من القصص القديمه والمؤثره عن العقوق
حمانا الله واياكم من العقوق
[ALIGN=CENTER][/ALIGN]
[poet font="Simplified Arabic,5,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=2)"]
قال الذي يقرا بليّا مكاتيـــب = ياللي تقرون العمى من عماكــــم
ياعيال ياللي تشرفون المراقيـب = تريضوا لي واقصروا من خطاكـــم
خذوا كلام اجحيش مابه تكاذيــب= مثل السند مضمون للي وراكـم
ياعيال وان صرتوا ضيوفٍ معازيــب= ترى الكلام الزين ملحه اقراكـم
ترى البلاسة من كبار العذاريب = ترى البلاسة ماتطوّل لحاكـم
تصير بعيون الرفاقة تقل شيــب = لمنه أقبل قيل هذا بلاكم
المذهب المذهب ترى المذهب الطيــــب = ترى ردى المذهب يبوّر نساكــم
ياعيالي ماسرحتكم للمعازيــب = ياعيال ماعمر المعزّب ولاكــــــــــم
ياعيالي ماضربتكم بالمشاعيــــــــــب = ولا سمعوا الجيران لجة ابكاكــــــم
ياما تمعّرت الخلايق تقل ذيـــــــــــــب =من خوفتي يقصر عليكم عشاكـــــم
أحفيت رجليني بحامي اللواهيـــــــب = وخليت لحم الريم يخالط غداكــــــم
واليوم شوفوا لحيتي كلها شيـــــــب =وشوفوا محل اتخوضعي في ذراكم
قمت أوكا فوق عوج المصاريــــــــب = وقصرت اخطايه يوم طالت اخطاكـم
ياعيال لي والله عليكم مطاليـــــــــب = عطوني القرضة جزا ما عطاكــــــم
خوالكم ياعيال هم ماكر الطيــــــــب. = ياعيال مادري هالردى منين جاكم
ياعيال ياعيال الخنا كلكم عيـــــــــب = ياللي على الوالد كثيرٍ لغاكـــــــم
قصيتكم واسندت وادي سلاحيـــــــب = ولقيت بالصبخا مدافيق ماكــــــم
ياعيال بعتوني بصفر العراقيـــــــــب = ماهي حقيقة سود الله اقراكـــــم
أطلب عسى انساكم ماتحمل ولاتجيب = وتغيب شمس الصبح ويغتم سماكم
ولابد ماهو عاويٍ دوني الذيـــــــــب = بالقبر مفرق طيبـــــــكم من رداكم
[/poet]
نقل / اخوكم
متفاءل
