اهداء الى روح الشهيد الأمير الشاعر// طلال الرشيد
[poet font="Tahoma,5,purple,normal,normal" bkcolor="transparent" bkimage="backgrounds/7.gif" border="solid,4,gray" type=2 line=200% align=center use=ex length=0 char="" num="0,black" filter=""]
الله يجازي من ذبح ابن الرشيد ابلا سبب
والله ذبح في فعلته طيب المعاني والخصال
تبت يدين المعصيه كانه في كفينه شرب
دم الشهيد المحتضر والدم صافي كالزلال
يا الشمري جالك غدر من ساسه وراسه ذنب
راعي ولد راعي قدر يقتل على غفله طلال
لوهي مواجه باللقى وبراحته ذاك الحدب
والله يخليهم غنم ترعى مع باقي الحلال
يمنى الضياغم لا ازعلت ثارت براكين الغضب
ومن كان ينفي قولتي يسئل عن ديار الشمال
من كان ينفي قولتي ينخى السناعيس العرب
لو كان في سابع سمى هبوا علشانه رجال
ربع الجنازه سلمهم لطم المنافي للأدب
تاريخهم ما يجحده كود المخدر بالجدال
يا لبه قلب الشمري نوماس ودلال ومشب
ان جيت له ضايق صدر تطلع وفي قلبك سؤال
وشلون غير حالتك عقب الشكاوي والتعب
وفي خاطرك بس تسئله وش سر تمييل العقال
نواف لا تزعل على ما راح ياخوي احتسب
نواف كل حيٍ بنا ماشي على درب الزوال
نواف في جنة عدن يقطف عناقيد العنب
والحور اكبر همن يغدق عليهن بالوصال
نواف في جنة عدن يكتب قصايد من ذهب
في مدح طه والرسل من عقب مدحه للجلال
نواف في جنة عدن يمشي على متن السحب
مشيٍ يغيض ابه العدى من كثر مافيه اختيال
نواف في جنة عدن ما يلحقه ضيق ونصب
مختار من ابهى الغرف متوسد ايات الجمال
نواف ما نزكي احد والغيب عند اللي نحب
لكن نحسب اللي رحل كامل ولله الكمال
يا قايل الشعر امتنع يا سامع الشعر اكتئب
نحتاج قرن من الزمن يمكن نعوض به طلال!!
[/poet]
[BIMG]http://wjdwjd.jeeran.com/images/6alall1.gif[/BIMG]
[BIMG]http://wjdwjd.jeeran.com/images/6alall2.gif[/BIMG]
رد : اهداء الى روح الشهيد الأمير الشاعر// طلال الرشيد
بركات الشمري
سيدي
حضورك هو
الاجمل
والانقى
والاروع دائما
اشكرك من الاعماق على تواصلك
واعذرني على تاخري بالرد
تقبل التحايا القلبيه
