عيال آخر زمن

لايهمكم عنوان الموضوع لأني كنت أبي أشارك بموضوعين حداهن اللي هو عيال آخرزمن وكان الموضوع عبارة عن صوره
ويوم حكرته عيت تطلع الصورة كالعادة قلت مالي ألاالموضوع الثاني
(عادتكفا فزعتك يايتيمي كانك تقدر تغير الموضوع لـ مواقف طريفه)اليوم يومك يالسنعوسي
ـــــــــــــــــــــــــــــــــــــــ
الموضوع2(مواقف طريفه)

وهاذه بعض المواقف الطريفه اللي جازت لي بأحد المنتديات
وياليت لو يصير ردك به موقف طريف لك


مشاركة \n
هذا مره بجامعة الملك سعود, أبواب الجامعه الخارجيه للكليات زجاج , المهم في ذلك اليوم الاغبر,,كان عندي محاضرات من الصبح الى الساعه 2 الظهر,,طلعت من المحاضره الساعه 2 دايخ وماشوف شي اتجهت للباب الخارجي ,,,ماشي طبيعي وما دريت الا ذاك الصوت طعععععع ,الا يوم صدمت الباب الخارجي الزجاج بوجهي,,شلون مادري والله نسيته,,طاح العقال والكتب واحتست والخشم راح فيها,,التفت الا السكيورتيه ميتين من الضـحك,,,جمعت اغراضي وغادرت الموقع فوراً





مشاركة

السلام عليكم ...لي موقف مبكي ومضحك في نفس لوقت..الزمان عيدالاضحى المكان الراشد مول في الخبر...كنت اتسوق انا والوالده..وكان المكان مزحوم بشكل مش طبيعي اختكم كاشخه بنفسها وماشيه يارض انهدي محدش قدي المهم كنا في الطابق الثالث..امي اقترحت ان ننزل بالمصعد لكني صممت النزوول بالسلم الكهربائي وما ان حطيت رجلي على بداية السلم الا ياعروبه عينك ماتشوف الا النورززاتقلبت من اوله الي اخره...طبعا العبايه في جهه والغطابجهه والشنطه اعطاني اياها واحد جزاه الله خير مادري وين لقاها امي سوت نفسها ماتعرفني واتبرت مني..المهم وسط ذهول المتفرجين جاتني نوبة ضحك هستيريه..اظاهر من الفشله..بدل من البكاء...من جد الله لايحط اي احد في هذا الموقف...ولكم تحياتي





مشاركة

يوم زواجي ... (يازينه من ذكرى) كان معي كرسيدا جي ال اكس 86 .. قال الخال (اخو الوالدة.. ذاك توه مابعد صار خال) ابعطيك سيارة مرسيدس من حقات المعرض تكشخ به كم يوم .. قلت زين، المهم اتفقنا انه يوقف الشبح عند بيت أهل المره، يوم جينا نطلع.. ركبنا .. دورت اللي يفتح الحبات .. مالقيته.. فتحته بيدي، يوم ركبنا .. شغلت السيارة (اشوى.. الحمدلله) .. بس بحلت أدور أزرار الأنوار.. ومرة تشتغل المساحات . ومرة حبات البيبان (لقيتهن..) ومرة .. وبعد مشقة لقيته، المهم .. جينا للمشي .. كان قدم السيارة صندوق زبالة بلاستك كبير .. يعني مالها إلا وراء... يالله عاد وين الريوس؟؟ ومحاولة .. وثانية وعاشرة … ومافيه فايده… حتى توكلت على الله وصدمت صندوق الزبالة ومشيت قدام … ويسره ربك…. المهم إن المره دريت إن السيارة مهب لي .. بدليل عدم معرفتي كيف تعمل، وكنت محرج بلحيل خاصة اني استحي قوة… بس ربك هونها علي يوم اني دريت عقب ثلاثة أيام ان فستان العرس كانت متسلفته من بنت خالته … وقالت خل نرجعه، قلت الحمدلله مافي حدا أحسن منحدا ..





مشاركة

طيب انا بقول موقف عادي يصير لي دايم لاني صراحه قرويه ومشفوحه مره رايحين لشقق مفروشه انا والاهل وامير ندخل العصنصير من هالباب واجي اقابل الباب واتكي على الجدار المقابل للباب ويوقف اللفت " وراني كل شوي لي اشم " المهم يوم وقف الاليفاتور" كشخه؟؟" قمنا نستنى نستنى مارضى يفتح الباب ونقعد نحوس انا اوخوي بالباب نبي نفكه غصب …...... اخر شي يوم جيت اتكي على الجدار الي وراي صار الباب يفتح من جهه ويطلع للدور الثاني ويفتح من الجهه المقابله والله انواع الفشايل الناس يتفجون علينا وحنا معطينهم ضهرنا ونشتغل بالجدار ذاك احد فهم شي؟؟





مشاركة

تخيل يخوي، أنك في يوم من الأيام لابس (وكاشخ) (والشماغ محقون نشا ) ثم تكتشف وأنت في السيارة أنك لبست الشماغ على فنيلة وسروال سنة( يعني نسيت تلبس الثوب) هذا ما حصل لأخي،ولن أقول لك ماذا فعل عندما أدرك مصيبته




مشاركة

تذكرت موقف صارلي قبل كم سنة وما راح انساه مرة رحت المكتبة ونزلت من السيارة وشريت مجلة المهم من حماسي على قرايتها صرت اقراها وانا طالعة من المكتبة وانا منسجمة مع المجلة دلت السيارة وقعدت اقرا الا السواق يطق قزازة السيارة وناظرت القزازة الثانية الا صاحب السيارة مبتسم وطبعا استحيت من هالموقف مرة ما كان لي داعي ابدا وارجو انه ما في احد تعرض لهاموقف المحرج





مشاركة

يوم زواجي حصل لي موقف عجيب جداً ،، تزوجنا انا وخوي في نفس الليلة والحمد لله كانت أختين المهم في اخر ليلة الزواج طبعاً انا بأخذ زوجتي واخوي بياخذ زوجته وكل منا بيروح الفندق حصل لبس وركبت معي زوجة اخوي !! المهم انا ماعرفت ومشيت من عند قاعة الافراح وهاتك سوالف وكلام طبعاً افكر انها زوجتي وي قالت انت عبدالعزيز قلت لا نوره اضحك عليها شوي الا وهي جد قالت اقلك انت عبدالعزيز قلت لا ( واختبصت وصار وجهي قوس قزح ) وعرفت انها مو زوجتي رديتها واخذت زوجتي ، ركبت معي زوجتي وقالت لي ليش تسوي هالحركة الباااااايخة قلت وش يعرفني انها ماهي انتي (( قالت وتقولها بعد بسرعة نسيتني )) وشوي قلبت غيره وش قلت لها وليه كلمتها و... و .... و .... حتى عرفت انها غيووووووووووووره جداً





مشاركة

صار لي موقف في العطلة الصيفية الماضية ما أظن أنساه أبد بس عاد لاحد يضحك كنت رايحة إلى الراشد ومعيبنت خالتي وأخوي وكنا في الدور الثاني على ما أظن المهم كان قبالي محل عبد الصمد القرشي ومابين إحنا واقفين ما أدري وش كنا ننتظر سرحت شوي وكنت أناظر لوحة المحل وأقراها طبعا الكل يتابع الجزيرة وبرنامج الإتجاه المعاكس في ذاك الوقت برعاية نفس الشركة والي يتذكر الدعاية راح يضحك علي المهم قريت بصوت مرتفع بعض الشيء اللوحة وكان مكتوب فيها عبد الصمد القرشي للعود والعنبر والعطور وكملت على موجب الدعاية إلي كنت أسمعها في الجزيرة نبع له جزور وما أنزل عيوني عن اللوحة إلا وألاقي المحاسب الي في المحل ميت من الضحك على خبالي يحاول يكتم الضحك لدرجة تغير لون وجه طبعا أنا كنت في قمة الإحراج ودي الارض تنشق وتبلعني وأخوي أستغرب الضحك ووسألني وش مسوية أنحشت بالأول من المكان لأنه أخونا المحاسب ماسكت أبد وخبرت أخوي بالقصة وخلاني مهزله للصغير والكبير ماخلا أحد في البيت ماضحكه علي هذا الي حصل مسكينة رنين والله ضحكو عليها





مشاركة

وانا كنت فى السنه الثاني ثانوي كنت راجعه من المدرسه تعبانه ونمت عشان بكرة على اختبار مرة مهم وصعب المهم نمت ولااحد صحاني ماصحيت الا الساعه سته الصباح مربوكه ونازله من الدرج اصيح لش مااحد صحاني لقيت وحده من الشغالات جالسه فى الصالون تحت تتفرج على التلفزيون الصباح صرخ عليها ليش انا خلاص بسقط بالامتحان النهائي ياويلي المهم انا اصيح قلت خلاص انا برسب فى الماده اكيد والشغاله تناظرني مرتاعه وانا اقول لها روحي انتي السبب طبعا لااحد يلومني انا منفعله شوي المهم طلعت لغرفتي وتفرجت شوي على الكتاب وانا ارتجف من الخوف والبس مريولي والم شعري واطلع اركض لقيت السيارة عند الباب طلعت فيها وناديت على السواق وقلت له روح للمدرسه والشغاله تناظرني بعين وهي مستغربه شوي والا اسمع صوت اذان والجو ظلام ولااسوعبت الجو الا الساعه كانت سته المغرب وماما طالعه تركت الشغاله عندى وانا نايمه خايفه على وبعدها طحت على الكرسي في السيارة وشغلت السيارة وجلست اذاكر فيها وكانت احلى مذاكرة لي في حياتى ونجحت في ماده الادب امتياز انصحكم انكم تذاكرون في السيارات





مشاركة

قبل سنين مضت أيام الطفولة كنت أنا والشباب نلعب في الشارع واحد من الشوارع الضيقة عندنا كورة طبعاً المهم شاتها واحد من العيال وراحت في بيت مهجور كان سكانه من العمالة الأجنبية المهم اخوك الملقوف سوى فيها عنترة وحاول يفتح الباب بحرفنهوفعلا فتحته ودخلت أبي الكورة ولما حنيت ظهري لأخذ الكورة غيمت علي سحابة ما أدري من طلعت رفعت راسي وإذا ذا الزول اللي مايدخل من باب المجلس- وهو يمسك كتفي. جلست أتعتع بالكلام ..والله مادريت إنك ساكن هنا والله ما أسويها مرة ثانية والله والله ... الزول اللي يجازيه بالخير قلي آخر مرة أنا يوم سمعت الكلمة صاروخ وعين ماتشوف إلا غباري





مشاركة

والله ياخوي المواقف كثيرة الله لا يعيدها مثـل واحد الليلة رايح لمستشفى الحرس الوطني وأرضية المستشفى توهم ماسحينها بمطهرات ويتزحلق ويطيح على ظهرهويقعد يضحك (من الحياء طبعا) ويجتمعون عليه الناس واللي يسمي عليه واللي يضحك.. وهو من الفشيلة يتبسم بوجيه خلق الله ويقول " ماتعورت والله..عادي "...(تراه مو أنا ولا ظهري يعورني ولا شيء )




مشاركة

والله ياخوي المواقف كثيره ومن كثرتها ناسيتها لكن اتذكر موقف حصل لاحد صديقاتي محرج مره وهاكم الموقف صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبع 00المهم اللي حصل ان صديقتي واخواتها يبغون يشفون العريس وكان في غرفه مجاوره لغرفة الملس يفصل بينهم باب سحاب صديقتي هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الظغط والدفع مادريت صديقتي الا وهي مدفوعه من الباب الا وهي على رجول العريس طبعا موقف لا تحسد عليه الا والكل يضحك حتى ابوها والعريس يضحك ويقول والله جتك هديه في زبديه وكان لسه ما شافها ههههههههه موقف رهيب صح

الأخ/ابو صياح

السلام عليكم

تشكر على هالمواقف اللي توسع الصدر واشوى انك يوم

حكرت الصورة((عيت تطلع الصورة كالعادة))

والا كان متورطين بالموضوع الأول


اشكرك مرة ثانية

تحياتي

ابو يزيد

تسلم على هذه المشاركات الى توسع الصدر وتسلم .
تصدق مواقف (طريفه فريده) من نوعه :D:D:D

ابو الصحاصيح انت كلك قبله انت ومشاركاتك وتعليقاتك واسمك كلك على بعضك مقبول
..........
طقطق ونا اخوك بهالكمبيوتر يماااااااااااااا
تعرفله وحنا بننتظر بس الضهار بتبطي
.........
تقبل تحياتي
........
برزان

ابوصياح

مشاركه ولا احلى من كذا

وتذكرت كم موقف مشابه حصلوا معي

بس ما انا قايل لانها تفشل

على كل حال تسلو يا ابو صياح وتراك ونستنا والله

وتسلم

مشاركة

والله ياخوي المواقف كثيره ومن كثرتها ناسيتها لكن اتذكر موقف حصل لاحد صديقاتي محرج مره وهاكم الموقف صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبع 00المهم اللي حصل ان صديقتي واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب صديقتي هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع ولمدفوع لشوفة العريس ولكثرة الظغط والدفع مادريت صديقتي الا وهي مدفوعه من الباب الا وهي على رجول العريس طبعا موقف لا تحسد عليه الا والكل يضحك حتى ابوها والعريس يضحك ويقول والله جتك هديه في زبديه وكان لسه ما شافها ههههههههه موقف رهيب صح
**************************************************
الاخ العزيز ابو صياح اعتقد ان هذا الموقف بالذات حدث في بيت فيصل الدويش عندما جاءة محمد ابن عروج وكان ابن عروج من اجمل العرب الذي تتحدث عنه الناس وعن جماله وعندما كان في مجلس الدويش اخذ النسوه الموجودات في بيت الدويش التزاحم خلف الرواق حتى سقط الرواق وسقطت النسوة وكان هذا الموقف المخزي لصاحب البيت الدويش امام ابن عروج
_____________________
ولكن ما حدث كان اكثر خزيا فلقد امر المعزب او الامير ابن دويش الامام باقامة الصلاة والناس ضحا فقام ابن عروج لتسنن ولم ينتهى من صلاة الا وقد قام احد عبيد الدويش بابعاز من عمه بقص راس ابن عروج
........
وارجو من من لديه ملاحظات على هذه القصه ان يكتبها والسلام

أخوي الكبير أبو يزيد
تسلم على التواصل
و وين موقفك
000000000000000000000000000000
أخوي الصغير/أبو مرزوق
هلاوالله وإذا كانت المواقف(طريفه و فريده وعمشا):p
هذا والله من ذوقك يالغالي

لكن عاد أنت ماأكثر من مواقفك
ياخي عطنا واحد منهن
(وبعدين يابومرزوق شف لك إشتراك غير أول نت لأنه خرب يوم طحتبه الله يهديك ماتوقعتك شراره كذا)
00000000000000000000000000000
عمي برزان
ياخوي ترن أعدمت برمجةالجهاز 3مرات ومافه فايده

يعني الراس مقفل
وتسلم على المشاركة وياليتن أعرفه مضبوط لكن أول مره أسمعه منك وعزالله خاثره

وبعدين وين مواقفك
00000000000000000000000000000000
أبو علي يابوعلي000000هلا والله

قل وأنا أخوك الصغير طبعآ
مافيها شي
أو تدري شلون قل أنه لواحد من أخوياك وماعليك

تسلو يابوعلي علىالمشاركة

:p


يابو صياح انا دابة سليمه مصارلي اي مواقف ابد
وبنسبه للاشتراك هذي نصيحتك