم
قصيده جميله للشاعر عناد الشمر
لاموني اللي امرهم في جهاله**وانا من الجهال ماقنـع ولا اهتـم
لاموني بربعي شويه حثاله**محشوم يلمن تتبـع القـاف واسلـم
وجيت اتباها بالاصل والسلاله**منغير نقصان بغيري ولا اظلـم
ياعزوتي ياكاسبين الجماله**عبده وسنجـاره وجعفـر والاسلـم
ربعي طنايا وخصمهم في ضلاله**عزالله انـه للغرابيـل مقـدم
حظن ردي جاب البغل واستماله**صوب السناعيس بغضبهم جهنم
ان انتخوا قوم علي الظالم وماله**ماينفعه ماضيه في يـوم اظلـم
وان اسفهلوا جنه فـي ظلاله**العـز للمظيـوم ياجاهـل اعلـم
ياعزوتي يابعد حي شماله**بديار حايل داخـل العـرق لـي دم
ماشفت برزان ومشار بجماله**واجا وسلمـي شامخاتـن تبسـم
ياما حلا فنجالهـم فـي دلالـه**والا لياقالـوا لخطارهـم سـم
والنار في طعس تسامر هلاله**تدعي غريب الدار يرشد ويغنـم
طبع الردي بالسناعيس استحاله**اصل البداوه في هواهـم متيـم
ايه بدوي يابايعين الاصاله**عايش حياتـي بالبـداوه ولا انـدم
مارحت ادور بالعلوم السفاله**الحمدالله اعشـق الطيـب وافهـم
وسلامتكم,,,,,,,,,,,,,,,,,,,,,,,,
الرعــــــــــــــــــــــــــــــــــــ ـــــــب
