فزعتكم تكفون يالنشامى

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=3 line=200% align=center use=ex length=0 char="" num="0,black" filter=""]

الاخوة الاعزاء السلام عليكم ورحمة الله وبركاته وكل عام وانتم بخير
عندي مشكله وابحث لها عن حل الا وهي اني ابحث عن قصيدتين مهمات عندي وارجواني القاهن الاوله قصيدة الشاعر العوني اللي منها هذا البيت

ينخنك بنات السناعيس +++++ جاهن من الاجناب لفح السمومي

اما الثانيه فهي قصيدة الشاعر خضير الصعيليك اللي يمدح فيها الشيخ الجربا
وماعندي منها الا نصف بيت وهو
يالليث ياللايوث يالسبع يالزير ..................؟

فارجوا من اي احد يعرف اي من هذه القصائد ارسالها لي او وضعها على هذه الصفحه شكر لكم تعاونكم ودمتم بخير
اخوكم
الجففففففففففففالي

aljaffaly@hotmail.com

والسلام عليكم ورحمة الله وبركاته
[/poet]

الجفالي

هذي قصيدة خضير الصعيليك في الامير عبدالكريم الجربا

يا شيخ أنا جيتك على الفطّـر الشيب ***** قـزان من دار المحبين دباب

دبــا عليّ ودب مـني بتـقـريــب ***** قل المـواشي يا ذرا كل من هاب

من دارنا جينا لدارك مغاريب ***** يموم نجم لا تغير ولا غاب

متخيرك يا منقع الجود والطيب ***** لا خيب الله للاجاويد طلاّب

سلام من قلب محب بلا ريب ****** له يستتاب الشاب ويشب من شاب

يا لجوهر الناريز يا لعطر يا لطيب ****** يا لصعل يا لصهال يا حصان الا طلاب

يا لزير يا لزحار يا لنمر يا لذيب ****** يا لليث يا للايوث يا لشبل يا لداب

يا الضاري الضرغام عطب المضاريب ****** يا لفرز يا مفراض ضده والاجناب

يا النادر الهليع عقاب المراقيب ****** يا نافل جيـله بعيدين واقراب

نطاح طابور العساكر الى هيب ****** ستر العذاري لى غشى الزمل ضبضاب

عيبك الى من قالوا الناس بك عيب :****** بالسيف لارقاب المناعير قصاب

وعيبك الى من قالوا الناس بك عيب :***** للسمن فوق مفطح الحيل صباب

وذبح الغنم والكوم حرش العراقيب ****** وعطا المهار وبذل مال بلا حساب

وبك شارةِ كبّ الفراد المحانيب ****** وبذل الطعام وللتنافيل كسّـاب

نمراَ تجرده للعدا والأجانيب ****** تفجا بها غرات ضدك بالاسباب

ومن عقب ذا بالعون ما بك عذاريب **** أحلى من السكر على كبد شرّاب

جيناك فوق الهجن شيب المحاقيب ***** لمشاهدك يا شوق وضّاح الانياب

الحرّ يضرب بالكهوف المعاطيب ****** والتبع قنّاصه من الصيد ما جاب

وانت الذي تافي بكل الواجيب ****** كنك " هديب الشلم " بالحمل عتـّاب

تثني لابو صلفيق ما به تكاذيب ****** شيخ الصخا معطى طويلات الارقاب

يا ما عطيت اللي يجونك طلاليب ***** كم واحدِ جا لك من الوقت منصاب

وفرجت همه في كبار المواهيب ****** من عليم يزمي كما يزمي " الزاب "

عزّ الله انك طيب وتفعل الطيب ***** والطيب يجني منك يا زاكي الانساب

ولاهو كثير يا مهدي الاصعيب ***** أفعـالـــكم يعـده اللـي بالاصــــلاب

مالك لوا يالغازي
هذي القصيدة قيلت في الشيخ فارس بن صفوق الجربا ( راع البل)
و اما ابياتها فانا ما احفظها يمكن اللي ذكرت انت الله يسلمك ويستر عليك
والقايل خضير الصعيليك الاسلمي من الجماعة
والسلام ختام

الاخ العزيز المستشار

لقد دار نقاش حول هذه القصيده في مضيف قصه وقصيده وثبت ان خضير الصعيليك ماعاصر صفوق اللي هو والد عبدالكريم.

لذلك تبين ان خضير قالها في احد مجالس عبدالكريم.

الاخوان الاعزاء الله يبيض وجيهكم قولوا آمين وجزاكم الله خير انا المهم عندي القصيده لان احد الشعراء قصدها عند واحد من الامراء وينسبها لنفسه

يعطيكم العافيه على التفاعل يالمستشار وانت يالغازي ومشكورين

اخوكم الجففففففففالي