سمبوك

محاوره فكاهيه بين سعد وًٍََُِ ضيدان ارجو ان تنال اعجابكم.



يا راكب من عندنا فوق سمبوك

متوجه صوب المنامة بشايب

مع البحر كنك على القار فبيوك

يلحق ويفهق مسرعات الهبايب

وأن طحت في خفر السواحل وردوك

دارك على عود من الحزن ذايب

وإن باركوا لك بالسلامة وهنوك

لك في الدلالة يابن الاجواد نايب

ترى خويك كان من قبل صعلوك

ويدل حتى موحشات الخرايب

وصحيحلو تنشد هل الدار دلوك

واهل الوفا ما عابهم ربع عايب

ويا مقدرين الضيف لو ما معه " بوك "

باخلاقكم صارت ثمان العجايب

وابن ادم بالدين والعلم وسلوك

والطيب من جزل العطايا وهايب

وارجوك انا يا صاحبي وارجع ارجوك

لياك تنسى انك مودي وجايب

فالي تقهوي شايبك وانت غدوك

مقعادكم يومين ماله سبايب

رجع لنا خريج بومبي وبانكوك

وخلك على الزلة بعيد الحضايب

ضيدان
أخطوا عليك اللي بها الإسم سموك

إسمك سعد وانت السد منك غايب

والظاهران أن اهلك على العنف ربوك

وطلعت تبحث للنشب والطلايب

وظلمت حظك ، ما اشين الظلم يا بوك

وهجيت عود من هل الغي تايب

ما تدري أني صرت هادي ومبروك

وعلى تثني عمتي والنسايب

وإن شفت ديواني على طول مصكوك

أطرد ورا حظ ور** نهايب

وحتى انت تنغزنا مع الحكي بالشوك

يا هي علينا من كبار العقايب !

سعد
ما يشبع إلا في الولايم والأفراح

ذا المسلم اللي صار بطنه فضيحة

ومدري معاه الجن تاكل والاشباح

والا… شفاح أهل الكبود الصحيحة ؟

ويحضر عند الناس والقدر ما فاح

لين العشا عنه الستارة نزيحه

وما همته نسبة دسمها والاملاح

وعيى من الدكتور يقبل نصيحة

والمشكلة ما هو ب للضان ذباح

إستادكم ياللي السنتكم فصيحة

ولا دل من راية ، ولا سمع نصاح

جعله يطيح وينثبر في مطيحه

ضيدان
أبو حميد بيتعشى ويرتاح

وما كل ليل عند ربعه ذبيحة

في بيت من هو للمواجيب نطاح

محمد منصى الوجيه الفليحة

والحر .. ياتي بهمن البعد ملواح

والعود يجذبنا من البعد ريحه

ودنياك يابن حسين ما جات به راح

وعزي لكم ياهل النفوس الشحيحة

واضحك وانا فيدي **ارة ومسباح

وخل الزعل لاهل الوجيه الكبيحة

والعود يطرح له ثمانين ما طاح

ما هو ب مثلك عاجز في نطيحه

ويغشني غش البريكات مزاح

الله لا يثري ثراه ويبيحه

هنيتكم من قلب ياللي تنامون

وانا قزت من لذة النوم عيني

نتنا .. من الغالي يجينا تليفون

وحنا على حسب الطلب جاهزيني

واشوفحالي صار من دون في دون

والله ما ادري يا سعد ويش فيني

ولولا ال**اير ياسعد واشقر اللون

ومشاهد اللي مثلكم طيبيني

في مجلس ما فيه حاقد وملعون

ولا فيه نمام بقلبه دفيني

لارمي بحالي من علو البليكون

ويجيك علمي والخبر لك يبيني

سعد
أنا أشهد أن للحب تأثير الإفيون

وأنا احمد الله يوم حن سالمينى

أشوف لي ناس من الحب يبكون

الله يعافيهم ، ولا يبتليني

ويالربع شايبنا تولع ومفتون

والوجد يومي به يسار ويميني \n
والحب مالي حيلة فيه ، تدرون

وما فيه : " يمه قولة إرحميني "

يحب ذا الشايب وهو ماله سنون

واعيش وكبار العجايب تجيني

ويوم العرب بدو ، وقبل يتحضرون

كم ليلة نبح كلاب القطيني

على كلام اللي صفاته يعرفون

وعقال من شيباننا الأوليني

على كلام اللي صفاته يعرفون

وعقال من شيباننا الأوليني

لكن هداه الله وجا .. كنه متكون

وقبل امس علمي به ثقيل رزيني

واليوم جا .. بمطمة كونها كون

الحب واللي يجنن العاقلني

ضيدان
البارحة قمت اتمشى على القادر

حفيان والحفيان محد يشيله

كله سبايب صاحبي طافي النار

اللي لا واعد صاحبه ما يجي له

حلو اللسان وقلبه انجس من الفار

واروغ من اللي يسبقه راس ذيله

ولا يقدر الشايب ولا يكرم الجار

واللي يبي منه الفرج عزتى له

سعد
يالربع انا ضيدان خلاني احتار

والله مدري ، ويني باغدي له

فاحيان يبلشني مع سبق الاصرار

واحيان ياتي بالف حيلة وحيلة

و دايم معي يعمل شعابيث وشجار

ضيع دليلي ، ضيع الله دليله

وابغي شهادة من محبين الاشعار

إنها مشت به للمشاكل رجيله

وبارد .. رد يعتبره آخر انذار

وبامزح معه ذا الليل مزحة ثقيلة

وأما عبر ما يلتفت سبع الابحار

والا .. قعد من دون هاف وفنيلة

يا بو حميد النار ما تأكل النار

والرجال ودك ما يعذرب زميله

والله عليم بالخفايا والاسرار

مهما تكون كثار والا .. قليلة

ويا طول ماني حاشمك وانت هذار

واقول يا نفس اصبري وامهلي له

والناس فيهم سلمين وكفار

ولا .. انت حزبك ثالث تنتمي له ؟

ويا رجل قد دمي من الظلم فوار

وترى باحط من القصيرة .. طويلة

ولا زيد ينفعك الندم والتعذار

لا .. لاس المشخاط راس الفتيلة

ضيدان
جاك المسير ما لقى منك ترحيب

لا جبت له قهوة ولا من قدوعي

يا ليتني دورت غيرك معازيب

جيتك جويع ورحت منك بجوعي

الظاهر انك ما تعرف المواجيب

لا شك طبعك يختلف عن طبوعي

حنا لا جانا الضيف ننفض له الجيب

ونجيب له من كل شكل ونوعي

عاداتنا والر** من عالم الغيب

هذا و انا ابخل واحد من ربوعي

سعد
إقدع ، عسى يقدع على راسك الذيب

في خايع مابه من الناس دوعي

متعطل في البر قبلي تناقيب

من ليلة الجمعة ليوم الربوع

ومروك ناس غايب عنهم الطيب

وخلوك وحدك في مكان يروعي

ثم جاك ذين ذيب ما سنونه بتركيب

ذيب ولد ذيب وشرس قطوعي

سوى بك سواة على غير ترتيب

يجزع لها قلب الشجاع البتوعي

مرحوم يا عود كسار راسه الشيب

هنديته تذرف عليه الدموعي r

تواجهت أنا وابليس قبل امس بالدكان

وباشر على ببارد يوم لاقاني

وقام يتشره قال : ما شفت لي ضيدان ؟

أنا ما نسيته وش بلا العفن ينساني ؟!

ضيدان
ترى الناس قد شافوك تمشي مع ال*****

وكانه صحيح يا سعد فانت غلطاني

وانا سامع أنه طالب منك العنوان

وأنا خايف يالعفن تعطيه عنواني

وتقبلو تحيات اخوكم
علي

اليتيمي

الضاهر ان خويك قعد يقصد من ركب السمبوك الين وصل البحرين

ابو علي ...


والله الضاهر ان شكله كذا بس اضنهم ردوه خفر السواحل.



هههههههههههههه.




اخوك
علي

يتيمي
جيت اعقب على الموضوع ( وجفلت) من الدبابه انت منين جتك ماشاءالله 0000
ليت الربع كلهم يزيدون مشاركاتهم على شأن كلن يحصله دبابه
لاننا نبي نغزي موقع بالشبكه حولنا ومضايقنابس المشكله نصفهم الى الان اللي شلفا واللي قديمي واللي سيف وعساهم على القوه ياما نشوفهم مثلك كلن على دبابه00
لكن السؤال بعد الدبابه وش تحصلون عليه؟؟؟
بالنسبه لي اعرف شدو حيلكم شي اكبر من الدبابه!!
شكرا يتيمي
مشاركه اكثر من رائعه وان كنت تستطيع كتبتها بمضيف الشعر اكون لك شاكر لانها مشاركه ممتازه
وفقك الله بالمنصب الجديد ولو يحصل مثلك عشره نجي ونحب خشمك
تحياتي

الاخ العزيز ممدوح المسطح...

العفو ماسوينا شي.


الدبابه هذي اول القلايع .


الدبابه موجوده والسواق موجود بس عندنا نقص بالذخيره.




الله من صغيرا هدله شي كبير (عماير؟؟؟؟؟).


اخوك
علي

Up Up Up

[align=center]:) :) :)

تسسسسسسلم


والله تستحق التثبيت والنشر والمدح والثناء





مساجلات روعه .. بلغت القمة

طريفه وخفيفه وعفيفه .... ومحبوكه ( والرجال للحينوه بسنبوكه) :d:

يتيمي ... عز الله تستاهل الوشاح الذهبي والأماسي بعد :goooood: [/align]