ياعيال شوفو لحيتي كلها شيب

يا عيال شوفو لحيتي كلّها شيب
يرسم جحيش السرحاني من أهالي الجوف صورة جميلة مؤثره للكبر وعلى غرار فضل الأب على الأبن وكفاحة في الحياة من أجل أبنائة وما يرجوه منهم قالها على أثر تجربة قاسية مربها مع حفيده الذي لم يعرف قدرة في يوم من الايام كان جحيش يقوده ولد ولده للصلاه في المسجد ولصغر سن الولد ما كان يعرف قدر جده فأراد أنه يدفعه في حفره بالطريق وكان جحيش يعرف هذه الحفره قبل قبل أن ينعمي وايضا كان معه عصى يهش فيها أمامه وتساعده في الطريق ..عندما أحس بالحفرة رجع وجنب عنها ، فلما صلى بالمسجد رجع إلى أولاده وقال ابيات اولها يتشرّه على اولاده اللي يرسلون معه ولد صغير ثانيها ذكر تحمل التعب اللي صار له ليعيشهم وفعلا قام ابنه الكبير بخدمته باقي حياته حتى توفاه الله .. قال ها القصيدة :
قال اذي يقرا بليا مكاتيب *** ياللي تقرّون العمى من عماكم
يا عيال شوفوا لحيتي كلها شيب *** وهذا محل قعودنا في ذراكم
قمت أتوكا فوق عدل المذاريب *** وقصرت خطانا يوم طالت خطاكم
دينتكم دين وليّه مواجيب *** عطوني السلفه جزا ما وزاكم
أحبكم وأرطب القلب تريب *** ويفز قلبي يوم يبكي حداكم
يا ما توشلعت القبايل تقل ذيب *** من خوفتي يقصر عليكم عشاكم
المذهب المذهب ترى المذهب الطيب*** ترى ردا المذهب يبوّر نساكم
وترى النمامه من كبار العذاريب *** وأكل البلاسه ما يطول لحاكم
ياعيال وأن صرتوا ضيوف ومعازيب *** ترى الجواب الزين ملحه اقراكم
صيور ما هو عاوي بيننا الذيب *** لا مت ما أفرق طيبكم من رداكم

وســـــــــلام

السلام عليكم الجميع كلن باسمه
انا عضو جديد وتشرفت بالتسجيل في منتداكم ..
الاخ العزيز فارس .. القصة قصة ثمنية و مليانة .. ولكن احببت ان أستاذنك في ادراج القصيدة كما هي موجودة عندي حيث ارسلها لي أحد الاصدقاء من مدينة الجوف .. والقصد هو طرح اكثر من روايه للقصيدة للاستفادة وربما تكون القصيدة التي طرحتها ..هي الحقيقة .. واستميحك العذر لادراجها .. وهي قصيدة جحيش بن مهاوش الهشال ....

قال الذي يقاء بليا مكاتيب
ياللي تقرون العمى من عناكم
ياعيال ياللي تشرفون المراقيب
تريضوا لي واقصروا من خطاكم
خوذوا كلام الصدق مابه تكاذيب
مثل السند مضموم للي وراكم
ياعيال لاصرتوا ضيوف أو معازيب
ترى الكلام الزين ملحة قراكم
وتروا السبابة من كبار العذاريب
وهرج البــلايس مايطول لحاكم
المذهب المذهب ترى المذهب الطيب
وترى ردا المذهب يبور نساكم
ياعيال ما سرحتكم باللواهيب
ياعيال ماعمر المعزب ولاكم
ياعيال ماضربتكم بالمشاعيب
ولا سمعوا الجيران لجة بكاكم
ياما توليت لقبايل تقل ذيب
من خوف لاينقص عليكم عشاكم
احفيت رجليني بحامي اللواهيب
وخليت لحم الريم يخالط غداكم
ياعيال دوكم لحيتي كلها شيب
هذا زمان قعودنا في ذراكم
قمت اتوكا فوق عوج المصاليب
قصرت خطايا يوم طالت خطاكم
عطوني القرضة عليكم مطاليب
عطوني القرضة جزا من ماوتاكم
لابد يوم عاوياً دوني الذيب
بالقبر ما افرق طيبكم من رداكم
مانيب فاضحكم بوسط الاجانيب
باعمالكم يدرون كل اقرباكم
لو كان تدرون الردى والمعاييب
صروتا مع المخلوق مثل خوياكم
خوالكم بالطيب تروي المغليب
ولو تتبعون الجد محدٍ شناكم
وش علمكم ياتاركين المواجيب
حسبي عليكم هالردى منين جاكم
يالله عسى اعماركم شمسها تغيب
يعتم قمركم ثم يظلم سماكم
ياعلكم في حاميات اللواهيب
ياللي على الوالد خبيث لغاكم
شفت الجفا والحيف والغلب والريب
بطلوعكم لابيض الله قراكم
اخسوا خسيتوا ياكبار العذاريب
اهبوا هبيتو يقطع الله نماكم
... وسلامتكم ..
في أمان الله ...

الاخ فارس
شكرا لك وللاخ شواح على هذا الجهد الذي يجب
علينا ان نقدم لكم من خلاله الشكر00
نعم هانك فئه كبيره من الاعضاء يشتاقون لمثل هذه القصص
وانا اول واحد فيهم ولم يوضع هذا المضيف الا لتبادل القصص
التي يستفيد منه الجميع00
وشكرا لكم مره ثانيه

ياسلام

عافاك الله ،لاتخلونناهذي ومثله


ولكم منا جزيل الشكر

فارس ..


مشاركاتك رائعه ..


إفتقدناها ... منذ أشهر ولم نراك..



أخبرنا عن حالك..


تحياتي

السلام عليكم ورحمة الله وبركاته

أخواني أخواتي في مضيف القصة والقصيدة

اسعد الله أوقاتكم بالخير والبركة .

عند المرور في بتلك المشاركة وقصه الشاعر جحيش بن مهاوش رحمة الله عليه . شاهدت خطاء في ألقصه و القصيدة وفي الرد من أحدى الأخوان والذي روى قصه مشابه وجدت خطاء في ألقصه والقصيدة وسوف أروى لكم ألقصه والتي شاعت في الكتب والاشرطه وما حدثا لهذا الشاعر . نقل من شريط شعرا من الصحراء شريط وسم الإصدار الأول والله اعلم هل هي الحقيقية أو منسوجة من الخيال وإنما الأبيات أوضحت الفرق في نسج القصة والأبيات وما فيها من وزن

أبداء على بركة الله

قال هذه قصيدته المرثية في عياله حيث أنه دعاء عليهم وستجاب الله دعوته وما جالهم عيال وقيل إنهم تزوجوا مرة ومرتين وثلاث بس كان أمر الله قد نفذ ونقطعة من ذاك الوقت وما جالهم عيال وبدأت القصة يوم ماتت أمهم وتوهم صغار وقام والدهم جحيش بتربيتهم ورعايتهم ألين ما كبروا وقوى عودهم وكان لهم مثل ألام والأب يسهر الليالي على راحتهم ورعايتهم وفي النهار يسعى على شان يجلب لهم الزاد وكان في ذاك الوقت من الصعب الحصول على الطعام ألا بشق الأنفس فكان يترك عياله عند خولهم أو الجيران وعند الأكل كان يحرم نفسه نصيبه أن كان الزاد شوي ويكتفي بشربه ماء وينام وهو جائع ومن حرصه على عياله أنه ما تزوج بعد أمهم لأنه خايف أنه تكون قاسيه عليهم وتكفل بالحنان والتربية لهم ومرت السنين والسنين وزوج العيال واحد ورأى الثاني وبعد كل إلي سواه لهم ما لقاء من عياله إلا الجحود والنقص بمعاملتهم له ولا عاد احد منهم يبي يخدمه أو يقضي له لزومه بعد ما حل عليه الشيب وكل هذا علشان زوجاتهم إلي أصبحن يتوذن من خدمته حتى كل واحد منهم صار يطرده من بيته ويصك الباب من دونه يوم شاف ها لطريقه وما جاء منهم قال ألقصيده المشهورة وبعدها راح يسكن بأحد الخربات ولا عاد يقوى على ألقومه والمشي وضعف سمعه وشوفه حتى توفاه الله . أن لله وأن إليه راجعون حسبنا الله والنعم الوكيل هذا جزاء الوالدين وهل هذا ما أمر الله ورسوله به لخدمه الوالدين ..؟

ألقصيده :-

قال الذي يقرا بليا مكاتيـــب 0000 يلي تقرون العمى من عناكم
يا عيال يالي تشرفون المراقيب 0000 تريضولي وقصروا من خطاكم
خوذوا كلام جحيش مآبه تكاذيب 0000 مثل السند مضمون للي ورآكم
يا عيال وان صرتوا ضيوف معازيب0000 ترا الكلام الزين ملحه قراكم
ترا البلاسه من كبار العذاريب 0000 ترا البلاسه ما تطول لحاكم
يصير بعيون ألرفاقه تقل شيب 0000 لامنه اقبل قيل هذا بلاكم
المذهب المذهب ترى المذهب الطيب 0000 ترى ردي المذهب يبورنساكم
ياعيال ماسرحتكم بالواهيب 0000 يا عيال ما عمر المعزب ولاكم
ياعيال ماضربتكم بالمشاعيب 0000 ولا سمعوا الجيران لجة بكاكم
ياما تمسعرت الخلايق تقل ذيب 0000 من خوفي يقصر عليكم عشاكم
أحفيت رجليني بحامي الواهيب 0000 وخليت لحم الريم يخالط غداكم
واليوم شوفوا لحيتي كلها شيب 0000 وشوفوا محل تخو ضعي في ذراكم
قمت اوكاء فوق عوجاء المصاليب 0000 وقصرت خطايا يوم طالت خطاكم
يا عيال يا عيال عليكم مطاليب 0000 عطوني ألقرضه جزاء موتاكم
خولكم يا عيال هم ماكر الطيب 0000 يا عيال مدري ها لردى منين جالكم
يا عيال يا عيال الخناء كلكم عيب 0000 يالي على الوالد كثير ألغاكم
قصيتكم وأسندت وادي سلاحيب 0000 ولقيت بالصبخه مدا فيق ماكم
يا عيال بعتوني بصفر العراقيب 0000 ماهي حقيقة سود الله أقراكم
أطلب عسا نسوانكم ما تحمل ولا تجيب 0000 تغيب شمس الصبح ويغتم سماكم
ولا بد ماهو عاوي دوني الذيب 0000 بالقبر مفرق طيبكم من رداكم


تحياتي للجميع