00إيداع آخر00للقاضي00؟؟

[ALIGN=CENTER][ALIGN=CENTER]هذه القصيدة من إبداعات الشاعر محمد العبدالله القاضي"رحمه الله" يقول :[/ALIGN][/ALIGN]
[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لطيف رحبٍ وتسليمٍ عدد ماهل=وبل على الخد همال ٍوهطالي
او عد ماسل من روحٍ وما سلسل=آدم وحوا من الاول الى التالي
او عد ما احرم وما بين المشاعر حل=او شد للبيت رحال ونزالي
ياحي طيفٍ عنالي بالوصال وهل=بدره عقب مااختفى ببروجه اوضىلي
بتحيةٍ من حشاء روحٍ تبي تنسل=وجسمي يسله على فرقاك سلالي
يوم انعطف لي وضم الكل بالكلكل=طحنا سكارى دهشنا بالهوى تالي
تل ودل وترياق اليا انهل عل=من ثغر خل عططوف ما صفا الالي
وعطف ولطف جرى مابيننا ماحل=مثله خذا يوسف ويعقوب كامثالي
ومزيت عشر وبلبل مهجتي وابهل=قلب جنا من جنى جناته اشكالي
بجد وقد الياماانه تمايل هل=روايح المسك هو والعنبر الغالي
علي عرفه تتلتل والمعزل زل=عنه الحداير نظيم اللولو العالي
العرف والجيد بعيون الموجل جل =صبحٍ تنفس بسوق الليل جلجالي
اليا بدا لي بطل سحري كما يبطل=موسى الى القى العصاء فالسحر ينجالي
يوم ايتلفنا بطيفٍ بالهوى معزل=واشفيت بوصال من زارن ومن جاء لي
واسقيت واحييت بستان الحشاء وابتل=غصني وعله من الكاسات سلسالي
وابرض رياض الحشاء عقب المحل وابدل=واروى فؤادي وعله عقب الانهالي
وعليت وانهل علي بكاسه السلسل=من بين اشافيه ذوب الشهد ليا سالي
لاخمر ريقه اليامن مبسمه ينتل=ولا رحيق على مشمول مشمالي
لاحص لاجوهر من عقد فاه انحل=زمرد الدر نوره يشعل اشعالي
طرب الياما سنا نور الصباح انفل=شمل كما فل شمل ايوب والمالي
اصبحت كني صريع مذهب مذهل=ان قلت ويلاه زاد الويل ولوالي
محمل غرامي طبع في غبة به زل=كسر لياحه وجاه الموج من عالي
ياشوق مثلي ومثلك مايحمل الكل=لاحمل الله من لاطاق ماشالي
لو شيلوني بحملين من الكندل=لوشلت نصفه فلا الثاني بمنشالي
اشوف بان الجفاء والود في معزل=في شارة البعد هو والصد من تالي
ياسيدي لك تكسر ذل قلبي ذل=وخضعت لك خضعة المملوك للوالي
والله والله وبحق الذي نزل=صحايف الكتب والفرقان للتالي
إن لك بقلبي محل وإن حل ماينحل=لوحل بالقاع رجاف وزلزالي
إلا ولا اذكر من الساعات وقت زل=إلا وشخصك يورا لي ويبرا لي
بالحلم والعلم وفروض الصلاة الكل=تطري طواريك ياسيدي على بالي
سميها بالمدينة لمبة تعمل=وسهيل بالليل نوره يشعل إشعالي
وكل يقلب حبيبه فوق فرش الزل=وانا اتقلب لياما يذن التالي
ياياه جريني من شمس الضحى للظل=والموت عن مقعد الحقران اشوالي
احمل الريح تسليم لكم واسأل=ياسيدي وانت ماسايلت عن حالي
جاملت بالصبر لين ان العسر ينحل=ويبدل الله من حال اليا حالي
ومني صلاة عدد ماقيل عز وجل=على نبي الهدى والصحب والآلي
[/poet]

[ALIGN=CENTER][ALIGN=CENTER]وسلامتكم يابعدي

اخوكم

راعي الوقيد[/ALIGN][/ALIGN]

صح لسان القائل ،، وسلم بنان الناقل

ياهلا بالاصيل
عساه اعجبتك
للسامري آخذين كم بيت..
والله والله وبـحـق الـــذي نزل
صحايف الكتـب والفرقـان للتـالـي
إن لك بقلبـي محـل وإن حـل ماينحـل
لو حـل بالـقـاع رجــاف وزلـزالـي
وكل يقلب حبيبـه فـوق فـرش الزل
وانـا اتقلـب ليـامـا يــذن التـالـي
ياياه جريني من شمـس الضحـى للظـل
والموت عـن مقعـد الحقـران انااشوالـي

تسلم اخي الاصيل