قمت اتذكر ما مضى / منصور الرمالي

[poem=font="Simplified Arabic,4,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
قمت اتذكر ما مضى
امس الضحى في راس ضايف تعليت=ما بيه حدن يم عاليه حادي
دعاني الهاجس براسه ولبيت=حييت ياللي بالرقيبه تنادي
خذيت في راسه دقايق ولا ابطيت=وشيطان شعري بالضماير يدادي
قمت اتذكر ما مضى واستخفيت=واشتبت النيران داخل فؤادي
ون الجبل من ونتي يوم ونيت=وحركت جو(ن) بالجبل كان هادي
من حر مابي نحفت الحال واذويت=شربي مرار واشقر اللون زادي
صرت انثر العبره وبينت ما اخفيت=اتلي هوى نفسي على غير قادي
ابكي على ربع بنوا واسسوا بيت=ماله شبيه بالجزيره مشادي
البيت ورث للذي يارث الميت=وشلون يارث مال بيت معادي
صارت وعن شرح الخطا ما تدريت=في صفحة التاريخ شي وكادي
ولاني بحال الناس لو قالوا اخطيت=ولا همني لو قالوا الناس غادي

منصور الرمالي[/poem]