اهداء لشمـــــــــــــــــــــــــــــــر...,,!!

[align=center]

اهداء لقبيلة شمر وصلني عبر الايمل وحبيت اشاركم فيه اذا ماهو قديم..


بنت الرجال الطيبين المشاكيل
مدري وش اللي للمفارق حداها

راحت وخلّت دمعةٍ ودها تسيل
ولا ردّها عن خدّها الا حياها

من يوم غابت مالي الا تفاصيل
البسمه اللي طوّلت في شفاها

في جلسةٍ فيها دلال وفناجيل
وتمد لي فنجال واشرب غلاها

ولا قلت كيف الحال قالت تساهيل
وان قلت هاتي يدك تزحف وراها

كانت ليالينا غرام ومواصيل
وكانت تجي دايم بحزّة لقاها

كنا نعيش الحب ضحك وتعاليل
ترضي غروري وبغروري رضاها

كنا نعيش ولا نحسب المقابيل
مير الليالي ذوقتنا عناها

أثر الفرح كذبه مثل كذبة ابريل
واثر السعاده تقهر اللي بغاها

خلاص.. لا ترسل عليها مراسيل
الصبر وقّف.... والعلوم... تخفاها


قل للطنايا والطنايا مهابيل
فالفزعه اللي ما يوفّى جزاها

رجّالهم يسوى ثلاثين حلحيل
وان شحّ داها فالطنايا دواها

شمّر ونعم بهم شيوخ ورياجيل
إن قالها الله قرّبوا لي مداها

بنت الرجال الطيبين المشاكيل
اللي حداها للجفا ما حداها

[/align]

[frame="8 80"][align=center]
قصيدة حلوه في معانيها ...

على ماأظن إذا ماخانتني الذاكرة إنها للشاعر زايد الرويس ....


تحياتي لك
اختك
شموخ [/align][/frame]

مشكور
أخوي/

الفزاع


على هالقصيدة الرائعة


تسلم على المشاركة

الفزاع الله يعطيك العافيه

وصح السان شاعرها وتسلم على النقل

تحياتي

هادي الهاجري