يالصغير ما يكبرني لقب 0000ومايصغرني اليا انكرني صغير

[ALIGN=CENTER]السلام عليكم ورحمة الله وبركاته[/ALIGN]


وهذي قصيدة الراحل الكبير الامير : طلال الرشيد



والتي ابدع بهااا وهذا يبين لناااا تواضعة معااا الناس


قال بهااا

[ALIGN=CENTER]يالصغير ما يكبرني لقب 0000ومايصغرني اليا انكرني صغير
ما خذينا الصيت من جمع الذهب 000ولا نسابة شيخ أو قربة أمير
كاسبينه من هل السيف الحدب 000الجنايز كان ما جاك النذير
صيتهم نجم على راسه لهب 000سمعوا الصقهان به واجهر ضرير
بالوفا تاريخ ابيض ينحسب 000لا حكوا بالحق حيين الضمير
ضيغمي ٍ للسناعيس انتسب 000لابت ٍ طلنا بها عرش ٍكبير
عند حدك يا كثير الهرج تب 000ولا تمر النار وثوبك من حرير
كان لك عز ٍ بذلي فتعقب 000والله إلا تبطي وحبلك قصير
احسب انك من صناديد العرب 000واثري ساترتك عباتك يا غرير
ما حسب لسّوس زراع القصب 000والقراده مادرا عنها البعير
لو حسبنا للحسايف والتعب 000مابذرنا يالعصافير الشعير
عن هلك وبراي لله احتسب 000الرجال اللي مجاراهم عسير
من قريش المصطفى وابو لهب 000والدغالب ما غشت عذب الغدير
للرجال من الرجاجيل العتب 000والزكاة اتحل في حال الفقير
لعن ابو وقتٍ غدينا به حطب 000تحرقه نارٍ.... يثورها أجير
ما ألومك الزمن سوا العجب 000هو بقى غير الكرامه بالجفير
ما أذل والراس يشم اللهب 000لو بقى من شمر ٍ طفل ٍ غرير
ما أهاب ولا يزلزلني غضب 000الشجاعة ورث والعاقل غزير
يا صغيّر ما يكبر باللقب 000غير منهو كان للدونه صغير
للشاعر.. الأمير .. طلال الرشيد000[/ALIGN]