النـــــــــــوايا البيض

النـــــــــوايــــا ...... البيض


كتبت الشعر من شانك قبل مايسمعه جمهور

احس الشــــعر رجــــــــالٍ عزيز وصاح ينخاني

تقهويت القوافي وابشري منها قدعت بحــــور

وقولي للصبايا كاتبٍ شــــــعره علـــــى شاني

انا راعي النـــــوايا البيض ماخنتك وانــــا مجبور

ورب الكـــون ما اخونـــك الين انشـــال باكفاني

دخــيل الحب الاول والدلـــع والطيش يا المغرور

تعـــال وغـــرد بصوتك ابيك تغـــيض عـــــدواني

تخيـــل كيف طفلٍ ماتت امـــه خاطره مـــكسور

هـــذاك الحال بعــدك يابعـد عـــيني وخــــلاني

سقا الله بيتك اللي عقب مارحتي غدى مهجور

على ســـوره كتبت اسمي وتوقــيعي وعنواني

صحيح اللي سمـــعته او دعـــاية حاسدٍ مقهور

يقـــولون الليالي ظمـــتك مـــع عاشــقٍ ثــاني

اذا معجبك غــيري رح ترى من خاطــري معذور

وابعطيك الوعد اسمك حرام ان جا على لساني

مدام اني خسرتك مااخـــسر الجنه وبنت الحور

ابطلبه العـوض والناس تعــــرف منــهو الجــاني

ثمان سنين راحت وانت تحسبها ثمـــان شهور

دقايـــقها خناجر والثـــواني كـــنها دوي بركـاني

الاوش فــائدة حبٍ غدى بين العـــرب مشهــور

بكـــى عنتر وقيس مغربله مدعــــوج الاعياني

حلمت الــــبارحه انك على رمـــش العيون تدور

صحيت اسال عيـــوني قالــت المضنون ماجاني

رجعت احلم عساك بحلمي الليله تجي مسحور

اقيدك بغلاي اللي عطيته ياحبيبي من تحـداني

بنيت القـــصر في جوفي وطـــوقته بعالي سور

وش الصين وهــذاك الســور اعظم منـــه بنياني

سالتـــك بالذي نزل تـــبارك والمســـد والطــور

مـــن اللي غــرك وخلاك يااجـــمل حب تنســاني


00000000 ( النهايه)




حبيبك لاذليل ولابخيل وبالرجـــوله مالحقــه قصور

ابــــوي الله يعـــزه عن طمـــان الـــراس وصـــاني

ابنــــهي قصةٍ طالــــت ابيــــها تنـــكشـــف للــنور

تعــــبت من السكوت ومـــلت العـــالم من احــزاني