قصيده للشاعر ذيب العمودي (الشعر الصحيح)

انا من مثل الشعر الصحيح وحارب التمثيل
ولا ردد نشيد يمدحه ويعيب اســـــــــلافه
تتبعت الجمال المختنق في زحمة التجميــل
رفعت الظلم من ذاتي عليه وقمت بانصافه
درست الكون في عين بصرها محكم التنزيل
وفي نفس شجاعـــه من عذاب الله خوافه
قطعت الالف ميل من الوفا بحساب واحدميل
على باقي شراع كسر الحرمان مجـــدافه
خذت مني محبين الوفا كيفية الترتيــــــــــل
هذا علم نافع ما يبور بكف صـــــــــــــرافه
يكفيني وافاضل واتميز وهذي التفضيــــــل
الا غيري يقوي موقفه ويعز ميــــــــــقافه
ازيد الكيل للنخوه واموت ولا نقصت الكـــيل
ولو جاني من الاحباط تيارات جرافـــــــــــه
انا عمودي تابع مسيرة فايز بن هــــــــذيل
زهد نخوه على شداد الفخر والدرع بكتافه
عزومي ما يهبطها رصاص الكذب والتضليل
ولا يهزمني الحاسد بعون الله واحــــــلافه
انا يهزمني المعروف بالموجز وبالتفصيــــل
كما يهزمني الحب الحقيقي يلعن اسقافه

منقول عن الشاعر (ذيب العمـــــــــــودي)