-
منصور بن سعدي الرمالي
[ALIGN=RIGHT]بسم اله الرحمن الرحيم
حصلت على ديوان كامل للشاعر منصور الرمالي
وأحاول بقدر المستطاع ان شا ء الله أني أقدم لكم بعض قصائدة الخالدة التي لاتنسى على مدى تاريخ شمّر
يانجم ياللي غبت من غبت مابنت
وش حال بين أيام مجدك وبينك
الشمس تطلع وأسأل الصبح وين أنت؟
وتغيب شمسي واسأل الليل وينك
وين انت أنا منهان لاهنت
منهان من شخص عجز لايهينك
أرجع متى ترجع؟ أنا انهنت وسجنت
واللي سجني كان قبلي سجينك
أرجع ورجع مجد ماضي كما كنت
ورجع من المديون للناس دينك
ياقاسي في وجه الأضداد مالنت
ومن صاحبك ينعم بعطفك ولينك
حتى على خصمك من احسانك أحسنت
وياما عطيت من كل غالي يمينك
بالسيف في شبه الجزيرة (تسلطنت)
أخضعت أهلها وملكنه يدينك
مثلك ولد والله فلا جابته بنت
لاشك عيّن يمهلنك سنينك
أقولها وينك وأنا أدلّ ؤوين أنت
لاشك من زود القهر قلت وينك
وياقصر ياللي بدّلوا طينك اسمنت
أحذر تخون وتنكر أصحاب طينك
الله يخونك كان لأهل الوفا خنت
ووفيت للي بالوفا خاينينك
ياقصر لاتُسكن وان انضمت وسكنت
أخفس قهر وأخفس معك ساكنينك
ياقصر مهما زيّنوا فيك مازنت
(زينك) رحل وان عاد لك عاد زينك
[/ALIGN]
منصور بن سعدي الرمالي
رحمه الله
أخوكم/ أبو شادي السويدي
-
سلام
الاخ ابو شادي لا اعلم ماذا اقول لك
اخي لماذ تجعلنا نتلهف هكذا
ارجو منك طرح هذا الديوان في اسرع وقت فانا من المتلهفين لسماع قصائد هذا الشاعر العملاق
وانا بانتظارك
لاتحرمنا هذا الابداع
وياحبذا قصائده الغزليه الجميله
،،،،،،سلام
-
ابوشادي
تسلم يالغالي
وتم نقله للمكان المخصص للمنقول
لاهنت
-
الاخ ابو شادي
الله يرحم الشاعر ويغفر له وصراحه له قصائده رائعه قرأتها له هنا في المضايف
بس عندي سؤال
كيف حصلت على ديوان كامل للشاعر منصور ؟
" يعني صدر له ديوان في الاسواق " او من عند احد يقرب له اخذت الديوان ؟
ارجو الرد علي طريقة حصولك على ديوان للشاعر .
تحياتي اختك
شموخ
-
العفو
ومشكورين على المرور
وبالنسبة وشلون حصلت عليه هذي قصة طويلة
وفيها مشاكل بعد
أحاول إن شاء الله بقدر المستطاع أني أنزل قصائده بأسرع وقت
وخاصة القصائد الغزلية
