المعارك عنيفه

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]


القصف حامي والمعارك عنيفة=واهل القلوب الميته عذرهم خوف

وين الرجال أهل النفوس الشريفة=اللي يبرد فعلهم لاهب الجوف

وين الخيول الصاهلات العسيفة=اللي على صهلاتها ترقص سيوف

ماهي برقصة سامري بالسقيفة=يحيي مساها نغمة العود ودفوف

رقصات عزٍ للنشامى مريفة=وروس اليهود اللي طغوا تحتها قطوف

صحيح صعبة والمشاهد مخيفة=لاشك موتٍ يجلب العز مخلوف

كان الجبان بعرض بحرٍ مصيفة=بصحبة هنوفٍ خصرها حيل منحوف

لافارقت تصبح حياته كليفة=ويشكي غرامه كل ماهزت ردوف

يرى بها لذة حياته وكيفه=ويصفق عليها لاذهبت عنه بكفوف

الحر عزه ماثل ٍ تحت سيفه=ماينغمد والذل من حوله يطوف

يضرب على هامات كفرٍ صليفة=من مابها من زومة الكفر (م)تشوف

الشعب جاهز بس وين الخليفة=ولا قرار الحرب ملغي ومحذوف

من القدس مانرضى بقسم النصيفة=مانرتضي في حقنا يكون منصوف

أما لمرابعنا بعزٍ نضيفه=ولا جماجمنا على اعتابه شقوف

لاقفى ربيع العمر ياتي صريفه=والعمر لو تنظر للايام مصروف

واللي تخفى يظهر الوقت زيفه=ويصبح على روس المخاليق مكشوف

كلٍ يحاول مايزعل حليفه=وشعوبنا مابين ميت ومخطوف

كلٍ على المله يقرب رغيفه=وليا دعيت ، لحق ، حطوك ملقوف

الله لكم يأهل غزه وحيفه=هو ذخركم لأظلم الوقت بسدوف

أرواحنا وانتم بذلٍ ، معيفه=لاشك وش حيلة مقيد ومكتوف

ممنوع يعبر والحراسة كثيفة=والحد حراسٍ على اطرافه وقوف

يوثق قيوده للملازم عريفه=جرمه أرهابي بين الحكم معروف[/poem]

صح لسااانك


ولسااااااان الشاعر




والله يعز الاسلاام والمسلمين

تسلم يمينك

صح لسان الشاعر

كلام في الصميم

بس!!!

لاحياة لمن تنادي