مـــــن فــيـنا الـــشــــمري

(قضيه وأرجوا أن تجدوا لها حل مع بداية هذه السنه لأنها من القضايا التي لا يجب التهاون بها)



فيه موضوع مهم جدا ويمس كل شمري يغار على أصله وإسمه
وأرجوا من الكل سواء الشمري أو غير الشمري المشاركه
وأتمنى ممن أعنيهم إن كان منهم احد معنى في المضايف المشاركه


هناك شريحه ليست بقليله ممن هم ليسوا من شمر تم إعطاءهم التوابع (الجنسيه) على أنهم من شمر وانا لا أقول هذا الكلام لقطع أرزاقهم ولكن اللي يموتني قهر أنهم في كل مان كانوا فيه يقولون حنّا من شمر حتى لو مسكوا في قضية سرقه

والموضوع هذا له أطراف لا تعد ولا تحصى


ولكن سؤالي كيف لشخص ينكر أصله وهو من عرب طيبين الذكر والتاريخ


وانا اقول هذا الكلام لموقف حصل معي
وسأقوله لكم بالتفصيل دون تردد
سألت شخص في الكويت من أهل العراق (بعد أن قال لي أحد الاصدقاء وهو عنزي هذا الشخص إبن عمك ) قلت للشخص بعد أن تعارفنا : إنت من أي عرب من شمر قال من الطواله قلت ونعم إنت ولد عمي يا هلابك وحياك الله مير من أي عمامي إنت قال من سنجاره ( وهنا الطامه الكبرى )ما وعيت بنفسي إلا وانا كاسر خشمه بقسات وكسرت له ثناياه ودخلت السجن حيث تسببت له بعاهه مستديمه وذلك بموجب التقرير الطبي .
وما تنازل إلا بعد الطلبات والزورات وحب الخشوم ولا بغيت أروح وطي بسبب ولد عمي الطوالي السنجاري


وسؤالي لكم من هو المسؤول هذا الشاب ولا شيوخنا اللي أرخصوا أصلنا لكل من هب ودب

ألأخ/قاسي الباس

السلام عليكم

ماشاء الله وانت تقول /قويسي البويسي وعمايلك وغيرتك هااللون

تسلم والله ياراع اللحيسه كبرت والله بعيني وادري ان ماهذا الموضوع لكن لابد اقولها .

اخي اخافك بس استعجلت وضربت هاالشمري ولد عمك لأنه يمكن صحيح شمري بس مايعرف

من اي شمر والجزيرة نصفها لشمر وانت اعلم مني بذلك .

لكن انا اقول عندنا في المملكة صعبة جدا يحصل عل الجنسية حتى

لو اعترف بانه شمري اما بالكويت فلا اعلم .

واثباتا لذلك شف عيال القبايل اللي يسمون البدون ماحصلهم الجنسية من دول الخليج


يعني لاارض ولا قرض وبحاله لايلعم بها الا الله .

لكن اجابتي لسؤالك اذا هذا حدث المسؤولين بلا جدال هم مشايخ القبايل.

اخيرا

تحياتي لك

اخوك

ابو يزيد

أبــــــــــــو يزيد

الولـــــــــــد طلع رفيعي من الرفيعات من أهل العراق
والرفيعات مانقول بهم شي بس كيف الواحد ينكر أصله
وأصله طيب

والله يالقاسي انك مصيبة ....:):)


عاهة مستديمة ...

أنا ما ني مبدي رأيي أخاف يجيني كم بقس يسبب لي عاهة مستديمة ... :(:(


وعلى المحبة ,,,,

هلا قاسي الباس ...

انا صار لي نفس الموقف بس الحق حق ما ضربت الرجال بس اني سفلت فيه وهزئته بس وهو انه يقول انه عبدي من الاسلم ( كيف تجي هذي )المهم انا اول شئ هزئته بس بعدين كل ما اتذكر السالفه اطيح من الضحك ....



فعلا هي قضيه حساسه بس لها جانبين :

وهي ان الطيبيبن لو انتسبو لشمر وهم طيبين ما يخالف او يعني ممكن نهضمها بس ردي وينتسب لهالقبيله هذا اللي ما نرضاه ...

في قصه صارت بحفر الباطن او رفحا ماني متاكد

المهم انه في رجال ( ...) وهو واهله رابين مع شمر وقصوا توابع على اساس انهم شمر بس ان شمر ما يزوجونهم ولا ياخذون منهم لانهم عارفين هم وشو، المهم الرجال راح لسوريا وخطب له بنت من شمر سوريا والبنت شمريه اصل وفصل ومن ناس لهم ذكرهم بسوريا ، المره جت للسعوديه وتشوف ان رجلها يمنعها تطلع لجيرانها او تستقبل احد مع العلم ان حارتهم او حيهم كلهم من ربعه على حد زعمه .

بيوم من الايام طفشت البنت وشكت بالموضوع لانها شافت السلوم خرطي مو سلوم عربان ، المهم سيرت الصباح على جيران لهم شمامره ودخلت عليهم وسالتها ارتهم العجوز عن اسمه ومنهم اهلها ولما درت بقصتها وانه مضحوك عليهم علمتها باصل زوجهاال(....) والبنت طاحت غشيانه ودخلت دخيله على جارتها العجوز ويوم جا زوجها كلمو اهلها بسوريا وانتظروا لين جوا وطلقوا البنت ورجعت لاهلها والحمد لله انها ما حملت ..

فيجب على مشايخ القبايل انه ما تاخذهم النخوه بهالامور لان الدعوة انساب واحساب ...


ودمتم ..

أخـــوي قاســـي البــاس

بعد السلام عليكم ورحمة الله وبركاته

أولا أشـــكرك علـــى الحميــا علــى أســم القبيله وســمعتها .
ثانيــا:- يخــوى ترى القبيله الطيبــه مثل الشــجره لابــد يستظل فيهــا أجنــاب .
ثالثــا:- أوافقــك الــراي أن اللي من (طوالي وسنجاري بنفس الوقت) ياكثرهم البعض عــن جهــل وخصــوصا الجيــل الجــديد اللي الياسالته قال انا سمى وتسمى بالمدينه اللي هو فيـها والبعض الآخــر يبي يرفع نفسه وينتمى الى بيله لها علمها الغانم ..والبعض يهدف الى الإســاءة الى القبيله ...
المهم اننــا كيــف نميــز بين هذا وهذاك
وأعتقـــد هــذي مســئولية شــيوخنا المفروض انهم يدققون بالمسئلة هــذي ويعطونها أهتمام أكبــر والدعــوة مو قطع رزق لا الموضوع أكبر من كذا الدعوة فيها أختلاط أنساب ...
تحياتي لك أخوي قاســـي الباس ...والف شــكر لك على الطرح ..واسف على الاطالــه ...واسال الله أن لايقطـــع الحميـــا
تســـلم يسنايدي

قاسي الباس :

تصير كثير ومر علي الكثير من هذا القبيل..


وأحمّل السبب الأول... مشايخنا..الذين يمنحون الختم...لهم


ولا يخفى عليكم.. الإشكال الذي حصل قبل عدّة سنوات.. بهذ ا لشأن.


-------

ولكن أخي... العنف ... لا يحل القضيّه

فكما حصل لك...بأنك أحضرت له جاهات.. وصار في الأمر حبّة خشم..

مما ..جعلك في موقف ضعيف...ترجوا .. عطفه... وكرمه...إلخ


والمشكله ... لو أن الله سبحانه . أمر بقبض روحه وأنت تجادله..أو في عراك معه..فالعواقب وخيمه..

------
فمن المفارقات التي مرّت علي .. ان شخص ما .. كان بين وبين سائق سيارة أجره ..كبير بالسن مشاده.. أنتهت بصفعه (صابر) على الخد( الصابر..:D).. وتوفى السائق من جراء أزمه قلبيه .. وكانت آخر الدعوى..أن أدين الراكب..بتهمه القتل العمد...

مع أن حيثيّات الحدث...لم يكن هو المتسبب..بس هذا اللي صار..

------------

شكرا.. على مشاركتك ... وآسف على خروجي عن موضوع المشاركه..


تحياتي

اولاً شكراً لك على طرح هذا الموضوع الحساس فعلاً .


ثانياً المسؤل الاول والاخير هم شيوخ القبائل .


ثالثاً :الله يجعل يمناك ماتشل ياشين كان قضيت عليه وانا اصومعنك

الشهرين .


رابعاً :اعتقد انه يوجد بكل فخذ من افخاذ شمر على الاقل اقل

احتمال خمسين بالميه من الشباب متعلمين اذا ماكانو تسعين

بالميه وبامكانهم ان يتقدموا

لادارت الاحوال بطلب اعتراض على هذهالعينات التي شوهت اسم

قبيلتنا ممن سبق وان اخذ الجنسيه واما الذين يسعون اليها الى

الان وانت ايه الشاب تعلم بأنهم ليسو من شمر فبأمكانك المعارضه

عليهم وانت تعرف بان معاملت الجنسيه اذا حصل عليها معارضه قد

تلغيها او تاخرها حتي ينبه بذالك امير هذا الفخذ وهو يتصرف

بطريقته او بفيتامين واو تقدر انك تحوسه عليهم .






تحياتي للجميع ...


اخوكم
علي

موضوع في الصميم
الا ترون اننا يجب ان نتكلم عن واجبنا تجاه هذه القضية
وبالاخص المنتدى
فهل سنرى مضيف جديد يهتم بهذا الموضوع
ويستضاف من خلاله بعض الشخصيات المهمة
ويتم النقاش والحوار والسوال
حتى تنجلي الحقيقة
امل ذلك
ومعكم

الاخ قاسي الباس
انت والله الشمري انت والله الشمري
وانت راعي الحمية

ولكن انتم المخطيين او جميعنا المخطيين بدون استثنا نحن اولا
وشيوخنا ثانيا
لماذا ؟؟؟؟؟
لان عند طلب اي شخص لتجنس لابد من طلب الاحوال المدنية
1- اقارب هذا الشخص المتجنسين
2-شاهدين ومزكيين على انة من هالعرب
3-توقيع امير القبيلة

اين تقع انت من هولا الاشخاص الذين ذكرتهم
انت اما ان تكون احد اقارب هذا الشخص بالورق لانة لو كان احد اقارب بالصحيح لكان شمري حقا لاعليك خطاء او كان متسمي بهم فالخطاء بعينة
او انك احد الشهود او المزكية
او انك سمعت بتجنس هذا الشخص

من انت في هولا؟؟؟؟؟؟؟
لماذا لم تعترض
ان استحيت من ربعك اذهب وسجل معارضتك للاحوال المدنية


شيوخنا
يتم توقيع شيخ القبيلة على هولا ولو تكون اية مسولية تكون على الشهود ولا مسولية كاملة على شيخ القبيلة

اخيرا وليس اخرا
لابد من وجود كلمة لنا في هذا الخصوص






شكري وتقديري لك وجميع الاعضاء الذين تفاعلو مع هذا الموضوع ان دلهذا فانما يدل على اسم قبيلتكم خفاقا لايدنسة اي شخص تسمى بة
اسال الله العلي القدير ان يديم على هذة القبيلة عزها
بواسطة ابنايها اولا لانهم هم البنة الاساسية لبنايها واستمرارها
ويديم عليها رعاية مصالحها من قبل شيوخها بلا استثنا
وشكرا

اخوكم أبن علي