قاتل امـّــــــــه!!

[poet font="Simplified Arabic,4,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
كل ما فاضـت عيونـي نجـر ابـن حربـان دنـا = في ضلوعي يسمـع اللـي مـن ورا بغـداد دنـه

يوم ابن مدعـث لنـا سـنّ الوجـود الحـقّ سنـا = وا فوادي كـنّ دود الارض يرعـى فـي مسنـه
وا فوادي لـو تضنّـى يابـن مدعـث مـا تضنـا = كنّّـه المجـدور عقـب الجـور مرمـيٍٍّ بعـنّـه
اشعـل التنبـاك مـن خلقتـه مـا شبّـه و كـنـا = مير كنّّـه مـن عجـاج فـاح مـن صـدره يكنـه
وا وجودي وجـد منهـو عـضّ بابهامـه وحنـا = واحـدٍٍ شـاف الثـلاث البيـض سـودٍ مستجنـه
شـاف قـدّام الخيـام خشيـف ريــمٍ مرجهـنّـا = وثوّر البنـدق يبـي صيـده وراغ الخشـف عنـه
اطلق اربع عقبها اربـع ثـم سمـع صـوتٍ يونـا = واثرها امّه صابهـا طلقـه و طـار العقـل منـه
واتهمـوه بذبحـة امّـه ليـلـة العـيـد وتجـنـا = اتهمتـه النـاس و صـدوف المقـاديـر تهمـنـه
قالوا اخوانـه تـرى منّـا بمنـك ولا انـت منـا = يفـرق الله بيننـا و بينـك عسـى مالـك مظـنّـه
لك ثلاث ايام مـن ذلحيـن و ارحـل مـن وطنـا =عقبها تخطـر علـى راسـك مضاريـب الاسنّـه
ودّع مريتـه وتـوْ بنتـه صغيـره مــا تحـنـا = توّها ام اربـع شهـور و فـي لحَمهـا زود لنـه
ركْـب غوجـه و انقلـب قبلـه بليـلٍ مـا تونّـا = والحمايـا مـن خلافـه ارخـوا حْبـال الاعـنّـه
المطـايـا و السبـايـا مــن خـلافـه عمـدنـا = والمنـايـا سـجّـدٍ قــدّام عيـنـه يحـتـرنّـه
كل مـا عنّـز علـى قـومٍ وطـنّ الـراس طنّـا = قالـوا اذلـف ذابـح امّـه لعنبونـا لـو نحـنـه
ذابـح امّـه لـو زبنّـا عـدّه انّـه مــا زبـنـا = لعنبـوك بْيـوت قـومٍ ذابــح امّــه زبنـنّـه
الجمالـة مـا تجمّـل فـي ولـد حــرٍّ تـدنـى = ميـر دوّرغيرنـا وانـحـش بقلـبـك لا نـدنـه
وانقلـب مـن عندهـم كنّـه علـى محمـاس بنّـا = يمّة اهـل الغـوص عجـلات الركايـب وجهنـه
ركْـب بابـور البحـر و دمـوع عينـه يذرفـنّـا = فــوق خــدّه كنّـهـنّ اذواد بــدوٍ مرثعـنـه
يـوم حـلّ الليـل اشرعـة السفيـنـه دودلـنـا = و الهبايـب مـا يخلّـنْ محـبـلٍ مــا دودلـنّـه
قـام ربّـان السفينـه قـال يـا نــاس امتحـنـا = قوموا ادعـوا ربّكـم عـلاّم مـا وسـط الاجنّـه
قـال شيـخٍ منهـم الا عنـدي الــراي المطـنّـا = ضحّـوا بواحـد عسـى الله ينقـذ ايديـنٍ رجنّـه
و طاحت القرعه على اللي ذابـح امّـه مـا تتنّـى = ثم رمـوا بـه فـي ظلمـات البحـور المستكنّـه
و ادبحوا عنّـه وهـو فـي غبّـة المـوج يتثنّـى = ثم عرض له من وحوش القرش جرجورٍ و صنّـه
عضّ جرجور البحر ساقـه و صايـح و استجنّـا = ابـك لـولا الله كـلاه القـرش مـا يسلـم مطنّـه
وفي ديـارٍ مـن بـلاد الهنـد بيـن انـسٍ وجنـا = من فضل ربي عليـه اطـراف الامـواج احذفنّـه
ومثل ما قبـل امـس متهـومٍ بذبـح امّـه معنّـى = اتهمـوه بـذبـح سلـطـان الـبـلاد المطمئـنّـه
و في السجون المظلمه خمسة عشـر عـامٍ قضنّـا = مع ثـلاث مـا قضـنّ الا عقـب حالـه قضنّـه
لا سمـع ورقـاً تغنّـي جـرّ مسحوبـه و غنّـى = وكلّ مغنـىً يزعجـه غصـبٍ يجـي تاليـه ونّـه
ولا طرتـه بْيـوت قـومٍ فـي الخلايـا يرفعـنّـا = دار دولاب الدبـا الـدالـوب دولابــه و زنّــه
وكل ما برقٍ سرى شـرقٍ صـدوق الغيـث شنّـا = كـن قلبـه فـوق سبـق طيـور بـرٍّ شطـرنّـه
عقـب مـدّه جـاه مــن داره نـذيـرٍ مرثعـنّـا = قـال انـا جيتـك بعـلـمٍ والله انّــه والله انّــه
حرمتك ماتـت لهـا عشـر سنـواتٍ قـد مضنـا = و البنيّـه معمـسٍ تقـرع عليـك قـراع شـنـه
عمّها عـزّر بهـا فـي وسـط بيتـه مـا تهنّـى = خادمـة نسوانـه الثنتـيـن و الـلـي ضيفـنّـه
ثـم زوّجهـا لبـو سبعيـن عـامٍ مـا انقصـنّـا = شايـبٍ يطـرب خفوقـه لا سمـع للقـرش رنّـه
يوم سمْع هْروجهـم فاضـت عيونـه و ازحرنّـا = وسط سجنه كنّّـه اللـي ساكـنٍ لـه فـي مجنّـه
قال يا ربعي افزعـوا لـي مـن سجـونٍ غيضنّـا = و قبـر قلبـي الدمـدم آغـادي يديكـم يظهـرنّـه
قالـوا انّـا وش لنـا انّـا والله انّـا مـا شحـنّـا = غير بنتـك والاّ مثلـك مـا قربـه بقـرب جنّـه
وانتحـوا وعيـون قايـدهـم جـنـوبٍ خايلـنّـا = وهـو ورا سجنـه عيونـه كـلّ نجـمٍ يخايلـنّـه
وعقب عامٍ من مجيْ ربعـه و سـنٍّ عـضّ سنّـا =اعفـوا الكفّـار عنّـه مـن عقـب سـودٍ دهنّـه
يـوم فكّـوا قيـد رجلـه وانطلـق خاطـرْه منّـا = و انفلـت يبغـى ديـارٍ مـن ورا نجـد اشحننّـه
حـثّ ساقـه مـا يشـوف الا بنيتـه يـوم قـنّـا = من عقب عشرين عـامٍ فـي وطـن قـومٍ مصنّـه
ومن ردى حظه نهـار اغضـنْ عيونـه و رقدنّـا = فزّ من نومـه عقـب عضّـه حنـش دابٍ بسنّـه
ومن اثر سـم الحنـش يونـس ضلوعـه يطبخنّـا = و طـاح عـزّي لواحـدٍ سـود الافاعـي طيحنّـه
يـوم هـو فكّـر والـى فوقـه نجـومٍ يبرقـنّـا = وشـاف بكيـة بنتـه اللـي جـا يبيهـا بينهـنّـه
قال يا نجوم السما تكفيـن روحـي صـوب اهلنـا = علّمي بنتي عـن اللـي صـاب ابوهـا واستسنّـه
اشهـد انّـا مـا بحلنـا فـي الليالـي اشهـد انّـا = مير حظي خانني ثـمْ مـات مـا بـه مـن يقنّـه
ذاك وجده وجـد حالـي فـي وطنّـا مـن عطنّـا = مـن هنـوفٍ خدرهـا بيـض الهنـادي يحتمـنّـه

[/poet][ALIGN=CENTER] بسم الله الرحمن الرحيم[/ALIGN]

لاخوه الكرام

السلام عليكم ورحمة الله وبركاته
بعد غياب طويل اعود اليكم و اضع بين يديكم هذه القصيدة الرائعه
واللتي اتمنى ان تنال اعجابكم ورضاكم

الرهيب 2002


صح لسان الشاعر

وتسلم على نقلك الرائع

وحمدا لله على سلامتك