أنـا علـى المقنـاص قلبـي يهفـي

أنـا علـى المقنـاص قلبـي يهفـي
فترة ونرجـع يـم أهلنـا مناكيـف
بديـار لفـروق الحبـاري اتلـفـي
جنوب من حزم الجلاميـد وطريـف
الطير هـو غايـة غرامـي وشفـي
اقـدره تقديـر الاجـواد للضـيـف
من كبر قـدره شايلـه فـوق كفـي
وارعاه تسع شهور بالبيض والصيف
وادهلـه لا شفـت ريشـه مصفـي
على الدعو اخفـف النسـر تخفيـف
نقلـه يشرفنـي وشـوفـه يكـفـي
عن شوف ناس ما تعرف المعاريف
لا شفـت لـي نـو بروقـه ترفـي
نويـت اجهـز موتـري للتكاليـف
القيـض كلـه جـالـس ومتعـفـي
برد المكيـف نشـف الـدم تنشيـف
متـى سمـوم القيـض عنـا تقفـي
وسهيل قبل يعمد الفجـر قـد شيـف
والنـار يصلـح شبـهـا للتـدفـي
والبرد نوجس من نسيمـه هفاهيـف
قمنـا لعزبتنـا نشـيـل ونضـفـي
ونكمل الناقـص ونمـلأ المطاريـف
اللـي نشيـل مـن اللـوازم مكفـي
مكتفيـن العفـش بالحبـل تكتيـف
يمكـن إلـى جينـا البقالـة نوفـي
حاجات نشريها كمالـة مصاريـف
والصبح مـن حـزم ابرقيـه مقفـي
صوب المعظم والهضـاب المقايـف
بديار جعـل اشجارهـا مـا تجفـي
تعلهـا غـر المـزون المـراديـف
في رفقة اللـي نارهـم مـا تطفـي
على الشرف والجود ربع مواريـف
مجلاس طلقيـن الشـوارب بصفـي
على الدلال اللي بهن صافن الكيـف
خويهـم موجـس كــلام يحـفـي
غير المـزوح الطيبـة والسواليـف
عقـال وزن اعقولهـم مـا يخفـي
وما هم على الفاضي اخفاف وملاقيف[/B][/SIZE][/FONT]

ssss_ksa

تسـلم يمينك على النقل الرائع

صح لســان شاعرها

وكم كانت اجمـل لو ذكرت اسم الشاعر

[ALIGN=CENTER][/ALIGN]

الاخوان الغازي والذيب

شكرا لكم جميعا اسعدني جدا مروركم ومشاركتكم

اما قائلها لااعرفه نقلتها كما وردتني فاعذروني.

تحياتي:

صح لسانك و لسان الشاعر ..

رائعه :)


تحياتي


سالم الشمري :)

هلا فيك اخوي

القصيده ازدادت روعه بقراءتك لها.

الف شكر:D