ياضاق صدري رحت يم البعارين
[align=center][align=center]ابن البادية مهما وصلت به سبل التقدم الحضاري
الا إن حنينه دائما الى البداوة والذكريات القديمة يبقى في مخيلته
ويتذكر ذالك الماضي بكل اشتياق بغض النظر عن حلاوته اومرارته
وهذا احد ابناء الباديه الذي عاش معظم حياته بدوياً يتنقل بين المراتع والموارد
وهو الآن يقيم في احد المدن الا انه يفضل عيشته السابقة وبيت الشعرعلي الفلة
وبالرقم من عدم استطاعته الماديه الا انه يجحف نفسه بشراء ثلاثاُ من الابل ويبني هناك خيمة يعمل قهوته بها ويستضل بها هو ومن يزوره
فهو يقول ( ياضاق صدري رحت يم البعارين)
بقي إن نعرفكم به: هو
سعد بن مطير ابن مجيدل ابن خليل الشمري
............................... [/align][/align]
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يالله يامعيش الضعـوف المساكيـن = ياكافل(ن) ارزاق شب(ن) وشبيبـه
يامعيش اللي يشتغـل و المعاقيـن = والدودمن تحـت الصفـاء تعتنيبـه
يافارج الضيقـات ياموفـي الديـن = يامطلع(ن) شمس الضحى من مغيبه
نعوذ بك من شرانـس وشياطيـن = انت الكريـم ودعوتـي تستجيبـه
تغفر ذنوبي يوم عـدل الموازيـن = مافيـه غيـرك يالولـي نلتجيبـه
ياضاق صدري رحت يم البعاريـن = ونضيـع الهوجـاس عندالحبيـبـه
ملحا يساوي بـس شوفـه ملاييـن = انلاعب حـواره ونشـرب حليبـه
حبه بقلبي زارع(ن) لـه بساتيـن = ولانطيع به من قال لـي وشتبيبـه
كنه تهرجنـي هنـوف المزاييـن = تضحك و تكشف لي علوم غريبـه
البـل. يحبونـه رجـال شريفيـن = وتنزل بها الايات صـورة عجيبـه
واللي مكذبني يسايـل هـل الديـن = الغاشـيـة واياتـهـا تنقـريـبـه
ياما انذبح عنـده رجـال مسميـن = كم فارس(ن) يوم اللقـاء ينتخيبـه
هنيت من يرقى بها الجـال مقفيـن = ويرد الحريقيـة ويشـرب قليبـه
ترتع من الهمل الى اقصى عثامين = مرباعها هـا كالفيـاض العشيبـه
من نقرة السلمان الى قور.قدريـن = وفياض حلبوصه وغربـي شعيبـه
مدهال سمحين الوجيـه العزيزيـن = ضياغـم(ن) كـل القبائـل تهيبـه
ريف(ن) على الجيران سم المعادين = لياصارت القالات صلبـه صليبـه
صلوا عدد ما هلت المزن يا حسين = على الرسول الي سكن وسط طيبه [/poem]
--------------------------------------------------------------------------------
