الموت حق ،،،

هي للشاعر / خالد بن سعود الكبير[poem=font="Simplified Arabic,6,orange,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الموت حق وكل نفس لها يوم = ولا عنه لا حاجب ولا عنه صدّه
مكتوب والمكتوب لازم ومحتوم = وكل لربه منتهاه ومردّه
كم واحد يدعي له اليوم مرحوم = وكم واحد يلحق ولو بعد مدّه
الله يعين النفس لي روّح القوم = عنها وهي جوف القبر مستخدّه
تحت الثرى واللحد ضيّق ومكتوم = في ظلمة سودا وحيشه ولدّه
لا ربع لا خلان لا حس وعلوم = راحوا وكل ٍ دمعته فوق خدّه
يانفس لاتنسين حالك من اللوم = لومي وصيري للقاء مستعدّه
الله شرع للخلق والشرع مفهوم = وكل ٍ على ماقيل يمشي بودّه
إما خلود بجنّته دايم الدوم = وإلا عذاب فيه غلظة وشدّه
ترى الحياة تروح اوهام وحلوم = والعمر يمضي والليالي تعدّه
يانفس قومي وإستفيقي من النوم = هيّا معي ردّه على الحق ردّه
هيّا معي لأبواب حي ٍ وقيوم = الخالق اللي كل شي ٍ بيدّه
مالك جميع الخلق حاكم ومحكوم = القادر الجبار ما احد ٍ يضدّه
نبكي على بابه ونحتاط من يوم = ما ينفع المخلوق جدّه وعدّه[/poem]الدايم الله والفاني خلقه ،،،
ياالله عسى تعجبكم ،،،
وسلامتكم