الشاعر ناصر القحطاني يقول شمّر,وانا اقول وقحطان
[align=center]بسم الله الرحمن الرحيم
اما بعد
ارجوا من القاريء الكريم التأني في قرائه الموضوع والقصايد...
وصلتني قصيده من صديق عزيز ,وكما ذكر انها للشاعر ناصر القحطاني
عند قرائتي لهذه القصيده اثارتني ,لدرجه اني متأكد ان من لم يقرأها الى الان
فانه بالتاكيد بيتحمس كثير ,طبعا ليس المدح بغريب لشمّر, واللي يخليه اقل
غرابه انه من ابن عم من قحطان ,اللي هم ابناء عم ,ولكن المثير
هو الشاعر ,,,شاعر الاندلس :ناصر القحطاني
(ونشرت القصيدة في مجلة المختلف)
ويقول فيها :
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="groove,8,white" type=0 line=0 align=center use=ex num="0,black"]
الشمس غابت .. وكلٍ دور سراجه=والشوق جمر .. ماأحر الشوق لاجمر
دام إتجاهك شمال مودعك حاجه=سلم على حايل .. وسلم على شمر
قدامك الخافق اللي ينشد علاجه=كنه معلق على برزان ومسمر .. !
وإنت تعرف يابعد حيي من تواجه=بيضان الأفعال لامن الزمن سمر !
إن ضاقوا اعنف من البحر وأمواجه=وإن راقوا أركد من الخرمان لاعمر !
كم صيت بيتٍ عتق في الباب مزلاجه=وكم شيخ إماره قبل تعيينه مومر !
وكم حاتمي تكفي فلة حجاجه=وشلون للضيف لو عن ساعده شمر
وإن مر تاريخهم متلبسٍ تاجه=كم عاشقٍ كيف وكم حاسدٍ زمر
في جو أحلى من الرجلي إليا داجه=من ديرة السادس ومن ديرة معمر
كنه إلى أهدى له البراق ثجاجه=طلة عزيز ضحك ومن الخجل حمر
توارثوا حـــــــرثه وتمتير ديباجه=ركابة الجيب من ركابة الضمر
الود لا غرس بدري صعب مخراجه=والله ولا الذ وأحلى منه لا ثمر !
أدخل على اللي تطوف البيت حجاجه=من ناقص عند مدح الغير يتذمر
والمدح لو كان في الرديان للصاجه=ويقال " عمر بلد " باالعون ماعمر
والذم لو زاد في الطيب تولاجه=لا أحرق ولا أغرق ولا عمر ولا دمر
مانيب متحسف بشعري على حاجه=إلا إني أروح ماغنيت في شمر[/poem]
اثارتني القصيده فحبيت اهدي الشاعر ناصر القحطاني هالقصيده المتواضعه
اصافح فيها شاعر الاندلس
من ابن عم لابن عم
اقول فيها:
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="groove,8,white" type=0 line=0 align=center use=ex num="0,black"]
يقول ابن مثقال والعلم ثاير=والعلم بحر وقاعته در مرجان
دام الامانه باقيه بالضماير=من شاعرٍ يروى ضميره بالايمان
ودوا سلام الضيغمي والبشاير=ودوا سلامي من وسط قصر برزان
ودوا سلام لمن نثر جرح غاير=ناصر عريب الساس من شوق ولهان
ياللي ضواكم مثل نور المناير=يهدي بعيد الراي ويقول له هان
ياللي على العليا قبلتوا خساير=ماغاليٍٍ بالطيب او يوم خسران
لكم حضاره طاولت بالعماير=يامن معاها من تسموا بجيران
كم خلّفت منهو تحدى كساير=حضارت اللي ينتمي دوم كسبان
اكرمتوا العايل من المر مراير=واسيوفكم تروى من رقاب ضميان
قطعتوا دروب وكليتوا دواير=وكباركم شجعان وصغاركم شجعان
منهو نوى النكران له بالسعاير=دارٍ جزى النكران مادام حقران
مايدري النكران بعضه كباير=وخصوص لامنه جزى الطيب نكران
انا اشهد ان الصيت مثل النثاير=نبته بكل ارض ولنا الريح به زان
لو بالامارات او قطر والجزاير=ولا بلاد الشام او مصر وعمان
دامه نثاير صيت مافيه حاير؟=تبقى نثاير صيت في كل الازمان
لو لبّسوا بالطيب لبس الحراير=لو توّجوا بالطيب والجود تيجان
قالوا تخير من صميم السراير=مايلبسه غير المساطيل قحطان[/poem][/align]
ردا علي قصيدة القحطاني يقول نواف العلوي
[align=center] بسم الله الرحمن الرحيم[/align]
يقول الشاعر / نواف بن نهير العلوي الشمري ردا علي شاعر الاندلس
الشمس غابت وبان الصبـح لـه ضوحـي
والقـلـب كـنـه بوسـطـه لاهــب النـيـران
دام اتجـاهـك جـنـوب مـودعــك روحـــي
سلِّـم علـى عيـال عمـي كـل ابـو قحطـان
قبيـلـة شهـرهـتـه بـعــد الـنـبـي نـوحــي
العـز والمجـد لـه بـيـن الـعـرب عـنـوان
مــن ذا الــذي للنشـامـا صــار مايـوحـي
مـن حـد صنعـا وشـرِّق ليـن حـد ايــران
عبر الزمن يا عرب لـه عـز وصروحـي
رماح وسيوفٍ وغلمانٍ على حد خيلان .
القلـب لـك يابـن عمـي صــار مفتـوحـي
وبيوتنـا مـن زمــن حـاتـم بــلا بيـبـان .
جتنـا قصيـده لناصـر صـدق وشـروحـي
صـدق المشاعـر وحبـه بالمثايـل بــان .
ياشـاعـر الأنـدلـس بالطـيـب مـمـدوحـي
وشعرك كما الورد في قفرٍ من الريضـان
والاَّ كـمـا بلسـمـش بالعـطـر لــه فـوحـي
ياعـنـبـر مخـتـلـط بـالـعـود والـريـحــان
وقحـطـان مــا قـدرهـا قصـيـد ومـدوحـي
والله لـونـمـدحــه نـــهـــار ومــســيــان
هبت هبـوب الشمـال ارسلـت بـه بوحـي
مشـاعـرٍ للجـنـوب ومصـدرهـا بـــرزان
ماكنـت أنــا راضــي ماكـنـت مسمـوحـي
قحطـان لـه حــق مـاهـو بــس بالقيـفـان
واليوم انـا مكسبـي هـو راس مربوحـي.
حاولت اجاري واقول الشعر فـي قحطـان
