الـفيـه جديده

هذه الفيه جديده لمجموعه من شعراء منتديات الطنايا
ارجو ان تحوز على اعجابكم


[poet font="Simplified Arabic,4,black,normal,normal" bkcolor="black" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
الألف ، ألـف أهـلا وسهـلا وترحيـب=وارجو السموحه مـن جميـع اللواعيـب
عنـد الطنايـا منقـع الجـود والطـيـب=بـدا السبـاق وصفّـت الهجـن والخيـل
أهـدي سـلامـي للـرجـال الكـرامـا=واللـي يجـي بعـدي معـاه الزمـامـا
خـلـو قمـرنـا يكتـمـل بالتـمـامـا=مدحـن وتوجيهـن ونـصـح وتماثـيـل
أمـرن مـن السكبـه نجيـب القـوافـي=ابشر بنظم(ن) مـن هـل الشعـر وافـي
مافيـه منقـودن عـن الغـث صـافـي=يعجبـك نظمـه مـا يجـي فيـه تمييـل
أرجو من اللـي يشتـرك يتبـع الـدرب=حرف(ن) ورا حرف(ن) كما مشية السرب
يتلون بعض بوجهـة الشـرق والغـرب=شدو على البـل وكربـو حزمكـم حيـل
أكثـر عـدد سبعـة بيـوت(ن)بتحديـد=ممكن نزيـد ليـا بغـا الشخـص تمديـد
مـن خاطـر الشعـار هـلّـت عناقـيـد=منظومت(ن) مـا جابـت القـال والقيـل
أديبـكـم ينـخـا جـمـوع النـشـامـا=نقّـو مـن الملفـوظ عــذب الكـلامـا
حـذراك هرجـك لايجـي بـه مـلامـا=نبـي نـشـوف افعالـكـم يالحلاحـيـل
أخذت انـا الهمـزه وصـارت نصيبـي=عسـى ليـا مـنـا رميـنـا نصيـبـي
والـراي يخطـي صاحبـه أو يصيـبـي=واطلب مـن المولـى يجيـب التساهيـل


البـاء ، بسمـك سرينـا ياعزيـز الجلالـي=انكـمـل المنـظـوم بحـسـن وجمـالـي
صغتـه مـن الياقـوت وحـلـو المثـالـي=وتحـيـة(ن) مـنـي لجـمـع الفطاحـيـل
بيـت العـلا مايوصـلـه كــل رجــال=ودرب الـردى مايسلكـه طـيـب الـفـال
ومـن يصنـع المعـروف يجـزى بالامثـال=ومـن بذرتـه زينـه تـزيـن المحاصـيـل
بحـر الكـرم والـجـود لشـمـر مـزايـا=وحنـا شـروق المجـد جــزال العطـايـا
وحنـا نجـود الـجـود وحـنـا الطنـايـا=والذيـب يشبـع لاعـوى تـالـي اللـيـل
بأفعالنـا بالحـرب تـرعـب ،، تـروعـي=وحـنـا الفـخـر لاخضـبـن الجمـوعـي
مـن شفنـا بالحـلـم لـزومـن يفـوعـي=شمـر مقابيـس المنـايـا هــل الخـيـل


التا ، تعاهدنـا بحـزم(ن) وتوكيـد=إنا نشيـد صرحنـا خيـر تشييـد
ياعزنـا مـا دامـت الإيـد بالإيـد=بالخطوه الأولى بدت رحلة الميـل
تاريخنا من عهـد الأجـداد حافـل=فخر(ن) لنا يزهي بكـل المحافـل
تشهد لنا الصحـرا ودرب القوافـل=والجار يشهد والحـدب والمعاميـل
ترا التواصي بين الأصحاب مطلوب=والكبر من طبع البشر شر مركوب
راعي الشرف ماعذربه رقعة الثوب=مادام عرضه ما حكي بـه بترذيـل
تـم الجـواب وربـنـا نستعيـنـه=في ساعـة الشـده وعينـي بعينـه
وحذراك من شر النفـوس اللعينـه=اللـي تـورّد صاحبـه للتهاويـل


(الثا) ثمان سنيـن صبْـر المهـادي=ما مثل فعلـه بالحضـر والبـوادي
واليسر عقب العسر حكمن وكـادي=ياتيك من عقب المعاسـر تساهيـل
ثوب الصخا غطى على كل عذروب=وولد الردي يقْصر ليا حل ماجـوب
ومن شق جيب الناس شقو له جيوب=كما تديـن تـدان بالـوزن والكيـل
ثقل العقول توردك خيـر مـورود=وخف العقول توردك كـل منقـود
ما ينعثر شخص(ن) تمشيه بركـود=انجز لزومك بين ركضن وتمهيـل
ثـم احتمـل زلـة رفيقـك إذا زل=خلك وسيع البـال لاتهجـر الخـل
عقايـد الأحبـال تلقـى لهـا حـل=والهجر زرعه ما يجي منه تحصيل


(الجيم ) جارك واكرم الجار وان جـار=الجار قبل الـدار ، لـه حـق ووقـار
واسـدل يمينـك لا تنصـوك خطـار=جزل العطايا مـن جـزال الرجاجيـل
جمّل كلامك واختبر عـذب الألفـاض=واحفظ لسانـك لا تحـدث بالأعـراض
العرض ثم العرض ما عنـه معتـاض=خلك حريص واعـي الفكـر حلحيـل
جسر الموده بيـن الاخـوان موصـول=العيـب وارد لكـن العـذر مقـبـول
نسيانـك الزلـة مـن شيمـة الفحـول=خويـك الصاحـب بالعـدل والمـيـل
جـوّد كلامـك لا توسطـت بـرجـال=كلـن عطـه قـدره يـا طيـب الفـال
و العبد عبـد وراعـي الخيـل خيـال=واصبر على الشدات واصبر على الشيل


الحـاء حبـك للإلـه الوحيـدي=خلك مطيعٍ لـه ثوابـك يزيـدي
وحب الرسول اللي كلامه سديدي=وكل الصحابة زيدهم بالغلا حيـل
حل المعاسر لا تحليـت بالصبـر=اصبر ولازم بعد عسر يجي يسر
يالله ياللي ترسل المزن والقطـر=صبر عبادك عند ظلم الرجاجيـل
حكِّم دماغـك بالغضـب لاتعجـل=والحق قوله كلمتـه مـا تخجـل
واعمل وكسبك أجر يكتب مسجل=الشغل عزه للفحـول الحلاحيـل
حسّن كلامك واتركوا سيء اللفظ=وخلك كتوم السر ثم احفظه حفظ
وخلك رحيم القلب لا تشبه الفـظ=واعمل بفعلك لو تقول الاقاويـل
حاول تفرج عن اخو الدين كربه=ثم استر الزلات في كـل دربـه
واثقل وخلك دايم الـدوم سكبـه=والزم عبادات الضحى وتالي الليل


(الخا )خويك ون ظهر منه زلـه=سامح وطبع الخـل يسمـح لخلـه
ودرب تجي منه العذاريـب خلـه=لاتصحبون أهل العقول المهابيـل
خطو الولد مثل المزون المراديف=دايم نفوعـه للربـوع المواليـف
وللصاحب الغالي وللجار والضيف=لامن حصل لك ماتبي عنه تبديـل
خمس الفرايض والسعد يوم صليت=وصوم رمضان وكثرو حجة البيت
وابشر بربحك كان للمال زكيـت=والدين دين الله ولا عنـه تحويـل
خلـك بمجلاسـك قليـل الكلامـا=إن كنت بوجود الكبـار الحشامـا
تـزداد بقلـوب الجماعـه مقامـا=ون جا مجالك هات علمك بتدليـل


(الـدال ) درب المرجلـه لاتخليـه=واللي هقـا بـك لاتخيّـب هقاويـه
وحرص على اللي عامراتن قهاويـه=عليـه طلقيـن الشـوارب مداهيـل
دوّر علوم أهل الكـرم والفـوارس=كسابت الطـولات أهـل النوامـس
انشد وتلقى ،، والمجالس مـدارس=فيهـا العلـوم الوافيـه والتعالـيـل
دَلالـك عيالـك يـورّدك الأهـلاك=خل الولد في زين الأطبـاع يتـلاك
ولو زعلـت أمـه لاتخليـه يـالاك=شوف ( بركات ) اللي وصاته تماثيل
در البحر يصعب على كل كسـلان=والمال عزك لو بدا جفو الاخـوان
والناس ما ترويك لاصرت عطشـان=والحـر ماياكـل فتـات التفاضيـل


الـذال ذنبـك عاجلـه بستتـابـه=كم واحدن أخطـى وزل بشبابـه
يغفر لنا رب(ن)عزيـزن جنابـه=واعمالنا تحصى علينـا بتسجيـل
ذل ، وتذلل بيـن اديـن الكرامـا=أمك وبـوك الوالديـن الحشامـا
لهم مـن الطاعـه علينـا لزامـا=واللي عصى الآباء موعود بالويل
ذمك وهرجك بالقفا يافتـى عيـب=طبع الحريم اللي تجيب العذاريب
استر من الزلات واذكر من الطيب=ترا الخوي عند الوزا يحمل الشيل
ذيب الخلا صاد الفرايد من الشـاه=اللي تباعد عـن خواتـه تعشـاه
واللي مع الرعيان بالقرب ماجـاه=لو هي من عداد الشياه المهازيـل


(الراء) رتب كلامك لايجي فيه منقود=متخيرن زين المعانـي عـن الـزود
ترى كثير الهرج ما يجلـب الفـود=أفعـل وتشهـد للنشامـا الرجاجيـل
راع النظر والفكر وأعرف تناسـب=لاشفت من ناسٍ أمـور(ن) تناسـب
وأظفر بنت الدين تلقـي المكاسـب=ولا الـردي بنتـه تجيـب البهاذيـل
رب الولد بالطيب يجني لك الطيـب=وعلمه أمور المرجلـه والمواجيـب
وخله عزيز النفس ذيبٍ ولـد ذيـب=لك الثمر يجنى بطيـب المحاصيـل
رافق رفيق(ن) وافيـات(ن) حسانـه=ترى الخوي يا حسين مثـل الأمانـه
وماهو خوي اللـي يعجْبـك لسانـه=مير الخوي اللي يعدْلك عـن الميـل


الزاي زيّن بالمجالس لسانك=بالصدق والتثبيت يزداد شانك
ترى لسانك قالوا انه حصانك=حكمة تفيد الناس جيل ورا جيل
زيف الكلام احذر تقرّب حواليه=خسران من باعه وخسران شاريه
في دنيتك يجلب عليك المشاريه=وتعيش ما تحسب حساب المشاكيل
زلّة صديقك لا تهد العلاقة=اعرف حقوق وواجبات الصداقة
خلك وسيع البال عندك لياقة=تفوز في صحبة هل البن والهيل
زور الجماعة والقرابة والأصحاب=إسأل عن الزعلان واللي معه غاب
خلّك مواصل دوم لا تسكّر الباب=حتى ولوهم يقطعون المراسيل .


(السين)سامح من ظهر منه تقصير=ترا السموحه من طبوع المناعيـر
واذكر خويك عقب فرقاه بالخيـر=ما كل صاحب كاملـن بالتكاميـل
سر الخوي حذراك لايظهر السـر=يا ما تسبب كشف الأسرار بالشر
كم كلمة جابت على صاحبه ضـر=يكتب على المخلوق كل الأقاويـل
سهم الهوى صاب المتيم بالاعطاب=لاطق باب القلب لاتفتـح البـاب
واستذكرو ( هذا بلا بوك ياعقاب)=نهاركم ياهل الهوى يشبـه الليـل
سيّر على اللي قنّن الهيـل والبـن=مجالسن يطرب لها البـال ويحـن
واعرف (ترا سن اللبن يشلعه سن)=من حكمة الأجداد خـوذ التماثيـل


(الشين) شبولنا نار(ن) وزيدوا الحطبيا=نحمس عليهـا البـن مصفـف منقيـا
ودقه بنجر(ن) من سمع كـود يجيـا=وللنـار شبـوا وبهرولـي المعاميـل
شبـه لربعـن مرويـة جمـع دلاق=وأحمس لهم من صافي البـن مـالاق
في مجلسن مافيـه شينيـن الأخـلاق=فيه الكـلام الزيـن وحلـو التماثيـل
شيل الكـذب عنّـك وغيـر طبوعـه=خلك صدوق ،، ودونه الكذب زوعـه
كم كذبتن جابت على الشخص لوعـه=والكذب حِرم وصاحبـه لـه تنكيـل
شل الذي صامت عـن الحـق كتـم=لاصـار عنـده وافـي العلـم ماتـم
والحق يظهر وباقـي الجـرح يلتـم=والشمس تظهر وتنجلي ظلمت الليـل


((الصاد)) صادق صاحبك زين الأخلاق=عذب الكلام اللي له الصدر ما ضـاق
واعرف ترى الأنجاس للشر تشتـاق=وخوذ اللبيب وخـل عنـك المهابيـل
صعب تخـاوي مـن كـذب واللعينـا=وحتى الردي ما جـاب فـاده علينـا
وسيِّر ومـن خفـف زيـاره فطينـا=وصادق صديقك دون زيـفٍ وتمثيـل
صلوا فرايضكـم وصومـوا رمضـانِ=واعمل ولا تنطر يجـي شغـل ثانـي
اعمل تـرى ماتفيـد كثـر الأمانـي=وخلك صدوقٍ واتـرك القـال والقيـل
صيد المعادن داخـل قلـوب هالنـاس=واعرف إذا هو كان فضة او نحـاس
((وطير الحبارى يذهل العين قرناس))=ولا تنخدع وابعد عن العيـب والميـل


( الضاد ) ضيفك له معزة وتقدير=احذر يبيّن منك للضيف تقصير
الناس تذكر ناس بالشر والخير=تجارب الدنيا سوات التحاليل
ضبّط حياتك تستريح وتهنّا=ملزوم تعرف ويش مطلوب منّا
لا تعيش ضايع في حياتك تعنّا=الطيش والفوضى تجيب الغرابيل
ضاعف من المجهود في خدمة الدين=عليك بالدعوة ترى الناس لاهين
احرص على نهج السلف وانتبه زين=يا كثر شفنا بالمذاهب مداخيل
ضمن الوصايا لازم أوصيك بالعلم=اطلبه ، لا تظلم ترى تركته ظلم
حقيقة وواقع مهو طيف أو حلم=اللي يحوزه حاز حدبن مصاقيل


(الطا ) طنايا وانشدو كل الأجيـال=تاريـخ ربعـي كاسبينـه بالافعـال
ياعيال نبغي مجد الأجـداد ياعيـال=نطرب ليا ذكرت بوقـت التعاليـل
طبع(ن) لهم ريف المسايير والضيف=زايد كرمهم كالمـزون المراديـف
أهل القلوب الصافيـات المواليـف=أعجز ليا جبت المواقـف بتفصيـل
طرا علـى قلبـي فعولـن قدامـا=مثل الشلاقي مـع هشيـم العظامـا
والذيب حصّل من عشيـره طعامـا=عقب العوا جاه العشا طيب الحيـل
طير السعد غنـا بوقـت الحرايـب=بسيوفهم كم روضـو كـل خايـب
فكاكت الأزمـات وقـت النشايـب=ابشر بعزك لاتثاقـل بـك الشيـل


الظاء) ظام الوقت فينـي وأظلـم=وانا معه راضـي بحكمـه مسلـم
راضي بحكـم الله وداري وأعلـم=مافـاز بالدنيـا مـدور تعالـيـل
ظلما وكل النـاس فيهـا ينولـون=مدور الخيـرات ومـدور العـون
واللي سعى لجل البشر عنه يدرون=كـلن ينـول بدنيتـه دون تعليـل
ظلمات قبر الظالـم يزيـد ظلمـه=لامن غدى وسطه وعلّمه جرمـه
ماعاد وقتـه ينفعـه غيـر سلمـه=واللي عمل للاخره بآخـر الليـل
ظميان يامن يسقي الظـام رشفـا=ويسد جوعه ومن شقا الوقت يشفا
ويغنيه عن وجه الملا وقول تكفـا=ظميان من حسن العمل والظما حيل
[/poet] [/B][/QUOTE

[poet font="Simplified Arabic,4,black,normal,normal" bkcolor="black" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
(الـعـيـن) عـظـايـم الـتـاريـخ سِـجّـل لـنـا دور=بـالـجـود والـمـعـروف سـدنــا لـنــا دهــور
مـن حـاتـم الـطـائـي لـنـا صـيــت كـالـنــور=مـتـوارثـيـن الـطـيـب جـيــلٍ بـعــد جـيــل
عـبـدالـكـريـم الـلـي بـه الـطـيـب مـوصــوف=لـيـا قـال خــوذو أبـشــر بـعــز مـضـيــوف
هـو الـكـرم ،، أصـل الـكـرم ،، فـيـه مـعــروف=يـجـود لـلـحـايـف ويـضـاعـف لــه الـكـيــل
عــز(ن) تـدفــق فــي أفـعــالــك تـغــنــا=بـسـمــك تـعــلا يـالـجـنــازه عـلـمــنــا
بــارض الـصـريــف جـبــال دكــه وفــنــا=أربـع طـعـش بـيـرق نـسـفـهـن كـمـا الـسـيـل
عـاداتـنــا لـلـضـيــف مــالــه مـثــالــي=مــن دمـنــا نـرويــه بـوقــت الـمـحـالــي
تـضـرب بـنـا الامـثـال ،، ولـلــه الـكـمـالــي=حـنـا هـل الـلـحـيـسـه رجـالــن حـلاحـيــل
عـفـنــا الـطـعــام ولـقـبــونــا طـنــايــا=امـــا الـنــصــر والا هـــلا بـالـمـنــايــا
وأفـعـالـنــا بـالـحــرب مـاهــي خـفــايــا=انـشـد تــرى يـجـاوبــك عصر الاهاويل


الغين غابت كثير من المواقف والافعال=وحنا رسـوخٍ كننـا ذيـك الاجبـال
فينا السيـوف المايلـه وميلـة عقـال=الله خلقـنـا للمـواقـف مشاكـيـل
غايـة منانـا رايـة الطيـب فيـنـا=وليـا دعانـا المـوت يمـه مشيـنـا
حنـا الطنـايـا باللـقـا لا طنيـنـا=شمّر نورّد من بقـا مـن نهـر ويـل
غلبـا ضياغـم لابـة الطيـب شمـر=فينـا اصالـة ساسنـا مـا تتـدمّـر
تاريخنـا منـا علـى العـز عـمّـر=ولاكل من هو يبغي الفوق لـه طيـل


الفاء فعايلنا ..مـن اول اليـا اليـوم=ماتنهـزع ماتنهـزع.. دايـم الـدوم
من فعلنا ..ياما انهزم.. قوم مع قـوم=واليا اختلط.. عج الاصايل.. حلاحيل
" فعل الطنايا فوق " حافل. بالامجـاد=من غير قاصر .. بالقبايل والاجـواد
حنا الصخى، حنا الكرم، حنا الاسيـاد=غصبن ..على الزعلان ..واللي مغاليل
(فعل الشريف) اللي غزانـا قصفنـاه=من غير "راس اغلا عيالـه" قطعنـاه
وتسعة مرابط عنـد شمـر كسبنـاه=ولايجحده.. ياكود نـاس(ن) مهابيـل
فعايـل الابطـال يبـقـى سجـلـه=وشهودنا .. قصيدتة يوم يـوم حلـه
مـن فعلنـا قفـاء هزيـل(ن) بغلـه=اغـلاء رجالـه فاقـده يالمشاكـيـل
فينا شموخ و عالـي المجـد نرقـاه=نرقاء على "متـن الفخـر"وانتعـلاه
درب المهونـه والـرداء مامشينـاه=المجـد فينـا يفتخـر والمعامـيـل
فينا" ابو خوذه . والجنازة . ومفتاح"=صوارم(ن) .. هزو ..جموع بلا سلاح
افعالهم تزها .. لهـا كـل الامـداح=ماقلتهـا كـذب(ن) وزور وتهاويـل
فينـا ومنـا "كـل صنديـد" مـنـا=شبرم وهايس ..فزعـة اللـي تمنـا
(وصعب صعب) زبن الضعيف المجنا=مزبان من .. ذاق القهر واتعبه حيـل
فالشعر . لو اجلـس .لعـد الطنايـا=اتعب قبل ..مانهـي جميـع الزوايـا
من كثـر مافينـا رجـال(ن) دهايـا=اقولها "سـر وجهـر" دون تضليـل
فعل الطنايـا .. للقصايـد .. دفعنـي=واحظرت قاف(ن) يطرب اللي سمعني
تحاضبن عندي .. وجـن واجمعنـي=وقمت اتخير .. من جزيـل التماثيـل
فديتكم واعطيت.. للغير انـا القـول=(وشعار شمر) فيهم الطيـب وفحـول
الكـل منهـم يفهـم العلـم ويطـول=((وانا من اصغرهم)) ولاني بحلحيـل



(القاف ) قيفان القصيده تغنـت=بفعالنا يـوم المصاقيـل رنـت
كم من خيولن بالمياديـن كنّـت=يومن لقت ربعي رماحه مراسيل
قبر العـدا بسيوفهـم حافرينـه=درب الشجاعه لابتي عارفينـه
يازين ردات القضا قبـل حينـه=ويازين لامن طوحن الهلاهيـل
قالو عليهم ،، واطلقـو للاعنـه=ياما حـلا تخضيبهـم للأسنـه
كل الضوامـي وردن وارتونـه=خلو نحور القوم دمه شخاليـل
قاسين بالهيجا ، بوقـت البلايـا=وبالسلم للعاني كبـار العطايـا
تفنى الليالي ... والطنايا طنايـا=شوف النجوم ولابتي كنها سهيل


((الكـاف)) كـلٍ بالطنايـا تغـنـا=اسـمٍ بذكـره كـل شـيءٍ تحنـا
بالمجـد والتاريـخ تبـدع بفـنـا=اهل الكرم من دون زيفٍ وتمثيـل
كل الفخر والمجد من ورث الأجداد=صغنا بتاريخ العرب كسب الأمجاد
من فعلنا تفخر بنـا أمـة الضـاد=بالجود والفرسه وكسـب التنافيـل
كـرو عليهـم والمنايـا تحوفـي=بسيوفهم كم فرقـو مـن صفوفـي
صفت لهم لين اشربـو بالكفوفـي=بالحرب كن جموعهم طير أبابيـل
كلمة ( طنا ) للجود والطيب نبراس=لاحل ذكر أفعالـه ترفـع الـراس
للضيف ريف ،، وبالمعاسير فراس=كم نكلو من ضرب الأيمان تنكيـل


(اللام ) لو إن الليالـي يعـودن=ياما حكمنـا كاسبينـه بـلا مـن
كم من صويب دموع غاليه هلـن=من ضربنا بمصقلاتـن مشاويـل
لجدادنا في صفحة الوقت تاريـخ=ياما تعشو يوم الأكوان من شيـخ
وكم نوخو عصمان الأشناب تنويخ=لين اكتمل لجدادنا العـز تكميـل
للموت بعنا كـل نفسـن عزيـزه=ريح المعزّه ،، في دمانا غريـزه
كسب المراجل للسناعيس ميـزه=بالفعل ،، ماهو بالحكي والأقاويل


الميم / من يجهل .. بفعل السناعيـس=انا اشهد انه .. ياهل المعرفـه هيـس
"ربعي وربـي" متعبيـن المحاميـس=اهل/ الكرم /والطيب /والبن /والهيـل
منهـو زبنـاء .. فـي منامـه تهنـا=انا اشهـد انـه .. يالربـع يرجهنـا
والا عدانـا / مـن لقـانـا .تعـنـا=ولا ينكـره /غيـر العقـول المهابيـل
مكارم(ن) فيها افتخر.. بين هالنـاس=ولاعاش رجال(ن) بلا /امجاد واحساس
وانا لي ربوع(ن) خذو / كل نومـاس=فيهم /شموخي يعتلي .. فوق بالحيـل


النون ناري قايـده بيـن الاضـلاع=والهاجـس الملتـاع لازال ملتـاع
بين أشرف الفرسان لابـد (طمـاع)=يطغى ويطغى فوق منـه رجاجيـل
نـاح الحمـام فـدار مابـه مقابـر=حكمه حكيم الكون ..والكـل خابـر
يوم الوغـى والفـاس حنـا نكابـر=ما بالمعارك مثلنـا لاغـدى الويـل
نعطي ولا يحصى عطانا من الـدار=والضيف له من لقمة البيت مقـدار
شمر طنايـا بالكـرم صيتهـم نـار=نـار ٍ تعلّـت بالجبـل دون تذليـل
نقش الحروف الصامته لـه معانـي=(الشين) شامخ فوق أعلـى المبانـي
(والميم )ما هزه بشـر لـو ثوانـي=( والراء) راح بحكمهم جيل مع جيل


الهاء هل المدح ينفع للاموات=أبي امدحه حتى اقنع الروح والـذات
وجدي على نطاح وجه المغيرات=وانا اتئمـل بالليالـي المقابيـل
هداتكم بالطيب يامـا ويامـا=ويامـا خذيتـوا عنانهـن والوسامـا
الشعر صايم بالحشا له اعواما=واصرخ كما تصرخ حبال المحاحيل
هاكم كلام عبيد.. هذا بلاكم=مير افكروا تالي الزمن ويـش جاكـم
عاشت سلاطين العرب في ذراكم=وانتم ترى شمر طيـور الابابيـل


الـواو ودي يالطنايـا اقولـه=للابـة للـي فـي سنـام الرجولـه
اللي لهم بالمجد صوله وجولـه=زوبـع مقابيـس المنايـا حلاحيـل
وافين.. من دور الشريف الطنايـا=بالفزعـه اللـي علمهـا ماتنايـا
لفوك زوبع فوق دقل السبايا=فزعـه وجزعـه واستجابـه وتجليـل
واقفى بيمنى بيص ولد العجرش=يوم ٍ بغى الوضحا الطحوح وتحرش
جاه العقاب الصيرمي وله تفرش=تسلم يمين الشمري ضـاري الليـل
والا سليمان الوليده وضاري=ابـن امحمـود الياطـرى لـه طـاري
اقفى بلكمن بين حمر العتاري=يومـه طلـب ام العيـون المظاليـل
والفرخ ادلابه وجاله اقطامي=مثـل اشقـرٍ افنـى بـرف الحمامـي
عفيه بني عمي خوال وعمامي=زوبع وماورث مـن غفيـل وزميـل
واجب ترا مدحه وهو في مقامه=وشيوخ تفرض ذكرهـا واحترامـه
ماقل دل وزبدته في مرامـه=والهيـل قلـه فـي بهـار المعاميـل
والبيت قبلي قايله ابن حثليـن=زيـزوم يـام اللـي نعـده سلاطيـن
قلته بأثر راكـان حبـس المقفيـن=اللـي علومـه ينقلونـه مشاكيـل
ودي وود ودي أودي وأمدّه=فـي يـد منهـو نفتخـر بأسـم جـده
أبيات شعري عند حارث أعده=حاضر بحاضـر مانكـز المراسيـل
ولا هو ردى باللي بقى ياجماعه=مار القصايد فـي مقـام البضاعـه
أن زادت الوزنه غدابه رعاعه=وكـل علـى قـده يجيـب التماثيـل
والمعذره وكلن مقدم معانيه=وهذا الخريصي منكـم العـذر يرجيـه
كلن على ماقيل من دون عانيـه=والاّ الطنايـا كاملـه مابهـا ميـل



( اليـاء ) يامحـلا خـتـام القصـايـد=مثـل اللـوالـي بالعـقـود الفـرايـد
طبـع(ن) لشعـار الطنـايـا عـوايـد=مابـه ميـول ولا صـدر منهـم عيـل
يسلم لنا ( السكبه )على بـدع الأفكـار=وتسلم عقولـن رتبـت نظـم الأشعـار
واللـي تعـذر نعـذره قبـل الأعـذار=واللي حضر جـاب المطالـب بتكميـل
يعيـش ( فيصـل ) مـن بدينـا معانـا=خطـوه بخطـوه ون طلبـنـا عطـانـا
ليـن وصلـت وارسـت ببـر الأمانـا=واليـوم ننثـر مـن زهرهـا أكالـيـل
( ياابن الطنايـا ) نرسلـه لـك هديـه=أبيـات تبقـى طـول الأزمـان حـيـه
تـروي ظمـا الظميـان ياحلـو ريـه=ترتلـت مـن نبـع الإبـداع ترتـيـل
يرويك ( عاصفنا ) كما المـزن هطـال=ثم اعتلى من صهوة الخيـل ( خيّـال )
( وشراعنـا ) غنّـا المعانـي بمـوال=ومن حروة ( الجهرا ) تجـره مواويـل
ياللعجب (ذيـب اسلمـي )معـه ذيبيـن=(ياذيب إجا ) يشبهك ( ذيب العلاويـن )
ومن المنامـه درة البحـر ( بحريـن )=شوف ( الخريصي ) وصل العلم توصيل
( يالمحترم ) ( فواز ) نظمـك بميـزان=من عقبه ( القاصف ) بترتيـب وتقـان
ثم اشرقت شمس القوافـي ( بنزهـان )=سميـن صيـده مـا يصيـد المهازيـل
يـارب ياللـي فـي عيوبـي تبصّـرت=استغفـرك لنـي ظلمـت وتـهـورت
والعـذر كانـي يالأجاويـد قـصّـرت=وتوكلـو .. علـى الكريـم التواكـيـل
ياربعنـا زيــدو صــلاة وسـلامـا=علـى شفيـع الخلـق خيـر الأنـامـا
إعـداد مـا هلـت مـزون الغمـامـا=علـى نبـي(ن) كمّـل الديـن تكميـل
[/poet] [/B][/QUOTE