بعض العرب ........!!!!!

[align=center]بعض العرب ماينعطي وجه بالحيل ........!!!!!

السلام عليكم..

قصيده بعض العرب..
وهي للشاعر عبد الله بن باتل الرشيدي ...
تصنيف غريب عجيب لبعض العرب..


بعض العرب ماينعطي وجه بالحيل
………….. وليا عطيته وجه صار إلك عله
وبعض العرب ماله سنع لكن حليل
…………. بالضبط كنّك لاتمعنت ظلّـــه
وبعض العرب شقرا وشقرا مع الخيل
………… ماينفعك لولا الرموش المظلّــه
وبعض العرب لايعجبك ثرثرة ليــل
……….. وباكر ترى ماقال لك شيء للــه
وبعض العرب مرسال مدري مريسيل
………. يساير العالم وهو حاصــلٍ لـــه
وبعض العرب يسلخ وينفخ وهو ريل
……….. وفي زعمه أنه يفهم الكون كلّـــه
وبعض العرب ماغير بندق ودربيل
………… ومنين ماهب الهواء جـــايزٍ لــه
وبعض العرب يطلع كما طلعة سهيل
………… ويغيب نجمه قبل دربـــه تدلّـــه
وبعض العرب يوذيك بالقــال والقيل
…………. تجلس معه ساعة والأخرى تمــلّه
نذل وخسيس يفصل الهرج تفصيل
…………. وليا لقاله طيبٍ يسْتغلـــــــه
وبعض العرب منظر وكشخة وتحليل
…………. شبح بحال.. والحال الأخرى كورلــه
لاشفت زوله من خيار الرجاجيــل
………… واليا عرفته ماتجيه بمحـــــــله
وبعض العرب ماضيه ليلٍ على ليل
…………. قد بصّموه وصوروه الأدلـــــــه
وبعض العرب لاوالله إلا تهــاويل
…………. مهما عقدت الحبل لازم يحـــــلّه
قد دربوه ولكّعوه الرجـاجيـــل
…………. من قبل لايصير الحدث جاهــــزٍ له
وكانك شجاع صحيح حارب اسرائيل
………….. قبل اليهود القدس لا تستحــــله
وكلش يهون إلا الثلاث الغرابيـــل
………….. المهزلة والمسكنة والمذلــــــه


تحياتي..
ديمــــه
[/align]

قصيدةخفيفة وجميلة...
تفسر وضع البشر هذا الزمان
فمامنهم الا وقد إنقلبت موازينه
وتخلى عن قيمه ومعتقداته في
سبيل لهثه وراء دنيا ، وجمع مال
او صاحب احلام..!!

وبعض العرب يوذيك بالقــال والقيل
…………. تجلس معه ساعة والأخرى تمــلّه
نذل وخسيس يفصّل الهرج تفصيل
…………. وليا لقاله طيّبٍ يسْتغلـــــــه
وبعض العرب منظر وكشخة وتحليل
…………. شبح بحال.. والحال الأخرى كورلــه
لاشفت زوله من خيار الرجاجيــل
………… واليا عرفته ماتجيه بمحلــّــــــه

بعد التحية والشكرعلى النقل..

[align=center]
وبعض العرب ماضيه ليلٍ على ليل
…………. قد بصّموه وصوروه الأدلـــــــه
وبعض العرب لاوالله إلا تهــاويل
…………. مهما عقدت الحبل لازم يحـــــلّه
قد دربوه ولكّعوه الرجـاجيـــل
…………. من قبل لايصير الحدث جاهــــزٍ له
وكانك شجاع صحيح حارب اسرائيل
………….. قبل اليهود القدس لا تستحــــله
وكلش يهون إلا الثلاث الغرابيـــل
………….. المهزلة والمسكنة والمذلــــــه


66CCFF

تسلم ايدك ياديمه على هالنقل وصح لسان الشاعر .

مشكورة ياعمري على هاالمشاركه الرائعه .

شموخ [/align]

[align=center]

راعي الوقيـــد..

اشكر مرورك الكريم
يعطيك العافيه

تحياتي[/align]

[align=center]شمــــوخ

الله يسلم عمرك يالغاليه
اشكر روعه حضورك
اسعدني مرورك

تحياتي[/align]

تلسلمين ياديمه



تستاهل التثبيت



لا عدمناك

براك الفريسي الجربا

كل الشكر والتقدير
لمرورك الكريم
يعطيك العافيه

تحياتي