من وارد الالفين

[poet font="Simplified Arabic,4,black,normal,normal" bkcolor="skyblue" bkimage="backgrounds/11.gif" border="none,1,deeppink" type=1 line=350% align=right use=sp length=0 char="" num="0,skyblue" filter=""]
ابيا مرسله من عوا بن شريده الخليل الىابوفهد

ياراكب اللي مامشى الخط مره
ولابيعه راعيه عند المزادي
ولاوقفه عند الشرسطي يفره
ويضرب على الكبوت بسعره ينادي
جمس جديدومن نظر فيه سره
من وارد الالفين لونه رمادي
يلفي لأبوفهد يجيه بمقرة
وصل جوابي له وعطه المرادي
قله ترانا ماقدرنا نمره
نعطي الجواب مناوله بالايادي
ولياسأل عن حالتي مستقرة
والحمد للمولى على كل بادي
ولرايكم ابي انتظر واتحره
ابي استمع تلميذوانته استاذي
يابوفهد عيني من النوم فره
عيت تهنى في لذيذ الرقادي
حاولت ثم حاولت لاشك مره
كنه يحده عن حلاالنوم حادي
اعد ان نجوم السماءوالمجره
يما شعاع الصبح يجلاالسوادي
اشكي الزمان الله يكافيك شره
اشوف هرج الناس من غيرقادي
احدا يقول الصدق واحدا يمر
واحدا يحط الكذب له استنادي
واحدا يحب الخيرو احد المضره
لاشك قول الزور يغلب وكادي
ماعندهم من الراي مثقال ذره
وسب البشر من بينهم صار عادي
ياجيتهم بالمدح خلوك مره
مالك مثيل في جميع العبادي
وان رحت عنهم قالو الله يغره
مغرور لايفهم ولامن وكادي



[/poet]


[poet font="Simplified Arabic,4,black,normal,normal" bkcolor="royalblue" bkimage="backgrounds/11.gif" border="none,1,deeppink" type=0 line=200% align=center use=ex length=0 char="" num="0,black" filter=""]
هذه الابيات ردا على عواد بن شريده ال خليل

الف هلا باخط مليون مره
خط لفاني فوق جمس رمادي
يامرحبا مصدارها من مقره
من وسط قلبا مابوسطه سوادي
ترحيبة فيها الفرح والمسره
وممزوجة مابين(عنبر و كادي)
ومن بعدها ادن القلم لي وجره
على الورق بأبيات شعرا جدادي
ردا على اللي للجواب يتحره
اللي عيونه ماتذوق الرقادي
بسبب زمان الله يكافيه شره
يقول هرج الناس ماهو بقادي
دنياك هذي يابونايف مغره
كم واحدا يركض عن الدرب غادي
يذبح ويصلخ ويدعي ويتشره
ومايدرى انه مثل جار المهادي
وفيها بعض ناس تدور المضر
على بعض ناس يبون السدادي
وناس بها نقل النميمه يسره
هرج القفا كنه شراب وزادي
وان سمع مدح الغير كنه يضره
ويقول هذا الهرج ماهو وكادي
والحكي واجد والسوالف معره
سوالف ماتقصر طوال الايادي
ودنياك لوانك تدور وتفره
تلقا بهال دنيابياض وسوادي
وابن سبيل حط للسيل جره
يقول(ماوادي يفيض بوادي)
ووادي النمل ياخال بالك تمره
جنب ربيع نازل بهجرادي
وخلك مع اللي بالعوا لي مقره
اللي ينومس في نهار الهدادي
والسر والكتمان جود مصره
واحرص على قول العلوم الوكادي
[/poet]

صح لسانك اخوي ابو فهد على القصيده الحلوه الطيبه وصح لسان عواد بن شريده الخليل

وهلله هلله بالباقيات

ثامر

[ALIGN=CENTER]صح لسانك ولسان الشاعر عواد ال خليل

قصايد جزله ومليئه بالحكمه

تحياتي يا ابو فهد[/ALIGN]

ثــامـر, الاصمعي شكرا لكم واتمنى ان اوفق لما يرضي الجميع وتحياتي

ابو فهد



صوت وصدى في منتهى الجزاله



صح لسانك ولسانه

[ALIGN=CENTER]ياهلا بالاثنين






وصح لسان الجميع




وقصائد كجمال قلوب اصحابها



تحياتي للجميع [/ALIGN]

شكرا لكم اخوين عزيزين اخوكم جديد ومنكم يستفيد.

ويازين الاستقبال يفضي البال والف ياهلا بكم وغلا

ابــوفــهـــد