الزمن الصعب

هذه القصيدة قلتها عندما كنا في احد المجلس الشعريه وجابوا طاري الامير الشاعر طلال الرشيد وقال احد الحضور كلام لا يليق بمقام الامير واسكته في الحال وبعد يوم اعطيته هذه القصيدة وقلت هذه تحذير وان عدتها سوف ياصلك قصيدة اخرى بالاسم وانا يوم اني ما ذكرت اسمه بهذه القصيدة لكونه شمري والمجلس مختلط وقد وعدني بانه لن يذكر الامير الا بالخير مستقبلا وارجوا ان تنال رضاكم جميعا وتقبلوا تحيات ابو جمال .

دلعــون لا تبتـعـد عـن جـوْ دلعـونــه ...خلَّـك مثـل همــي اللـــي مـا يبـارحنــي

إيه الجبل صعب صــدِّق مـا تشـيلونــه ...وإيه الزمن صعب لكن جـار.. سـامحني

وإيه السـما مـرتفع والغيــم مــن دونــه...وإيه الفضا واســعه وإيه أنت جارحنـي

فـي كلمةٍ قلتــها مـا هـي بمــوزونـــه ...ما أبغى صراحتـك تكفـى لا تصارحنـي

صـــدِّق تقـولـه وربعـك مـا يقـولـونــه ...لأنـهم نـاصــحيـن ولا أنــت ناصـحنــي

هــذا طـلال الـرشــيد اللـي تعـرفونــه... لا مـن مدحتـه كآنـك صــرت مـادحنــي

أرسى من جبـال حــايـل ما تهمـونـه ...واٍسطىمن السيف بالموت الحمر محني

وأكـرم من الغيـث يامن هلت مـزونــه ...وأشجع من الليث وإن كذبت صـافحنـي

عزمه وجزمه ولون الطيب من لـونــ...ه إسمه ووزنــه ثقيــل إرتــح وريحنــي

وأصدق من الموت ملـزومٍ تلاقـونــــه ف...ي وقت طحنون والاَّ في زمن طحنــي

طعنـي تياســـر تيــامـن رد مـن دونــه ...ما أبي كلامك وشـرحك لا تشـارحنــي

فصَّل زبونك لجسمك وإقْصـر ردونــه ...ما أبي صـباحك لحتى إنـك تصـابحنـي

كلَّـك علــى بعض مـا تســوى تلفـونــه...الله يصــلحــك روح.. ولا تصــالحنــي

آخــر لقـا يـا أصــدقا والــدار مـامونـه ...من دون شحنه ولا شــاحن ولا شـحني

تحذير رسـمي طـريقــي لا تمـرونــه ...إليـا إبتــدا الجــد مـن فيــكم ينـاطحنــي

واللـي بـراسه هوى يمشي على هونه...تـرى الهواجيـس حـولـي مـا تبارحنـي

[ALIGN=CENTER]
كلَّـك علــى بعض مـا تســوى تلفـونــه
.......... الله يصــلحــك روح.. ولا تصــالحنــي

كلَّـك علــى بعض مـا تســوى تلفـونــه
.......... الله يصــلحــك روح.. ولا تصــالحنــي


الله الله عليك يابو جمال....


رد كافي من شاعر وافي....


ماقصرت صدقني....


وفيييييت وكفيييييييت...



صح الله لسانك
ولاهنت..


اخوك
ضحوي الاسلمي[/ALIGN]

[ALIGN=CENTER]ابوجمــال المنيـس

صح لسانك وبقيت ذخر يالغالي

قصيــده روعه

ننتظر جديدك يالعزوه[/ALIGN]

الف شكر يابو عذاري
عزيزي ضحوي الاسلمي صح بدنك ولا عليك زود وشكرا لمرورك الكريم وتقبل تحياتي

الاخ العزيز الغازي الف شكر
عزيزي عبدالله الجعيثن صح بدنك والشي المبروك اللي يرتقي الي ذوقكم والجديد ان شالله قريب ولكن بعض المواضيع يبي ارفاق صور والولد مسافر وهو اللي يعرف ينزل الصور وتقبل تحياتي

جمال المنيس

صح لسانك

جزله من شاعر جزل

سجل أعجابي بمفرداتها

شكراً لمرور يا سنجار
عزيزي سنجار صح بدنك والقصيدة المبروكه التي تنمال إعجابك انت والطيبين اللي مثلك وشرواك وتقبل تحياتي .

[align=center]ابوجمـــــــــال


عذابه بلاحدووووووود



يسعدني القراءه لك



صح لساااااانك الف



ولك اعطر تحيــــه [/align]

عزيزي فلاح السعد

الف شكر على هذا المرور العذب

وشهادة من شخص مثلك صك نجاح لاي شاعر

التمس منك العذر للتاخير وذلك نظرا لانقطاعي عن المنتدى

واتوسم فيك قبول اعتذاري .

تقبل تحيتي وشكري وتقديري اخوووك ابو جمال المنيس

الله يرحم الأمير طلال الرشيد

صح لسانك يا أبو جمال

وبيض الله وجهك

تقديري لك