مــر الوداع

[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="none,4,gray" type=1 line=0 align=center use=ex num="0,black"]
عزالله ان الوقت حدن على اقصاي=واسهر عيوني واستلذ بسهرها
والارض كنه ماتقدي لماطاي=الارض ضاقت بي سهلها وبحرها
ولاعدت اميز وينه اقصاي وادناي=وعفت الحياة اللي تزايد كدرها
وياعين هلي الدمع لين اغرق اخطاي=حتى على خدي يتبين اثرها
للصاحب اللي خالف اليوم ممشاي=يلعنك ياحظ(ن) قهرني وقهرها
والله ثم والله هي غاية مناي=هي بس ربي اللي بقلبي بذرها
بذره بقلبي اسقيتها دمي الماي=وطيب ووفى واخلاص اجني ثمرها
في قربها كن السعاده بيمناي=سحابة(ن) تغسل همومي بمطرها
هي للحزن فرحه ولدائي دواي=هي جنة الدنيا اذا بختصرها
ياجنة الدنيا الزمن عثر اخطاي=حتى خطا رجلك زمانك عثرها
ولاعاد به حل(ن) ولاعاد به راي=جسور الوصل جاها الزمان وكسرها
وقت(ن) تلذذ بالشقاء رمي مرماي=وعوايقه في كل درب(ن) نشرها
وقلت الوداع واقفيت لاتسمع بكاي=مابي اتسبب لحظة(ن) في كدرها
واقفيت ونار(ن) تشتعل داخل احشاي=واحس كبدي ذايبه من قهرها
مع السلااامه وامسحي كل ذكراي=ونفسي يجيها ماانكتب في قدرها[/poem]

[frame="1 80"][align=center]نايف الهاملي

صح لسانك

قصيده جميله

الا انها تحتاج منك بعض الاعتناء ببعض الوزن

البيت الرابع...الشطر الثاني
البيت السادس...الشطر الثاني
البيت السابع...الشطر الاول
البيت 13 الشطر الاول[/align][/frame]

نايف الهاملي..
صح لسانك..
قصيدة في منتهى الروعة..
ومايحتاج بعد هالتوصيات من
مشرفنا العزيز الغازي، وملاحظاته القيمة..
وأرجو ان لاتعتبرها تقليل من مستوى القصيدة
فالقصيدة جزلة ومعبرة ، وانا لا اقيمها إلا كمتذوق فقط ...
تحياتي وتقديري لشاعرنا الهاملي ، ولمشرفنا الغازي على هذه التوجيهات..

[align=center]
أخي العزيز

نايف الهاملي


هكذا هي الدنيا لقاء و فراق !!!

و هكذا هي الأيــام ... تجري الرياح بما لا تشتهي السفنُ

صح لسانك و عسى أن يجمع الله شملكما بعد الفرقة


تحياتي

الدهور[/align]

الاخ والمشرف العام

اشكرك على نقدك وتأكد اني سعيد بهذا النقد
وبالمناسبه فقد كتبتها بلحظه فراق ولم ادقق بالوزن واحببت ان اقدمها كما كتبتها لحظه الفراق
لك مني كل الاحترام والتقدير
اخوك
نايف الشمري

راعي الوقيد
صح بدنك
واشكرك على ردك
وانا راضي واتقبل النقد من اي عضو وبصدر رحب
اشكرك كل الشكر وتقبل تحياتي
اخوك
نايف الشمري

الاخت دهور
اشكرك على ردك
وتقبلي تحياتي
اخووك
نايف الشمري

[frame="1 80"]نايف الهاملي

تسلم يالغالي

وتأكد لو ان القصيده غير صالحه كان حذفتها اوعلى اقل تقدير ارسلتها للمحاولات الجاده.

لكن ولا مجامله بذلك:

القصيـده جميله جدا, وعلى قولتك انك كنت مستعجل وما دققت بالوزن.

اخوي خذ راحتك ودقق مره ثانيه لان الوزن من الركائز الاساسيه لجمال اي قصيـده.

تحياتي وتقديري لسعة صدرك

اخوك/الغازي[/frame]

الاخ الغازي
انا من مشجعي النقد
والله اني اتشرف انك انت او اي عضو ينتقد مشاركاتي لان هذا يعود بالنفع لي
ودمتم ,,